16 Doono Yeeri shixxiibeeti shiritte mooyo beete; shabaatte mooyonoo oogichiꞌi ciigehe; eboshiyoo,
Minaasi Yihudee asheenaꞌon axaaxoo bi shuuniitaa Doono Yeeri aafooch gonde mooyon boonoshi shuunetoyee baroo wotta, dofee xalle ashi damoon ukkoona Yerusaalemin hachi gocoochee okki gocooch beddaahaa, tajjitone.
Shiritte gonde mooyoochee neen wodiyemmone; shabaattoochaa amolla ne achooch shagaachemmone.
Doono Yeeri cadiqe ashoonaa gonde ashoonon phiree beeggii beetone; tunebaani xuꞌoon shunnii beeton shixxiye.
Tunebaani ta, wodde ne shoodoona ne kexooch giyemmo taane; yaafoo tuneti ne yaafee kexo waan, neen shatibee goyinnemmo taane.
Doono Yeeri machee qiicoona yubiyoon ciigehe; tunebaani machee qiicoona tachii qocona emiriye.
Xumme mullechinaꞌo Doono Yeer waanaa ciigeetinaꞌone; tunebaani tate mooyon tunii beetinaꞌona emiriye.
Doono Yeeri kooteenaꞌon ciigehe; tunebaani ibere asheenaꞌona emiriye.
Gonde ashoon xallii beetonaa cadiqoon gondii beetona, guttiyona Doono Yeeri aafoochaa ciigeetinaꞌone.
Baribare machoonaa baribare kobbaayonon, guttinona Doono Yeeri ciigehe.
Kishoo guttiiꞌi qeelloon Doono Yeeri ciigehe; koote qeellee qiico biin emirikkaache.
Aafee ciixonaa mullee geecoona gondeenaꞌochi ceecheenaꞌone; ebiyoo axaaxoone.
Doono Yeeri xumme ashoon ciigehe; tunebaani kaame ashoyich bi maaci mooyon gaxxii gettiye.
Keejje mooyinaꞌo oogichii taan worganikkiyeete; halla ta shalligoyee damboo awuddoone.
Keejje mooyona showoo shuuriye; halla shaagon bi hakkaani mooyo awuddoone.
Showee toommooch oogeti mullechi, awudde gishiishi halleenaꞌo beeteete.
Boonoshi shaaddo emirikkiibeeti keejje mooyinaꞌo beeteete; halla gaawichii shaaddee beetinaꞌo awuddeenaꞌone.
Ebich aallo diqqoona bi toommooch shaggemmone; diqqoonoo tiishemmone; wodoonoo hakkaachemmoone.
geecechi aafo, koottiibeeti heciyoo, xalle damoon ukkiibeeti kishoo,
Doono Yeerin shato gonde mooyon shixone; ta, geecoonaa coodonon shunaache; gonde gommonaa xumme yibbaatoonon shixxehoye.
Tunebaani ebi bulli qaaroon ittoshich ta gettemmoyich iberoochaa taan wocheto Doono Yeeri bi tunetoyich, taan ittoshi wuxigaata, xalle damee hiishoo ittoshi toommooch, hini katemee toommooch, arooch beetinaꞌo toommooch bi tunoon ariibote” iye.
Doono Yeeri ishichiye: “Edoomee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo goraadoon yechiꞌi boonoshi maneenaꞌon boonoshi yookkii dabbitoyichiye. Boonoshichoo ariqqemmon qajjitinaꞌone. Boonoshi toommooch ippeechii wotteyaache iitinaꞌone.
Doono Yeeri ishichiye: “Damaasiqi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo asho maayi buchi qiicoona maayoon bi bushoommon Gilaadee asheenaꞌon boonoshi buchitoyichiye.
Doono Yeeri ishichiye: “Gaazi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo asheenaꞌo bullin keccii daammiꞌi Edoomee showooch boonoshi kemmitoyichiye.
Doono Yeeri ishichiye: “Xiroosi asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo manaamanittinee wogoon biichiꞌi, kecceti asho bullin Edoomee showooch boonoshi kemmitoyichiye.
Doono Yeeri ishichiye: “Moꞌabee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo Edoomee taatoochi shaawushoon michiꞌi tulloo boonoshi tuniitoyichiye.
Doono Yeeri ishichiye: “Yihudee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo ta sheeroon boonoshi qallayitoyich, ta qociyoonoo quyo boonoshi qajjitoyichiye. Boonoshi qaabbechinaꞌo goyinnee maddeti nuggisheenaꞌo boonoshin muriciitinaꞌone.
Doono Yeeri ishichiye: “Israꞌeeleenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo cadiqe asheenaꞌon boonoshi hiishoyich, girechinaꞌonoo caammoyicha iꞌi, guuchittinooch boonoshi kemmitoyichiye.
Ittoshi mulloona ikkoo baroyich gondoon gabaaye; kootoon wogeyaahote. Eboshi bullin tiyaaraabeeto taane” iye Doono Yeeri.
Ne Nuggishoo Doono Yeeri gijjoyicha iꞌi boonoshi ashittinoon kemmiibeeti asheenaꞌon, maacheen tuneba anaamon shixxii beetone. Ebiyoommi gommona daneti gijjoo Doono Yeerichi kexooch woyaaye; biich mookkeeto bi tunetaanoona, woyaaye.
ebi ure eeꞌeti bi tunetoyich, aafi bi keno wochinnoon biin shaagon hakkaache. Ebi Doono Yeeri aafoochaa ciigiiti mooyone. Giyi ne woraashemmoyich ne Nuggishoo Doono Yeeri neech immiibeeti showoon axaaxoona eeꞌiyaahine.
Ebiyoommi mooyon tunii beetonaa gibeneyaanoona ne Nuggishoo Doono Yeeri aafoochaa shichetone.
Bagoochi kashee macaafooch boonoshi shigo kooreetinaꞌoyee beshetaa, amee eeꞌe mooyo tuneba tiyaariibeeti mooyon shuuneebeeto woyee kootoon koottiibeeti asho hini are katemeech ciroona giyaachemmone.