9 Kubbooch daaheroochoommon ottii quyee beehe; girechon yeshoyich quyehe; girechonoo gaappee yechiꞌinoo bi dabboona geechiye.
Ebiyoo qitooch nalleeton bi wodiitoyich, amaalloochi qannooch bi neexetoyichiye.
“Girechinaꞌochi xuuxoyich, iritechinaꞌochi cookoyich and tiyemmo taane; boonoshi qaatiti diggoon boonoshich immemmo taane” iye Doono Yeeri.
Geecechinaꞌo taach shaachoon shaachiyeete; taach dabboon dabbeheete; gommooch shaachoon taach shaachiyeete.
Boonoshiyoo yeshi yangixxa dakiti daaheroomminaꞌone; ottii quyeebeeti more daaheroomminaꞌone.
Ta ashittino bulli neech ishichemmone: “Doono Yeero, hakka guutoon, biyee beshe kuppho waanee, hakka guutoonaa girechonon neexxii hajjiibeeto waanee, wodiibeeto, neenoommo konine?” gettemmone.
Gondeenaꞌo, girechonaa amaalli hulloonon wuxoyich, gaawe boochechinaꞌon guuroyich, boonoshi goraadoon kaacciyeete; maꞌoonoo yeepphiyeete.
Ebiyoche taan wuxoyich ottii quyetinaꞌone; Doono Yeero, gondoon tuneba axaaxoon amoonolla ta shuuneyaanoon, maacmanjeenaꞌo ta toommooch tiyiyeete.
Girechon xuuxiibeeto biin Halliton hoxehe; tunebaani girechoyich ariqqeebeeto biin Halliton oogiihe.
Bi gaannooch daakkoyich girechon xuqqiibeeto, woyee gaannechoyich immiibeeto, giremmone.
Girechinaꞌon hajjiibeeti maaci manje ukkiroo, gigeebeeti daaheroommo, woyee capphi yecha ii beeti diiboommone.
Ta asheenaꞌon ittoshi yiikkeebeeto, girechinaꞌo aafoon ittoshi tulliibeeto amoyichiye?” iye Beshe Mawe Nuggishoo Doono Yeeri.
Xumme ashi gaboo gondoone; girechochi cookoo tato bi tunetaanoona koote yibbaatoona girechon aalliyoyich gondoon gabiye.
“Ta asheenaꞌo daggooch gonde asheenaꞌo beetinaꞌone; dabbechochoommon ottiyeete; shaachoon shaachiꞌi asheenaꞌon kambeheete.
Ottiibeeti diiboommon, nappii quyeebeeti daaheroommonoo, taach tunehe.
Showee asheenaꞌo xuqqiyeete; boggiyeete; girechinaꞌonaa iritechinaꞌonon xuuxiiheete; shiqqoon xuqqiyeete.
Daaheroo bi yechemmi mooyo aalloon baad cikki kubbi daggoochaa gigehe? More daaheroo bi maayemmi mooyon yeshaanoon bi beeyi xaaꞌoochaa baad cikki cookehe?
Yeer asho showee toommooch aalletone; ashi daggoochoo kaamoo tuneti asho aalloone. Asho bulli ashi damoon ukkoyich ottii quyee beetone; bi manoon dabboona dabbe yecha ii beetone.
Baablooneenaꞌo haashoon qamaaxiroona yeshoommon ashoon yechiyeete; haashoon dabboona geechii kichoommon geechiyeete. Ebi boonoshi yechiti mooyoyich emiroona cookiyeete.
Noon shaci aalliiya yubee yongoochoommon waati, girechon aashoochaa qooxxa iꞌi emiriibeeti, ginechinaꞌochi iraashoon bi shangoona kochehine.
Boonoshi oogo shoottetoyich, qiddeenaꞌochi eefoon waayebote! Yoordaanoosi aachi gashooch beeti dunjunje shaaroo aalletoyich, daahereenaꞌochi gigoon waayebote!
Tunebaani gijjoon deqqiꞌi qiddeebeeto biicho tuneti bagee qiddoo tuno bi qajjitoyich, okeroo waataa bi beegigaata bageenaꞌon dufiichi woccemmone; arooba okeroo bageenaꞌon yechemmone; boonoshinoo shaccemmone.
Wotta aabbe ashoyee besheenaꞌo ‘Biin wuxaanoon maayoon tuneba uyoon yeshaachone’ iꞌi boonoshi kashoona wogeꞌi, gommooch ottii quyee beetinaꞌone. Andoo boonoshi qanniꞌi quyeebeeto, ne noonoochee kechemmi mooyon baachiye. Illa ne boonoshich deꞌa gettaahine” iye.