Shoddo 101:2 - Kafa Linguistics Project

² Ta gommon xalliyemmo taane; ta waan ne woyemmo aatane? Ta taatee kexoochaa kaamittinoona beeyemmo taane.

Shoddo 101:2 ပူးပေါင်းရင်းမြစ်များ

Halloo 18:19

Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

2 Saameeli 8:15

Daawitiyoo Israꞌeelee showoo bulliich taatehe; bi asheenaꞌo bullinoo tachiꞌi gaawe dayinnetoona qeejjiye.

1 Taateenaꞌo 11:4

Solomooni geenehooba, bi mecheenaꞌo bi mulloon, bare nuggisheenaꞌo waan wochiyeete. Solomooni, bi nihoo Daawitichoommon, bi mullo bi Nuggishoo Doono Yeerich gibeneeto tuneyaanoone.

1 Taateenaꞌo 9:4

“Newoo, ne nihoo Daawitichoommon, ta getoon ne waayegaata, xalle mulloonaa kaamittinoona taach ne maddegaata, neech ta getteto bullin ceechaa ne tuniigaata, ta qociyoonaa ta doyoonon ne quyegaatoo,

2 Kiinoo 15:17

Aasi guudi toommeexi goyinnee xaaꞌeenaꞌon Israꞌeelee showoochee ciroona aalliyoo bi qajjitaanona, kashoona bi beeti yemeeno bulliich Doono Yeerich gibeneetone.

2 Kiinoo 30:12

Wottoo Doono Yeerichi qaaroommon, taatoonaa iraasheenaꞌona boonoshich gettiton boonoshi tuniyemmoyich, ikke mulloon boonoshich imona, Doono Yeeri Yihudee asheenaꞌo daggooch shuunee beehe.

Shoddo 101:6

Ta taatee kexoochaa boonoshi maddemmoyich, hini showeexi gibeneeti asheenaꞌon gaawe aafoona ciinnemmo taane; bachaalli beemona beemmo aroo taach maddemmone.

Shoddo 119:106

Tate ne dayinnetoon quyoyich, manjiyaa wogehoye.

Shoddo 119:115

Ta Nuggishoochi geteenaꞌon ta quyemmoyich gondeenaꞌote, ta waanee wohote.

Shoddo 26:11

Tunebaani ta, xallittinoona shaaddeto taane; taan biishebe; taachoo ariqqebe.

Shoddo 40:17

Ta, girecho, amaalli hulloo taane; tunebaani Doono taach gabemmone. Ne, ta gaachoonaa taan wodiyechona neene; ta Nuggishoocho, yagiyaahine.

Keyo 20:24

“ ‘Showoon gutiree deejjee gudoon taach shuunebote. Aree toommoochoo micciibeeti deejjoonaa ikkittinee deejjoonoyich, ittoshi bageenaꞌoochee, ittoshi emmisheenaꞌonaa ittoshi miiminaꞌonoochee taach deejjibote. Ta shigo shalligeyemmoyich ta tuniyemmi xaaꞌoo aabiichona, ittoshi waan waaree ittoshin diiremmo taane.

Isiyaasi 38:3

Ishichiinoo iye: “Doono Yeero, gibeneeto ta tunoon, ceeni ta mulloona neech ta maddoon, ne aafooch gaawe mooyon ta tuniyoonoo and ne shalligemmoyich neen qollehoye” iye; girgittiinoo eeppiye.

Yibbaatoo 6:7

Ne bushiishoyichoo manjii dojjibe. Kexooch ne kotaa beegaata, gommona ne hammaa beegaata, ne qeyaa beegaata, ne tiyaa beegaatoo, ne noonoochee kuxaanoon gete.

Yaasi 24:15

Tunebaani Doono Yeerich goyinnee maddoo ittoshich gaaweto tuneꞌi bekko bi qayigaata, ittoshi qaabbechinaꞌo Efiraaxisee beqach beeti Mesopotaamee showooch boonoshi beehooba, boonoshi goyinnee maddeti nuggisheenaꞌoyich woyee boonoshi showooch ittoshi beeti Amooreenaꞌo goyinnee maddeti nuggisheenaꞌoyich goyinne maddemmo ittoshi tunegaata, ittoshi goyinne maddemmon hanaach goomiree kaacote. Tunebaani taannaa ta kechi asheenaꞌona no goyinne maddemmo Doono Yeerichiye” iye.

1 Saameeli 22:14

Ahimeleekiyoo taatoyich ishichiꞌi wochiye: “Ne naayinaꞌo daggoochee gibeneeto, Daawitiyoommo konine? Biyoo ne bushee keno, ne quyee naayinaꞌo toommooch ukkiroo, wotta ne kexooch beeti asheenaꞌo oogiibeeti uroone.