Shaahiyoo 8:24 - Kafa Linguistics Project

²⁴ Aachi xuupheenaꞌo xuuphoyee, waarwaare aaco danoyee shiichaꞌa shiijjehoye.

Shaahiyoo 8:24 ပူးပေါင်းရင်းမြစ်များ

Halloo 1:2

Ebiyooba showoo malletaalloonaa amolla bi toommooch aalli hulloonane. Dunne manderoo wotta aacinaꞌo toommooch beehe. Yeerichi Ayaanoo aacinaꞌo toommooch dogii beehe.

Iyoobi 38:16

“Baharee aachi xuuphooch hammaa ariinne? Woyee waarwaare aachi dechi duchoona shaꞌaa ariinne?

Shoddo 2:7

Doono Yeerichi getoon awaajjemmo taane; biyoo taach ishichitone: “Ne, ta bushoo neene; hanaach neen shiyeto taane.

Keyo 15:5

Gejje aaco boonoshin qooxxitone; xaqqoochoommon dechi duchooch hollitinaꞌone.

Shaahiyoo 3:20

Bi ariyoona aacinaꞌo ufeheete; qubeenaꞌoo amiyon dichiyeete.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 3:16

“Mulloon bi Bushoo toommooch tooꞌiibeeto bulli, bulli yemeenee kashoon bi danemmonaa bi aalleyaachemmonoyich, Yeeri ikke bi Bushoon bi immimmi wottoon alemoon oogichii shunniye.

Yowannisi 5:20

Ebiyoo Nihoo Yeeri bi Bushoon shunnii bi beetoyichiye; wotta bi shuuneebeeto bullin biich bekkii bi beetoyichiye; ittoshiyoo ittoshi worganemmoyich ebiyee beshe shuunoon biich bekkiyemmone.

Hibireena'o 1:5

Maraakeenaꞌo daggoochee konichiye Yeeri, “Ne, ta Bushoo neene; hanaach neen shiyeto taane” bi ito? Wotta konichiye, “Ta biich Nihoo tunemmo taane; biyoo taach Bushoo tunemmone” bi ito?

1 Yowannisi 4:9

Yeeri ikke bi Bushoon hini alemooch bi deejjito, bi Bushoo waanaa kashoon no danemmoyichiye. Ebina Yeeri noon bi shunon beeggeto noone.