Shaahiyoo 31:6 - Kafa Linguistics Project

⁶ Qitiya ii beetinaꞌoyich kashi uyoon imbote; bi kasho caammetoyich woyinee uyoon imbote.

Shaahiyoo 31:6 ပူးပေါင်းရင်းမြစ်များ

2 Taateenaꞌo 4:27

Aroochee Yeer asho beeti guudi toommooch shaggaa dihiichaa, bi baatoon gaappaa yechahan. Giyaazi biin wokkiiya waahe. Tunebaani Yeer asho biich, “Qaye; bi kashe caammetine. Doono Yeeri ebin taach aachitone. Taachoo getaanoone” iye.

Iyoobi 29:13

Qitiya iti asheenaꞌo boonoshin ta gaachetoyich, taan diiritinaꞌone; xuumeenaꞌo emiroona boonoshi shoddemmoyich tuniito taane.

Iyoobi 3:20

“Xuuxeebeeti ashich bekko aakkiya ichehe? Bi kasho caammeti asho kashoona bi beeyemmoyich, amoyich tunehe?

Shoddo 104:15

Ashi mulloon emirikkiibeeti woyinoon, achoon pherphelliibeeti huutoon, kupphiibeeti maayoon qanniihe.

Shaahiyoo 31:7

Uyiree boonoshi giroon battebeete; boonoshi qaaqqoon shalligaayeete.

Isiyaasi 38:15

Illa amoon gettehote? Bi taach gettitone; bi qelloona bi, ebin tuniitone. Ta kashe caammetoyich, ta yemeeno bullin, xephibee shaꞌemmo taane.

1 Ximootiyoosi 5:23

Maacee biiyoonaa baribare biiyoona meeti aaboon neen bi biijjii beetoyich, atto neech bi tunemmoyich, giisheche woyinee uyoon uyalli, gubbich aacon baach uchaahine.

1 Saameeli 1:10

Haanniyoo bi kasho caammetoyich oogichaa eeppaabee Doono Yeer waan corootiyan.

1 Saameeli 30:6

Asheenaꞌo biin xaqqoona yexxa boonoshi itoyich, Daawiti oogeton xuuxehe. Ebiyoo asheenaꞌo boonoshi anaami bushiisheenaꞌonaa maache bushiisheenaꞌonochi naboona mooyo boonoshich bi caammitoyichiye. Tunebaani Daawiti bi Nuggishoo Doono Yeerina kupphehe.