12 Ishichishoo gettemmo neene: “Aabichaꞌa sheeroon shixxehote? Ta mullo aabichiꞌi kaaree ciicon hoxehe?
Boonoshiyoo “Bekk ikibe! Iibbittinoona hiniich beeya waati hini uro nallee nallecho tuneya qaawiibeete? And boonoshi toommooch tuniiya no gabitoyee beshoon ne toommooch tuniyemmo noone” iyeete. Looxin xuqqii hittiittilliiꞌi, shaaqqoon yexxii tiicha beddiyeete.
Tunebaani getooch bi beetaa taatoo, “Neen taatoochi mikkirecho tuniyaꞌa ukkiriito noone? Cikkibe; qitiya ne qaawaabeeto amoyichiye?” iye. Keemechoo cikkiye; aroochee, “Ebin ne tuniitoyich, ta ciicoonoo waayo ne qajjetoyich, Doono Yeeri neen aalliiya bi maacon and ariite” iye.
Tunebaani boonoshi, Doono Yeerichi wocheyechinaꞌon cooneheete; bi qaaroonoo hoxeheete; bi keemechinaꞌonoo qallayiyeete. Ebich Doono Yeeri kaaro bi maccee toommooch kindiye; ebi shaahe kaaroochee muricon hakkaaneenaꞌone.
Kaaraa ta ciicaa shixxehine; ta qaaroon gubb duppehine.
mullaalli dookko tunehoye; ne aafoochaa miimo tunehoye.
“Mullaalleenaꞌote, mullee muccoon ittoshi shuni beeyemmo aati wottooniye? Cooqqirechinaꞌoo boonoshi cooqqiroona boonoshi emiri beeyemmo aati wottooniye? Tuusheenaꞌo ariyoon boonoshi shixi beeyemmo aati wottoniye?
ta ciico bullin ittoshi qallayitoyich, ta sheeroon deꞌo ittoshi qajjitoyich,
Doono Yeerin shato ariyee shiichoone; tunebaani tuusheenaꞌo shalligoonaa sheeroonon hoxeheete.
Kaaree ciicaa deqqimmo kashee gommona hammemmone; tunebaani sheeraa deꞌa getaache immo muriccemmone.
Kaaree ciicaa shuno, ariyoon shunone; sheeroon shixo mullaallo tunoone.
Kaaree ciicon shixxii beetinaꞌo toommooch giroonaa yeelloona shaggiye; tunebaani sheeroon deqqiibeeto oogehe.
Mullaalli bushoo bi nihoochi ciicoon hoxehe; tunebaani sheeroon deqqiibeeto accechone.
Ciiroochaa ne meenonaa ne ashittinoona ciirehooba gaashillemmo neene.
Geto ceechoone; doyoo bekkoone; kaaree sheeroo kashee gommone.
Tunebaani taan mucceto bi qellich gondiihe; taan shixxiibeeto bulli, qitoon shunniye” iyane.
Ta shixxaabeeti ciigiiti mooyon boonoshi tuniyaachemmoyich wochii wochii boonoshi waan keemechi ta guuninaꞌon daachiihoye.