Shaahiyoo 8:15 - Kafa Linguistics Project

¹⁵ Taateenaꞌo taateebeeto taannane; iraasheenaꞌo tate nalloon nalliibeeto taannane.

Shaahiyoo 8:15 ပူးပေါင်းရင်းမြစ်များ

1 Taateenaꞌo 10:9

Neenna emiriꞌi, Israꞌeelee taatee qeenooch neen kotiiti, ne Nuggishoo Doono Yeeri diireebe. Doono Yeeri Israꞌeeleenaꞌon bulli yemeenoon shunniꞌi, dayinnetoonaa cadiqittinoona ne qeejjemmoyich boonoshi toommooch neen taatiihe” iyan.

1 Taateenaꞌo 3:28

Taatoo nalliti nalloon Israꞌeeleenaꞌo bulli waayeheete. Dayinnetoona nalloyich Yeerichi shalligoo biich beemon boonoshi beeggitoyich, taatoon shattiyeete.

1 Taateenaꞌo 3:9

Ebich gondoonaa deꞌoonon bariiree, ne asheenaꞌon qeejjoo ta hakkemmoyich, ne guuno taach shalligechi mulloon imbe. Ebi tuno qayigaata, ebi shaahe ne asheenaꞌon nallii qeejjoon hakkemmo konine?” iye.

1 Taateenaꞌo 5:7

Kiraamiyoo Solomoonichi wochoon waayeꞌi oogichii emiriye. “Ebi shaahe aricheti aagetoon bi qeejjemmoyich, Daawitich ariyechi bushoon immiti Doono Yeeri hanaach galleteeto tunebe” iye.

1 Kiinoo 28:5

Doono Yeeri meeti bushiishoon taach immitone; ta bushiishoo bulliichee Israꞌeelee showooch taateree Doono Yeerichi taatittinee showoon bi qeejjemmoyich Solomoonin kaaccitone.

2 Kiinoo 1:10

Hini asheenaꞌon qeejjoo ta hakkemmoyich shalligoonaa ariyoonon taach imbe. Ebi tuno qayigaata, ebi shaahe ne asheenaꞌon nallii qeejjoon hakkemmo konine?” iye.

2 Kiinoo 1:11

Yeeriyoo biich ishichiye: “Ne mullee qaatoo ebi bi tunetoyich, gaannoon, gijjoon, oogoon, ne etteenaꞌochi kashoon woyee ne eeno genjoon qolleyaanoon, boonoshi toommooch neen ta taatiiti, ta asheenaꞌon nallii qeejjoyich shalligoonaa ariyoonon ne qolletoyich,

Shoddo 2:10

And ebich taateenaꞌote, mullechon tunebote; showee iraasheenaꞌote, ittoshi qelloon ariibote!

Shoddo 99:4

Dayinnetoon shunnaabeeti Hakkechi Taatoocho, kaamittinoon heccehine; dayinnetoonaa cadiqoonon Israꞌeelee daggooch tuniihine.

Shaahiyoo 29:4

Dayinnetoona qeejjoona taatoo showoon tooꞌiihe; tunebaani xuccoon shunniibeeto showoon aalliihe.

Shaahiyoo 8:16

Woraaferasheenaꞌo yaabii qeejjiibeeto taannane; iraasheenaꞌo showoon qeejjiibeeto taannane.

Isiyaasi 1:26

Ne woraaferasheenaꞌon wonneechooch, ne mikkirechinaꞌonoo aafichooch wochemmo taane; aroochee Cadiqee Katemee, Gibeneeti Katemee getaa ceekkemmi neene” iye.

Erimiyaasi 33:15

Aroobee yemeenoonaa aroobee aaboonooch, cadiqe ato Daawitich bi atemmoyich tuniyemmo taane; biyoo showee toommooch dayinnetoona, cadiqittinoonoo nallemmone.

Daaneeli 2:21

Yeeri yemeenoonaa gooroonon shaddiye; taatoon taatiihe; bi taatittinoonoo shoottiye. Asheenaꞌoyich shalligoonaa ariyoonon immiibeeto, Yeerine.

Daaneeli 4:25

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene; ne ashittino shimaayoochee kindiibeeti doshoona shuxxemmone. Aroochee Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone.

Daaneeli 4:32

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene. Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone” iye.

Maatiyoosi 28:18

Yesuusi boonoshi waan giddeꞌi boonoshich ishichii gettiye: “Showoonaa shimaayoonooch beeti ukkirittino bulli taach ichetone.

Roomi 13:1

Asho bulli biyee damba tuneti iraasheenaꞌoyich deꞌa gete. Ebiyoo Yeeri daaggaanoon iraashittino aallo bi tunetoyich, qeejjiibeeti iraasheenaꞌonoo iraashiito Yeeri bi tunetoyichiye.

Yaaꞌoo 19:11

Shimaayoo qecheetaa beeggeho; ebiyoche nacce hareshoo bekkehe; aroon yebbeto Gibeneetonaa Iberoona getteehe; biyoo tachiꞌi nallii, bi shixechinaꞌonoo koyee beetone.

Yaaꞌoo 19:16

Bi tahoonaa bi doshoonooch, Taateenaꞌochi Taatoo, Dooninaꞌochi Doono, immi shigo kooreetone.

1 Saameeli 16:1

Doono Yeeri Saameelich ishichiye: “Israꞌeelee taatoo bi tuneyaachemmoyich biin ta qallayiti Saaꞌoolich tuumi ayini ne beeyemmo, aati wottooniye? Ne xoofooch zayitoon ceechiree, Beetilehem beeti Iseyi waan hambe. Tawoo bi bushiisheenaꞌo daggoochee taatoo bi tunemmoyich ikkoon taach kaacceto taane” iye.

1 Saameeli 9:17

Saameeli Saaꞌoolin beeggiye; Doono Yeeriyoo biich “Are neech ta getteti uro hinine. Ta asheenaꞌon qeejjemmo, biine” iye.