Shaahiyoo 8:17 - Kafa Linguistics Project

¹⁷ Taan shunnii beetinaꞌon shunnehoye; kupphiiꞌi taan qaawii beetinaꞌo taan danemminaꞌone.

Shaahiyoo 8:17 ပူးပေါင်းရင်းမြစ်များ

2 Kiinoo 34:3

Bi taateti shimittinnee natooba, batt busheebee, bi qaabbechi Daawitichi Nuggishoyich maddooch giyiye. Aaraa guttinnee natooba, Yihudee showoonaa Yerusaaleminon guudi toommeexi goyinnee xaaꞌeenaꞌoochee, Asheeri misileenaꞌoochee, qiicaa shuuneeti nuggisheenaꞌonaa ukkaa shuuneeti misileenaꞌonoochee xalliyooch giyiye.

Shoddo 91:14

Yeeri ishichii beetone: “Taan bi shunnii beetoyich biin wodiyemmo taane; ta shigoon bi arii beetoyich, biin quyemmo taane.

Shaahiyoo 1:28

“Ebiyooba taan ceeggemminaꞌone; tunebaani ta, wochaachemmi taane; kupphiiree taan qaawemminaꞌone; tunebaani taan daneyaachemminaꞌone.

Shaahiyoo 2:4

Birewoon woyee aacheeti gijjoon qaawoommon ebin qaawibe.

Shaahiyoo 2:5

Ebin ne tuniigaata, Doono Yeerin shato amo gaata ariyemmo neene; ne Nuggishoon ariyee gommon danemmo neene.

Shaahiyoo 4:6

Shalligoon duppaahine; neen deggemmone; biin shune; neen quyemmone.

Shaahiyoo 8:16

Woraaferasheenaꞌo yaabii qeejjiibeeto taannane; iraasheenaꞌo showoon qeejjiibeeto taannane.

Dojjecho 12:1

Xuuxee gooroo waataan beetaa, “Taan emirikkaache” ne gettemmi natinaꞌo waataan beetaa, ne gurimaashittinee yemeenooch neen Halliton gabibe!

Solomooni 3:4

Boonoshiyee giishechoon bekk beshaꞌa, ta shunnaa beeton daneho; biin manjiyaa yecheho; ta indee kexooch, taan bi shiyeti gatooch, biin ta deebemmi wottoon, gawukkaane taane.

Isiyaasi 45:19

Ta, mandere showoochaa aashoona yibbaateyaano taane; Yaaqobichi yareenaꞌoyich, ‘Duuboon taan qaawibote’ getaano taane; Doono Yeeri ta, iberoon yibbaateho; tate mooyon awaajjiyo.

Isiyaasi 55:6

Bi danee beehooba Doono Yeerin qaawibote; bi katinnii beehooboo biin ceegote.

Maatiyoosi 6:33

Tunebaani shiichi Yeerichi taatittineen, bi cadiqoonoo qaawibote. Arooba ebi bullin bi ittoshich daakkemmone.

Maariqoosi 10:14

Yesuusi ebin beeggii kaareꞌi bi dabbeenaꞌoyich ishichiye: “Qayote! Yeerichi taatittine eboshiyoomminaꞌochine. Ebich gishiishi bushiisheenaꞌo ta waan wobeete; bajjaahote.

Yowannisi 14:21

‘Tuniibe’ iyaꞌa ta getteton deꞌa iꞌi tuniibeeto, taan shunniibeeto aroone; taan shunnii beeton ta Nihoo shunnemmone; tawoo shunnemmo taane; biichoo bekkemmo taane” iye.

Yowannisi 14:23

Yesuusi wochiꞌi biich ishichiye: “Taan shunniibeeto koniyoona bi beegaata, ta getteton ceechemmone; ta Nihoo biin shunnemmone; bi waanoo woyemmo noone; bi waanoo beeyemmo noone.

Yowannisi 16:27

Ebiyoo taan ittoshi shunnitoyich, Yeer waanee ta womon ittoshi iberiitoyich, Nihoo Yeeri bi qelloona ittoshin bi shunnii beetoyichiye.

Yowannisi 5:4

Ikkikkoochaa Doonochi maraakoo ebi kote aacooch kindiꞌi aacon shuurikkii beehe. Ebi aaco shuuritoyee gubb shiichiꞌi are aacooch giyimmo amee biiyoocheenolla wodii beehe.]

Yowannisi 7:37

Baaree ciiroochee qaabbe aabooba Yesuusi neexee bi qaaroon oogichiꞌi, “Koniyoona shacheweto bi beegaata, ta waan waaree uye.

Yaaqobi 1:5

Ittoshi daggoochee koniyoona shalligoo biich shappi gaata, qoonaanoon mulloochee tiijjiꞌi bullich immiibeeti Yeerin qollebe; biichoo ichemmone.

1 Yowannisi 4:19

Yeeri shiichii noon bi shunnitoyich, no biin shunnaabeeto noone; noonnaa noonnoo shunaabeeto noone.

1 Saameeli 2:30

“ ‘Israꞌeelee Nuggishoo Doono Yeeri ta, ne kechi asheenaꞌonaa ne nihoochi kechi asheenaꞌona bulli yemeenoon taach boonoshi maddemmoyich ebiyee aaf gibenikkito taane. Tunebaani and illa ebin tuniyaachemmo taane. Taan oogii beetinaꞌon oogiyemmo taane. Taan qallayii beetinaꞌo giishemminaꞌone.