Shaahiyoo 4:18 - Kafa Linguistics Project

¹⁸ Cadiqeenaꞌochi gommo areddee aabo bekkemmi wottoon, daakkii daakkii hammiibeeti yaaꞌeexi bekkoommone.

Shaahiyoo 4:18 ပူးပေါင်းရင်းမြစ်များ

2 Saameeli 23:4

biyoo maaddee yaaꞌeexi bekkoommo, qubo aalli maaddoona bekkeebeeti aaboommo, amiyo shaannitoyee gubb, mocee toommooch bekkeebeeti waccoommone’ iye.

Iyoobi 11:17

Aabo daggehaa aaxxeebeeti aaboyee beshoon, ne beemo aaxxe bekkemmone; neech manderoo tuneti mooyo, haree bekkoommon bekkemmone.

Iyoobi 17:9

Tunebaani cadiqe asho murici dihaachemmone; bi kishoo xalloo tuneti asho kupphe kupphe hammemmone.

Iyoobi 23:10

Tunetaa bi ta shaaddoon ariihe; taan bi phiretoyee gubb, aachoochoommon aaxxemmo taane.

Shoddo 84:7

Boonoshiyoo giide giide hammemminaꞌone; nuggisheenaꞌochi Nuggishoo Tsiyoonaa bekkemmone.

Shoddo 97:11

Cadiqeenaꞌoyich bekko bekkehe; mulli kaameenaꞌoyichoo emiroo tunehe.

Shaahiyoo 13:9

Cadiqeenaꞌochi bekko gaawichii bekkehe; tunebaani gondeenaꞌochi ceechoo tahiye.

Shaahiyoo 15:24

Mullecho kashee gommo waan kaama hammiye; desh maash daammiibeeti gommo waan hamaache.

Shaahiyoo 2:20

Ebich ne, kaame asheenaꞌochi gommona hambe; cadiqeenaꞌochi gommonoo yeshe.

Shaahiyoo 2:9

Ebiyooba cadiqittinoonaa dayinnetoonon, kaamittinoonaa gaawe gommo bullinon shalligemmo neene.

Isiyaasi 26:7

Cadiqeenaꞌochi gommo naqqoone. Kaamoocho, cadiqeenaꞌochi boochoon tachihine.

Daaneeli 12:3

Yiiteenaꞌo gumeexi bekkoochoommon (acacoochoommon), meeti asheenaꞌon gonde gommoochee kaame gommooch wochii beetinaꞌo xojjenoochoommon, bulli yemeenoon aaxxemminaꞌone.

Hosee'i 6:3

Biin ariibone; biin no ariyemmoyichoo Doono Yeerin dabbibone. Iberoochaa maaddee aaboochoommon bekkemmone. Showoon shuxiibeeti naawee amiyochoommon no waan woyemmone” iyeete.

Maatiyoosi 5:14

“Alemoyich bekko ittoshine. Geppee toommooch beeti katemoo aashoon hakkaache.

Maatiyoosi 5:16

Ebiyoommon asheenaꞌo ittoshi deꞌe shuunoon beegiree shimaayooch beeti ittoshi Nihoo Yeerin boonoshi galletemmoyich, bekkoochoommon asho bullich bekkebote” iye.

Yowannisi 8:12

Wotta Yesuusi asheenaꞌoyich “Ta alemee bekko taane; taan dabbimmoyich kashoon immemmi bekko bekkehalli, cir manderoona shaꞌeyaachemmone” iꞌi gettiye.

2 Qorontoosi 3:18

Ebich no bulli kaappeyaani baroona Doonochi oogee yiiroon heeraawoochoommon wacciibeeto noone; hini oogee yiiroo Ayaano tuneti Doono waanee bi waa beetoyich, Doonochi malletoon no shaahemmoyich, oogee yiiroochee beshe oogee yiirooch noon shaddii beetone.

2 Pheexiroosi 1:19

Ebich keemechinaꞌo keemmiti qaaroon beshoon xiishaꞌa iberiibeeto noone; showoo harimmi wottoon haree xojjeno aaxxoommon Kiristoosichi bekko ittoshi mullooch bi aaxxemmi wottoon, asho mandere xaaꞌooch aaxxeebeeti ceechoon bi yeshoommon hini keemee qaaroon ittoshi yeshigaata, ittoshich gaaweto tunemmone.

2 Pheexiroosi 3:18

Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.

Yaaꞌoo 21:23

Katemeechoo Yeerichi oogee yiiroo aaxxee beetoyich, bi ceechoo Bago bi tunetoyich, aabee aaxxo woyee agenee aaxxo qaawiyaachemmone.

Yaaꞌoo 22:5

Ebiyee bekk xumo beetaachemmone; Doono Yeeriyoo boonoshich bekko tunemmone; ebich ceechee bekkoonaa aabee aaxxoona boonoshich qaawiyaachemmone; bulli yemeenoon taatemminaꞌone.

Woraaferasheenaꞌo 5:31

“Doono Yeero, neen shixxii beetinaꞌo bulli ebiyoommon aallebeete; neen shunnii beetinaꞌo maaddee aabee aaxxoommon aaxxebeete” iyeete. Ebina aabbe nati wottoon showoo kashehe.