Shaahiyoo 8:20 - Kafa Linguistics Project

²⁰ Ta shaꞌaabeeto cadiqee gommonane; ta boocho dayinnetee boochoone.

Shaahiyoo 8:20 ပူးပေါင်းရင်းမြစ်များ

Shoddo 23:3

Ta kashoon andiriihe; bi shigoyicha iꞌi cadiqee gommona taan yaabiye.

Shoddo 32:8

Doono Yeeri ishichiye: “Neen dojjemmo taane; ne hammemmi gommon neech bekkiyemmo taane; neen ciiccemmo taane; neen quyemmo taane.

Shaahiyoo 2:20

Ebich ne, kaame asheenaꞌochi gommona hambe; cadiqeenaꞌochi gommonoo yeshe.

Shaahiyoo 2:9

Ebiyooba cadiqittinoonaa dayinnetoonon, kaamittinoonaa gaawe gommo bullinon shalligemmo neene.

Shaahiyoo 3:6

Ne gommo bullina biin ariibe; biyoo ne gommon neech kaachemmone.

Shaahiyoo 6:22

Eboshiyoo ne hammaa beegaata, neen yaabemminaꞌone; ne qeyaa beegaata neen quyemminaꞌone; ne tiyemmonoo neenna yibbaatemminaꞌone.

Shaahiyoo 8:19

Ittoshich ta immaabeeti mooyo, xalle aachoyee, xure birewoyeenoo beshe aaxxoone.

Shaahiyoo 8:21

Taan shunnii beetinaꞌoyich, gaannoon immemmi taane; boonoshi ginjabeetoonoo ceechemmi taane.

Isiyaasi 2:3

Meeti asheenaꞌo waaree ishichemminaꞌone: “Sheeroo Tsiyoonee, Doono Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Isiyaasi 49:10

Shaacoonaa shachewoona boonoshin yeshaachemmone; gaame yongo woyee aabee michoo boonoshin yexaachemmone; boonoshich ariqqeebeeto boonoshin yaabemmone; aachi xuupho waan boonoshin daammemmone.

Isiyaasi 55:4

Biin aageteenaꞌoyich miixoo, wulloonaa iraashoonon tuniito taane.

Yowannisi 10:3

Biich kellecho qechemmone. Bageenaꞌoo bi qaaroon waayemminaꞌone; bi bageenaꞌon boonoshi shigi shigoona ceegiree kichemmone.

Yibbaatoo 5:32

“Illa ittoshi Nuggishoo Doono Yeeri ittoshich gettiton ittoshi quyemmoyich ittoshi qelloon ariibote! Ebi aroochee qanna yoocha gettaahote.

Yaaꞌoo 7:17

Ebiyoo, taatee qeechi gutte daggooch beeti Bago boonoshich qiddoo tuneree, kashee aachi tunooch boonoshin bi yaabemmoyichiye. Yeeriyoo boonoshi acimo bullin boonoshi aafoochee hidemmone” iye.