Shaahiyoo 8:18 - Kafa Linguistics Project

¹⁸ Gaannoonaa oogoona bi beeto ta waaniye; abbetechi adduunoonaa beemi gaawoona taachone.

Shaahiyoo 8:18 ပူးပေါင်းရင်းမြစ်များ

Shoddo 112:3

Gaannoonaa adduunoona bi kexooch tunemmone; bi cadiqoo bulli yemeenoon beeyemmone.

Shoddo 36:6

Ne cadiqittino ooge guudinaꞌoommone; ne dayinnetoo aachi dechi duchoommone; Doono Yeero, ashoonaa gijjoonon wodiihine.

Shaahiyoo 11:4

Yeeri kaarehooba gaanno gaacaalloone; tunebaani cadiqo qitoochee wodiihe.

Shaahiyoo 24:4

Ariyoona, qiicee kexinaꞌo, aaxxi, gaawe gaanno bullina ceenniyeete.

Shaahiyoo 3:16

Bi qanne kishooch eeni genjo beetone; bi yooche kishooch gaannoonaa oogoona beetone.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

Luqaasi 10:42

Tunebaani qaaweeto ikke mooyo baachiye; Maariyamiyoo are gaaweti mooyon yechetine; biichoo bacheyaache” iye.

Luqaasi 12:33

Ittoshi gijjoo beetooch ittoshi mullo tunemmone; ebich ittoshich beemmon kemiree iriteeti ashich imbote. Gaayo shagaachemmi, pilo aalliyaachemmi shimaajji kexooch ciyaani gijjoo kiceebeeti geeneyaani kolloon ittoshich qanniibote” iye.

2 Qorontoosi 6:10

Ayinikkiti mooyo no toommooch bi shaggitaa, bulli aaboon emiriyone; girecho no tunetaa, meetinaꞌon gaannecho tuniihone; amolla nooch aallo bi tunetaa, bulli mooyo noochone.

Efesooni 3:8

Yaafeenaꞌo bulliyee desho taane; tunebaani koniyoona maqqiꞌi ariyoon hakkaani Kiristoosichi wojjeechon Aageteenaꞌoyich ta gettemmoyich, bullinoo halliti Yeeri wonnee yemeenoochee aacheeti, shuuneya bi gabiti mooyo amo gaata asho bullich gaxxi ta gettemmoyich, hini wojjoon taach immiye.

Filipphisiyoosi 4:19

Ta Nuggishoo ceeni bi gaannoochee ittoshich shappimmi mooyo bullin Kiristoos Yesuusina ceechemmone.

Yaaqobi 2:5

Ta shunnaabeeti ta maneenaꞌote! Ellebote! Kiristoosi toommooch mullee tooꞌiyoona gaannechinaꞌo boonoshi tunemmonaa biin shunnii beetinaꞌoyich bi gibenikkiti taatittinoon boonoshi woraashemmonoyich, Yeeri hini alemeexi girechinaꞌon kaacaanoone?

Yaaꞌoo 3:18

Ebich gaannecho ne tunemmoyich, qaaqqoona wociitaa shuuneeti aachoon, shokkaachoo tuneree ne yeelleyaachemmoyich ne tahemmi nacce tahoon, ne aafo ciinnemmoyich ne huutemmi attoon ta waanee ne kememmoyich neen ciiccaabeeto taane.