Shoddo 10:4 - Kafa Linguistics Project

⁴ Gonde asho bi geecoochee tiyitona Doono Yeerin aaxxiyaache; biyoo “Yeeri aalloone” iꞌi gabiye.

Shoddo 10:4 ပူးပေါင်းရင်းမြစ်များ

Halloo 6:5

Doono Yeeri asheenaꞌochi gondo showee toommo bulliich bi woddoon, ashi mullee gaboonaa qaatoona bulli aaboon gondo baach bi tunoonoo beeggiꞌi,

Iyoobi 22:17

Boonoshiyoo Yeerin ‘No waanee ikibe; Beshe Hakkechi Yeeri nooch amo halleshone?’ iyeete.

Shoddo 101:5

Bi nuuchoon gubbaa oonnii beeton aalliyemmo taane; geecoona coonderee beetinaꞌon haaꞌiyaachemmo taane.

Shoddo 18:27

Xukketinaꞌon wodiihine; tunebaani geecechinaꞌon giishiihine.

Shoddo 27:8

Newoo, “Taan qaawibote” iyine; Doono Yeero, ta mullo “Neen qaawemmo taane” iye.

Shoddo 36:1

Axaaxecho gonde mooyon bi mulloona gabiye; Yeerin shato bi aafooch aalloone.

Shoddo 53:1

Mullaalli asheenaꞌo boonoshi mulloona “Yeeri aalloone” iyeete; ebi asheenaꞌo duubeenaꞌone; boonoshi shuunoo ciigeetone; gaawe mooyon tuniibeeto ikkolla aalloone.

Shoddo 73:11

“Halla Beshoo Yeerich ariyoo beete? Yeeri ariyemmo aabichireeshiye?” iyeete.

Keyo 5:2

Farooniyoo wochiꞌi ishichiye: “Bi getoon ta waayemmonaa Israꞌeeleenaꞌon ta gawukkemmonoyich, Doono Yeeri aroo konine? Doono Yeerin ariyaache; Israꞌeeleenaꞌonoo gawukkaache” iye.

Shaahiyoo 21:4

Aafee ciixonaa mullee geecoona gondeenaꞌochi ceecheenaꞌone; ebiyoo axaaxoone.

Shaahiyoo 30:13

Geecoona coondereebeeti, boonoshi qillifoonoo ciixxiibeeti, asheenaꞌo beetinaꞌone.

Shaahiyoo 30:9

Ebiyoo miyi neen ta nookkeyaachemmoyich, “Doono Yeeri konine?” ta getaachemmoyich, woyee gire ta gaayaachemmoyich, ta Nuggishoo ne shigoon ta naakkiyaachemmoyichiye.

Shaahiyoo 6:17

geecechi aafo, koottiibeeti heciyoo, xalle damoon ukkiibeeti kishoo,

Dojjecho 8:11

Gondoon shuunee beetinaꞌo toommooch kaatee nalleyoo bi qajjitoyich, asheenaꞌochi mullo gondoon shuunoyich kupphehe.

Isiyaasi 2:11

Cooddiibeeti asho giishemmone; geecechi asheenaꞌoo yittemminaꞌone; arooba Doono Yeeri baach oogemmone.

Isiyaasi 3:9

Boonoshi aafoochee bekkeebeeti mooyo boonoshi toommooch miixee beetone; boonoshi axaaxoon aachaanoon, Sodoomee asheenaꞌochoommon axaaxoon xalla shuunee beetinaꞌone; boonoshi toommooch gonde mooyon boonoshi deebii beetoyich boonoshich woowo!

Isiyaasi 59:7

Boonoshi baatoo gondooch wocciye; xalle damoon ukkoyich afaafineheete; boonoshi gaboo gonde gaboone; aalliyoonaa happoona boonoshi gommooch beetone.

Isiyaasi 65:2

Boonoshi mullee daaggoona hammiibeeti, gonde gommona hammiibeeti, hukkechi asheenaꞌoyich, heeyo bullin ta kishoon yaggiyoye.

Erimiyaasi 2:31

Hini shiijjereenaꞌote, Doono Yeeri ta qaaroon waayebote. Iberoochaa Israꞌeelich shuuꞌi showoo woyee mandere showoo tunetote? Ta asho amoyich ‘No, gawukkoo noone; illa ne waan wotteyaachemmo noone’ iye?

Erimiyaasi 4:14

Yerusaaleme, ne wodemmoyich ne mulloon gonde mooyoochee mayi xalliibe. Ne gonde gaboo ne waan bi beeyemmo aati wottooniye?

Sofoniyaasi 1:12

Arooba, ceechoon yeshiree Yerusaalemin boshemmo taane. Michii beetinaꞌon, boonoshi qelloon gibenee beetinaꞌon, boonoshi mulloonoo ‘Doono Yeeri gondoon tuneba deꞌe mooyon tuniyaache’ ii gabii beetinaꞌon naxemmo taane.

Sofoniyaasi 2:3

Doono Yeerichi getoon waayeebeeti, ittoshi qelloon yittiibeeti asheenaꞌote, Doono Yeer waan wottebote; tate mooyon tuniibote; Doono Yeeri aafooch ittoshi qelloon giishiibote. Ebin tuniyoona Doono Yeerichi kaaree aabooba diqqich murici wodemmo ittoshine.

Maariqoosi 7:21

Ashi mulloochee kechii beetinaꞌo, gonde gaboo, yahoo, gaayo, wuxoo,

Mishiraachechinaꞌo 8:22

Illa hini xumme ne gaboochee Yeer waan wottebe. Yeerin ne qolletaa, diqqich ebi ne mullee gondoochee neen maaremmo tunemmone.

Roomi 1:21

Ebiyoo Yeeri koni bi gaata ariibee, Yeeri bi tunee oogoonaa galletoonon biich boonoshi bajjitoyichiye. Boonoshiyoo duube gabecho tuneheete; gabaalli boonoshi mullo xummehe.

Roomi 1:28

Yeerin ariyoon gaacaallo shaahiiꞌi boonoshi gabitoyich, tuneyaani mooyon boonoshi hallemmoyich, Yeeri boonoshin qajjiye; ebich xumme gaboon baach gabiyeete.

Efesooni 2:12

Aroobee yemeenooba, Yeeri kaacciti Israꞌeeleenaꞌoyee wokkiꞌi, gibenee qaaree wogoyich dallaawoon tuneꞌi, hini alemooch gibenoon mucceꞌi, Yeeri aalli ashoon tuneꞌi, Kiristoosiyee bariꞌinoo beehote.

Yibbaatoo 8:14

ne mullo geecaa, Gibitsee showeexi guuchittinoochee neen kichii deebiti ne Nuggishoo Doono Yeerin ne batteyaachemmoyich ne qelloon ariibe!