Shoddo 1:1 - Kafa Linguistics Project

¹ Gondeenaꞌochi ciicoona hamaani, axaaxechinaꞌochi gommooch neexeyaani, cooqqirechinaꞌochi gabberooch koteyaani, asho diireetone.

Shoddo 1:1 ပူးပေါင်းရင်းမြစ်များ

Halloo 49:6

Boonoshi koceyooch ta giyaache; boonoshi iitee xaaꞌooch ta daneyaache. Ippoona tiyiꞌi asheenaꞌon wuxitinaꞌone; gatteenaꞌochi tingoonoo qeccee kaachitinaꞌone.

Halloo 5:24

Henooki Yeerina tookkii ikkotteꞌi beehe. Ikke areddoon Yeeri biin daammiye; ebich asheenaꞌo biin guttinnoon beegaaneenaꞌone.

1 Taateenaꞌo 16:31

Nebaaxi bushoo Yeroboꞌamichi axaaxoon dabboo kette mooyo shaahiꞌi biich bekkehe. Biyoo Sidoonee taatoo Etibaꞌaali bushee Elizabeelin shaaggiye; Baꞌaaloyich maddehe; goyinneenoo iye.

2 Kiinoo 22:3

Bi indee gondoon bi tuniyemmoyich biin bi boyetoyich, biyoo wotta Akaabi shiijjereenaꞌochi gonde gommon dabbiye.

Iyoobi 10:3

Taan ne xuuxiyoo, ne kishee shuunoo tuneti taan ne hoxo, gonde asheenaꞌochi gaboon ne dego, tatoone?

Iyoobi 21:16

Ebi asheenaꞌo ‘No gaanneto no giidoonane’ iꞌi gabii beetinaꞌone; tunebaani, gonde asheenaꞌochi iinjeyoo, ta waanee wohe!

Iyoobi 31:5

“Ta beemo kootee yibbaatoona bi tunegaata, ashoon dawushecho ta gaata,

Shoddo 1:6

Doono Yeeri cadiqeenaꞌo aaf shiichiꞌi, boonoshin quyee beetone; tunebaani gondeenaꞌochi gommo bi bechiibeeto aalloochiye.

Shoddo 106:3

Dayinneto dabaachemmoyich quyee beetinaꞌo, cadiqoon bulli aabooch tunii beetinaꞌo, diireetinaꞌone.

Shoddo 112:1

Haleluya! Doono Yeerin shattiibeeto, bi geteenaꞌona oogichii emiriibeeto, diireetone.

Shoddo 119:115

Ta Nuggishoochi geteenaꞌon ta quyemmoyich gondeenaꞌote, ta waanee wohote.

Shoddo 144:15

Ebi diiroon daneebeeti maccoo diireetone; Doono Yeeri bi Nuggishoo tuneti asho diireetone.

Shoddo 146:5

Yaaqobichi Nuggishoon bi gaachoo, bi Nuggishoo Doono Yeerinoo bi gibeno, tuniito diireetone.

Shoddo 146:9

Doono Yeeri shiqqeenaꞌon quyehe; xuumeenaꞌonaa nihaalleenaꞌonon gaachehe; tunebaani gondeenaꞌon gommo mucciihe.

Shoddo 2:12

Bi ippeyaachemmoyich, gommoochaanoo ittoshi aalleyaachemmoyich, qewebee biich goyinnebote. Ebiyoo bi kaaree shiixxoo kaate bi aaxxeyaachemmoyichiye. Bi shoobooch giyito bulli diireetone.

Shoddo 26:12

Ta baatoo tate xaaꞌooch neexetone; ooge iitee daggoochaa Doono Yeerin galletemmo taane.

Shoddo 34:8

Doono Yeeri deꞌo bi tunoon ciiniree ariibote; bi shoobooch giyiti asho diireetone.

Shoddo 36:4

Bi qeenoochaa gondoon gabiye; gaaweyaani gommo waan wottehe; gonde mooyon shixaache.

Shoddo 64:2

Gondeenaꞌo aashoona koceyoochee, gonde shuunechinaꞌochi dulloochee taan aachibe.

Shoddo 81:12

Ebich babbere boonoshi mulloona boonoshi hammemmoyich, boonoshi gaba boonoshi heechemmoyich, qixehoye.

Shoddo 84:12

Beshe Mawe Doono Yeero, neen gibeneebeeti asheenaꞌo diireetinaꞌone.

Shaahiyoo 1:15

ta bushoocho, boonoshina tookki gommona hammaahine; boonoshi gommoochee wohe.

Shaahiyoo 1:22

“Mullaalleenaꞌote, mullee muccoon ittoshi shuni beeyemmo aati wottooniye? Cooqqirechinaꞌoo boonoshi cooqqiroona boonoshi emiri beeyemmo aati wottooniye? Tuusheenaꞌo ariyoon boonoshi shixi beeyemmo aati wottoniye?

