Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Shoddo 1:3 - Kafa Linguistics Project

3 Aroo, woce aachi gashooch becheeti, bi goori gooroona aafaabeeti, bi waamo shoollaani, mixiyoommone; bi shuuneebeeto bulli biich kaamemmone.

အခန်းကိုကြည့်ပါ။ ကော်ပီ




Shoddo 1:3
32 ပူးပေါင်းရင်းမြစ်များ  

Doono Yeeri Yooseefina tookkii tuneꞌi, bi tuniibeeti mooyo bullin kaachii bi beetoyich, cuyee kechi ukkiroo Yooseefichi kishooch beeti mooyo bullich amoonolla gabaanoone.


Doono Yeeri Yooseefina tookkii bi tunoonaa bi shuunoo bullin biich kaachito bi tunoonon Phoxifaari beeggiye.


Doono Yeeri biinna tookkii bi beetoyich, bi tuniibeeto bulli biich kaamehe. Asooree taatoo toommooch hukkoon tiijjiꞌi biich hajjeyoon qajjiye.


“Andoo ta bushoocho, Doono Yeeri neenna tookki tunebe; neechon bi gibenikkitoommon, ne Nuggishoo Doono Yeerichi kexon ne haggemmoyich neech kaachibe.


Doono Yeeri Muusina bi immiti sheeroonaa qociyoonon manjiyaꞌa ne quyegaata, mooyo neech kaamemmone. Kupphebe; maac kuxo tunebe; shattaahine; ne gibenoon kuxxaahine.


Doono Yeerichi yaafee kechi maddoon tunetaa, Doono Yeerichi sheeroonaa getoonon ceechoon ciinnii beetona, bi tuniibeeto bullin bi ceeni mulloona Doono Yeerin gibenoona tuniihe; biichoo mooyo mashaamiye.


Meeti asheenaꞌoo Doono Yeerich wojjoon yechiꞌi, Yerusaalem waa beeheete. Yihudee taatoo Hiziqiyaasichoo aaxxe mooyon immii beeheete. Aroobee tiijjiꞌi aageteenaꞌo Hiziqiyaasich oogoon immii beeheete.


aachi cingeena wochinnoon atemmone; maayi colloochoommon atoon kichemmone.


Ne gabito neech ceennemmone; ne gommooch bekko bekkemmone.


Ne aayon maayemmo neene; emiremmo neene; neechoo kaamemmone.


Aroona beshee beetinaꞌo “Doono Yeeri diiroo ittoshi toommooch tunebe; Doono Yeeri shigoona ittoshin diiriyone” gettaayeete.


Boonoshi geenehoobolla aafemminaꞌone; bulli aabooch kupphe, nuuriree, “Doono Yeeri kaamoone; biyoo nooch Deebe Xaqqoone; bi waan xumme mooyo aalloone” geti awaajjibee, beeyemminaꞌone.


Michi ateenaꞌo boonoshi shuuꞌiyooba tiisheheete; maacheenaꞌo qaaqqooch shookka maciyeete; shalligaalli asheenaꞌo boonoshi tunetoyich, boonoshin Hallito boonoshich ariqqeyaachemmone; boonoshin Hallito boonoshin gaawe aafoona ciinaachemmone.


Cadiqeenaꞌoyich, “Mooyo ittoshich kaamemmo bi tunetoyich, ittoshi shuunee aafoon maayemmo ittoshine” gete.


Aacon gaawichii uchiti mocoochoommon, aachi gashooch beeti mixochoommon, uummemminaꞌone.


Doono Yeeri ta, ittoshin bulli aaboon yaabemmo taane; shuuꞌi showoochaa ittoshi qaatoon ceechemmo taane; ittoshi shaawushoon kupphiyemmo taane; aaco ucheeti bechee xaaꞌoommon, tahii ariyaani aachi xuuphoommon tunemmo ittoshine.


Aroo aachi gocooch becheeti, bi cammon aacooch awureebeeti, gaamoo waataa shataani, showoo shuuꞌiyooba keqqaani, bi waamoo waarwaariibeeti, kuxaanoon aafaabeeti mixoommone.


Tunebaani ebi woyino bi becheeto bi atemmoyich, bi aafemmonaa gaawe woyinoon bi tunemmonoyich, wodde aaco beeti gaawe showoochiye’ gete.


“Ne indee aachi gashooch becheeti woyinoommine; aachi woddoochee tiyitona aafeebeeti wottoo wodde atechi woyinee qombeyoommine.


Ebich bi neexo kubbeexi mixo bulliyee beshiye; bi qaakkeenaꞌoo woddeheete; aachi woddoochee tiyitona genjeheete.


Aachi gashooch, okkinaa hachinooch aafo manjeebeeti mixinaꞌo beeyemminaꞌone; boonoshi waamo shoollaachemmone; boonoshi aafoo ooyaachemmone; yaafee kexoochee kechiti aacon danee beetinaꞌo boonoshi tunetoyich agen agenoona aafoon aafemminaꞌone; boonoshi aafo maayoon, boonoshi waamo attoon tunemmone” iye.


“Bambeenaꞌoomminaꞌo, aachi gashooch beeti bechee mixinaꞌoomminaꞌo, Doono Yeeri bechiti, ereeteenaꞌoomminaꞌo, aachi gashooch beeti yigee mixinaꞌoomminaꞌone.


tunetaa aabe michimmona shoolliye; cammon awuro bi qajjitoyich, shuuqqiye.


Gommi gashooch ikke balaasee mixin beeggiꞌi bi waan hammiye; tunebaani waamoyee damba aafoon cir daneyaanoone. Ebich balaasee mixin “Guttinnoon aafoon aafaaye” iꞌi uppiye. Are balaaseyoo bekkech shoolliyan.


Ebiyee gubb, woyinee aafee gooroo waataa, ‘Woyinee aafoon quyechinaꞌo waanee qoodeeree ta qoodoon deebote’ iꞌi bi guuninaꞌon quyechinaꞌo waan wochehe.


Boonoshiyoo wochiꞌi, “Hini gonde asheenaꞌon guuri ciichemmone; woyinee aafoonoo bi goori gooroona biich deebemmi bare quyechinaꞌoyich immemmone” iyeete.


Koniyoona taanna beetaano bi tunegaata, kuxxii maaxooch dufaa shuuqqiibeeti ateenaꞌoommon tunemmone; boonoshinoo kiciree qaaqqooch duppemminaꞌone; michishoo gettemminaꞌone.


“Doono Yeeri ne gotoonaa ne kishoona ne shuunaabeeto bullinon diiremmone; ne Nuggishoo Doono Yeeri neech bi immiibeeti showoochaa neen diiremmone.


Eboshi yeelleyaanoon woddiiꞌi uchii maa boonoshi beegaata, ittoshi ikkittinee madoochaa kiinoomminaꞌone; boonoshi qellichon baachiye boonoshi gabiibeeto; yongo shaccii aalliibeeti, amiyo deebaani quboomminaꞌone; bi gooroona aafeyaani, cammona waaxaa ciroona shuuqqiti mixoomminaꞌone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