Shaahiyoo 4:4 - Kafa Linguistics Project

⁴ ta nihoo ishichiꞌi taan dojjiye: “Ne mullo ta qaaroon yeshe; ta getoonoo quyebe; kashoona beeyemmo neene.

Shaahiyoo 4:4 ပူးပေါင်းရင်းမြစ်များ

Halloo 18:19

Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

Shoddo 119:11

Axaaxoona neen ta xuꞌaachemmoyich, ne qaaroon ta mullooch kotiihoye.

Shoddo 119:144

Ne qociyoo bulli yemeenoon cadiqoone; kashoona ta beeyemmoyich shalligoon taach imbe.

Shoddo 119:168

Ta gommo bulli ne aafooch bi tunetoyich, Ne geteenaꞌonaa ne qociyeenaꞌonon quyehoye.

Shaahiyoo 22:6

Bushoyich bi hammemmi boochoon dojjibe; bi geenehooboo aroochee ikaachemmone.

Shaahiyoo 23:26

Ta bushoocho, gaawichi ellebe; ne aafeenaꞌo ta gommon ciineete.

Shaahiyoo 3:1

Ta bushoocho, ta dojjaa beeton batteyaahine; ta geteenaꞌon ne mullooch yeshe.

Shaahiyoo 3:2

Eboshiyoo kashee genjoonaa diggoonon neech immemminaꞌone.

Shaahiyoo 7:2

Ta geteenaꞌon quyeree kashoona beebe; ta sheeroonoo ne aafee aachoochoommon quyebe.

Isiyaasi 55:3

Ittoshi waamon gaꞌiiree ta waan wobote; kashoona ittoshi beeyemmoyich waayebote. Daawitich ta giyeti manje shunoona, bulli yemeenee wogoon ittoshina tookki giyemmo taane.

Erimiyaasi 38:20

Erimiyaasi ishichiye: “Boonoshich beshiitaa icheyaachemmo neene; neech ta gettemmi Doono Yeerichi qaaroyich deꞌa gete; neech diggoo tunemmone; ne kasho muriccemmone.

Yowannisi 12:50

Aroo ‘Hamiree gete’ iꞌi taach bi gettiti qaaro, bulli yemeenee kasho bi tunoon ariibeeto taane. Illa ta gettaa beeton Nihoo Yeeri taach gettitoommon ebiyoommon gettoye” iye.

Efesooni 6:4

Niheenaꞌote, Doono Yesuusina ciici dojjibee sheeriree dichibotalli, ittoshi bushiisheenaꞌo ippemmoyich tuniyaahote.

Yibbaatoo 4:9

“Doono Yeeri ‘Asheenaꞌon ta waan kicibe. Showee toommooch kashoona boonoshi beemmi yemeeno bullin taan shaton boonoshi doyemmoyich, boonoshi bushiishoonoo boonoshi dojjemmoyich, ta qaaroon boonoshich waayiyemmo taane’ iꞌi bi gettiyooba, ittoshi Nuggishoo Doono Yeeri aafooch, Kooreebi guudooch ittoshi neexeti aaboon batteyaahote. Ebi ittoshi aafoona ittoshi beeggiti mooyon ittoshi batteyaachemmoyich, wotta kashoona ittoshi beemmi yemeeno bullin ittoshi mulloochee bi aalleyaachemmoyich, kupphiiree ittoshi qelloon ariibote! Ebi mooyon ittoshi bushiishoonaa bushaa bushiishoonoyichoo dojjibote.

Yibbaatoo 6:6

Ebi hanaach neech ta gettaabeeti getoon ne mullooch kotiibe.

2 Ximootiyoosi 1:5

Kiristoosi toommooch ibere ne mullee tooꞌiyoon gabaabeeto taane; shiichiꞌi ne indinde Loyidinaa ne indee Ewuniqina boonoshi mulloon Kiristoosi toommooch tooꞌiitinaꞌone; and ne wotta ebiyoommon Kiristoosi toommooch ne mulloon ne tooꞌiyoonoo xiishito taane.

2 Ximootiyoosi 3:15

Kiristoos Yesuusi toommooch mullee tooꞌiyoona wodoo daneebeeti shalligoon neech imon hakkiibeeti Yaafe Macaafeenaꞌon ne bushittinoochee tiijjaꞌa ariito neene.

Hibireena'o 5:9

Ebi bullin bi ceechitoyee gubb, biich deꞌa ii beeto bullich, bulli yemeenee wodoon immiibeeto tunetone.

Woraaferasheenaꞌo 13:12

Manuuhiyoo wochiꞌi, “Ebi ne getteto ceeniyooba, bushoo beeyemmo am shaahe beemoniye? Wotta bi tuniyemmi mooyochi, amoone?” iye.