Shaahiyoo 13:15

Ariyecho tuno ashoon gaawe aafoona ciichiihe; tunebaani dawushechinaꞌochi gommo aallooch bechiye.

Shaahiyoo 13:20

Mullechinaꞌona tookkii shaꞌeebeeto, mullechon tunehe; tunebaani mullaalleenaꞌona nuucheebeeto, gonde iritooch dihiye.

Shaahiyoo 19:29

Cooqqirechinaꞌo toommooch nalloo, yeexereenaꞌo gubboyichoo quddoo, qannitone.

Shaahiyoo 2:12

gonde gommoochee, xumme yibbaatechi asheenaꞌo waaneenoo neen wodiyemmone.

Shaahiyoo 3:34

Coonechinaꞌon coonemmone; tunebaani boonoshi qelloon giishii beetinaꞌoyich wojjoon immemmone.

Shaahiyoo 4:19

Tunebaani gondeenaꞌochi gommo dunne manderoommone; amo boonoshin tephito gaata, ariyaaneenaꞌone.

Shaahiyoo 9:12

Mullecho ne tunegaata, bi gaaccemmo neeniye; cooqqirecho ne tunegaata, bi gondemmo neech baachiye.

Erimiyaasi 15:17

Emiroona kuufaareebeeti asheenaꞌona tookkii koteyaano taane; wottoo emiraano taane; ta ikkeeto kotehoye; ebiyoo ne kishoo ta toommooch bi tunetonaa ne kaaroona taan ne ceechitonoyichiye.

Erimiyaasi 17:7

“Doono Yeerin gibeneto, bi gibeno Doono Yeeri tuneto, diireetone.

Hiziqeeli 20:18

Boonoshi bushiisheenaꞌoyich barahoochaa ishichiyoye: “Ittoshi niheenaꞌochi qocoona hammaahote; boonoshi doyoonoo quyeyaahote; boonoshi shahalleenaꞌona eeꞌeyaahote.

Maatiyoosi 16:17

Yesuusiyoo wochiꞌi ishichiye: “Yoonichi bushoo Simoono, ebin neech bekkiito shimaayooch beeti ta Nihoani asho toonoone; ebich diireeto neene.

Luqaasi 11:28

Tunebaani Yesuusi “Beshoon diireetinaꞌo Yeerichi qaaroon waayeꞌi ceechii beetinaꞌone” iye.

Luqaasi 23:51

Are uro nallechinaꞌochi koceyoonaa boonoshi shuunoonooch bacceyaani ashoone; biyoo Arimaati getteebeeti Ayihudeenaꞌochi katemeexi ashoone; aroo Yeerichi taatittinoon quyeebeeti uroone.

Yowannisi 13:17

And ebin ariiꞌi ittoshi tuniigaata, diireeto ittoshine.

Yowannisi 20:29

Yesuusiyoo “Taan ne beeggetoyichiye ne iberiito; beegaanoon iberii beetinaꞌo diireetinaꞌone” iye.

Roomi 5:2

Yesuus Kiristoosiyoo wotta bi toommooch no mulloon tooꞌiyoona no beeti hini wojjooch noon shakkiiꞌi giijjitone. “Yeerichi oogee yiiroochee qoodeyecho tunemmo noone” getona nooch beeti gibenoona geeciyone.

Efesooni 6:13

Ebich gonde mooyo ittoshi toommooch bi shaggimmi aabooba, koyeree bullinoo wochiree, gubb kisheyaanoon neexoon ittoshi hakkemmoyich, Yeeri ittoshich immiibeeti ginee qiico bullin tiijji cuyebote.

Yibbaatoo 14:6

Manjaanee beetonaa bi shanekkoo kappheetona tuneti gijjoo tuneba cooxo aabinona mamon hakkihine.

Yibbaatoo 33:29

Israꞌeelo, diireeto neene; Doono Yeerina woditi asho neenoommo, konine? Gaachoochoommon bi neen quyee beetone; goraadoochoommon ne etteenaꞌon qeccee beetone. Ne etteenaꞌo maaroon qollebee ne waan woyemminaꞌone; tunebaani ne boonoshi shimetoon neexxemmo neene” iye.

1 Pheexiroosi 4:3

Yeerin ariyaani asheenaꞌo tunii beetoommon, yeelliibeeti kaayo, meechi qaatoo, masho, qelloon battiibeeti duubo, beshiiꞌi uyonaa tiyaariibeeti gommona shahalloyich goyinnoona ittoshi beshiiti yemeeno illa beddiye.

Yaaꞌoo 22:14

Boonoshich daaggeetaa, kelloona katemee maac giyiree kashee michi aafoochee boonoshi maayemmoyich, boonoshi qoreddoon machii xallii beetinaꞌo diireetinaꞌone.