Shaahiyoo 6:17 - Kafa Linguistics Project

¹⁷ geecechi aafo, koottiibeeti heciyoo, xalle damoon ukkiibeeti kishoo,

Shaahiyoo 6:17 ပူးပေါင်းရင်းမြစ်များ

2 Taateenaꞌo 21:16

Minaasi Yihudee asheenaꞌon axaaxoo bi shuuniitaa Doono Yeeri aafooch gonde mooyon boonoshi shuunetoyee baroo wotta, dofee xalle ashi damoon ukkoona Yerusaalemin hachi gocoochee okki gocooch beddaahaa, tajjitone.

2 Taateenaꞌo 24:4

Ebiyee baroo wotta, Minaasi xalle ashi damoon bi ukkee naboonane; Yerusaalemin xalle ashi damoona tajjitone. Ebich Doono Yeeri biin maaroyich daaggaanoone.

Shoddo 10:4

Gonde asho bi geecoochee tiyitona Doono Yeerin aaxxiyaache; biyoo “Yeeri aalloone” iꞌi gabiye.

Shoddo 101:5

Bi nuuchoon gubbaa oonnii beeton aalliyemmo taane; geecoona coonderee beetinaꞌon haaꞌiyaachemmo taane.

Shoddo 131:1

Doono Yeero, geecoona ta qelloon yeephaano taane; qillifoonoo ciixaano taane; taach maggoo tuneti, ta gaboyee beshiti mooyoyich, aaxxiyaache.

Shoddo 18:27

Xukketinaꞌon wodiihine; tunebaani geecechinaꞌon giishiihine.

Shoddo 31:18

Cadiqo toommooch aafee kupphoona yibbaateebeeti, geecoonaa hoxoona ceenniti, koottiibeeti heciyeenaꞌo tippebeete.

Shoddo 5:6

Kootoon yibbaatee beetinaꞌon aalliihine; damee ukkechinaꞌonaa dachechinaꞌonon Doono Yeeri ciigehe.

Shoddo 5:7

Tunebaani ta, wodde ne shoodoona ne kexooch giyemmo taane; yaafoo tuneti ne yaafee kexo waan, neen shatibee goyinnemmo taane.

Shaahiyoo 1:11

“Ne waataa oti quyeree damoon ukkibone; naboo aalloon xalle ashoon gaappebone;

Shaahiyoo 1:16

Boonoshi baatoo axaaxooch woccii beetone; damee ukkoyichoo afaafinee beetinaꞌone.

Shaahiyoo 12:22

Doono Yeeri kooteenaꞌon ciigehe; tunebaani ibere asheenaꞌona emiriye.

Shaahiyoo 14:5

Gibeneeti miixoo kootaache; tunebaani koote miixoo kootoon kaaphehe.

Shaahiyoo 16:5

Geecii beetinaꞌo bullin Doono Yeeri ciigehe; iberoochaa boonoshin sheeraanoon qayaachemmone.

Shaahiyoo 17:7

Gaawe yibbaatoo tuushoona doyaache; ebiyoommon wotta, koote yibbaatoo iraashoo waanee quyeyaache.

Shaahiyoo 21:4

Aafee ciixonaa mullee geecoona gondeenaꞌochi ceecheenaꞌone; ebiyoo axaaxoone.

Shaahiyoo 26:28

Koottiibeeti heciyoo bi mayiitinaꞌon shixxiye; maree yibbaatoo aalloon deebiye.

Shaahiyoo 28:17

Ashi damee hiishechi asho bi qitimmi wottoon yallyallimi beeyemmone; koniyoona biin gaachaaye.

Shaahiyoo 30:13

Geecoona coondereebeeti, boonoshi qillifoonoo ciixxiibeeti, asheenaꞌo beetinaꞌone.

Shaahiyoo 6:16

Doono Yeeri shixxiibeeti shiritte mooyo beete; shabaatte mooyonoo oogichiꞌi ciigehe; eboshiyoo,

Isiyaasi 1:15

“Corootiya ittoshi kishoon ittoshi yaggigaata, ta aafoon ittoshi waanee badd wochemmo taane; woddiiꞌi ittoshi corootitaanona waayeyaachemmo taane; ittoshi kishoo damoona wooretone.

Isiyaasi 2:11

Cooddiibeeti asho giishemmone; geecechi asheenaꞌoo yittemminaꞌone; arooba Doono Yeeri baach oogemmone.

Isiyaasi 3:16

Doono Yeeri ishichiye: “Tsiyooni maache bushiisheenaꞌo geecitinaꞌone; boonoshi qettimixon ciixxiibee, boonoshi aafoona xayishiibee shaꞌee beetinaꞌone; xeeqqeshee shaꞌeebee, boonoshi baateexi allubboon qaadii beetinaꞌone.

Isiyaasi 3:9

Boonoshi aafoochee bekkeebeeti mooyo boonoshi toommooch miixee beetone; boonoshi axaaxoon aachaanoon, Sodoomee asheenaꞌochoommon axaaxoon xalla shuunee beetinaꞌone; boonoshi toommooch gonde mooyon boonoshi deebii beetoyich boonoshich woowo!

Erimiyaasi 26:15

Tunebaani ebi bulli qaaroon ittoshich ta gettemmoyich iberoochaa taan wocheto Doono Yeeri bi tunetoyich, taan ittoshi wuxigaata, xalle damee hiishoo ittoshi toommooch, hini katemee toommooch, arooch beetinaꞌo toommooch bi tunoon ariibote” iye.

Yowannisi 8:44

Ittoshiyoo, ittoshi nihoo daabiloosichi bushiishoo ittoshine; ittoshi nihoochi qaatoon ceechoon shunniyote. Biyoo shiichiꞌi kashee kichechone; iberoo bi maacooch bi aalletoyich, iberee gommooch neexeyaanoone. Biyoo kootecho, kooto bullichi nihoone; ebich kootoon bi gettii beegaata, bi mullooch beeton gettiye.

Yibbaatoo 19:10

Ebin ne tuniigaata, ne Nuggishoo Doono Yeeri ne woraashemmoyich neech bi immiibeeti showoochaa xalle ashi damoo ufeyaachemmone; xalle ashi damoo ufegaata, gondo ne toommooch tunemmone.

Yibbaatoo 27:25

“ ‘Xalle ashoon wuxoyich xuccoon maabeeto uppeton tunebe’ geteete. “Asheenaꞌo bulliyoo ‘Ameena’ geteete.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.