Shaahiyoo 31:30 - Kafa Linguistics Project

³⁰ Malleto kootoone; damee shaawoo duuboone; tunebaani Doono Yeerin shattaabeeti maachee galleteetine.

Shaahiyoo 31:30 ပူးပေါင်းရင်းမြစ်များ

2 Saameeli 14:25

Malletee gaawoona Abisoloomina tatemmi asho ciroona Israꞌeelee showooch aalloone. Qelloochee tiijjiꞌi baatee yapherooch beddaahaa, bi achooch ikke bacholla aalloone.

Shoddo 112:1

Haleluya! Doono Yeerin shattiibeeto, bi geteenaꞌona oogichii emiriibeeto, diireetone.

Shoddo 147:11

Tunebaani Doono Yeeri emiriibeeto, biin shattii beetinaꞌona, bi shoodoon gibenee beetinaꞌonane.

Shaahiyoo 1:7

Doono Yeerin shato ariyee shiichoone; tunebaani tuusheenaꞌo shalligoonaa sheeroonon hoxeheete.

Shaahiyoo 11:16

Ariqqechi ure oogoon danahan; xuꞌechi asheenaꞌo gaannoon daneheete.

Shaahiyoo 11:22

Gaawe gabaalli maachechi malleto, gudichi muddooch xogeeti aachoommone.

Shaahiyoo 22:4

Qellee giishiyoonaa Doono Yeerin shatona, gaannoon, oogoonaa kashoonon daniihe.

Shaahiyoo 31:29

“Gaawe mooyon tuniiti meeti genneenaꞌo beetinaꞌone; tunebaani ne, boonoshi bulliyee beshee neene” gettemmone.

Shaahiyoo 31:31

Bi shuunee aafoon biich imbote; bi shuunoo addibaaboochaa biin galletebe.

Shaahiyoo 6:25

Bi malletoon ne mulloona qaatiyaahine; aafee xayishoona neen bi yechemmoyich tuniyaahine.

Shaahiyoo 8:13

Doono Yeerin shato gonde mooyon shixone; ta, geecoonaa coodonon shunaache; gonde gommonaa xumme yibbaatoonon shixxehoye.

Dojjecho 12:13

Ebiyoche bulli mooyon waayeto neene; bulli moochi taco ebine: Yeerin shate; bi geteenaꞌonoo ceechibe; asho koniyoona tuniiya bede mooyo ebine.

Dojjecho 7:18

Hininoo ne yesho ohinoo gawukkee ne qayo gaawetone; ebiyoo Yeerin shattii beetoyich kaamemmo bi tunetoyichiye.

Hiziqeeli 16:15

“ ‘Tunebaani ne, ne malletoonaa aricheti ne tunoonon gibenaꞌa gommo beshina tookkii shunee mamooch giyehine.

Luqaasi 1:6

Gutteenaꞌoo Doonochi getoonaa qociyonoochee ikkoonolla shappayaanoon ceechii beetinaꞌone; Yeeri aafoochoo cadiqeenaꞌone.

Roomi 2:29

Tunebaani ashi beꞌenoyich tuneyaanoon, bi mulloona Ayihudee asho tunetone ibere Ayihudee asho; kooreeti sheeroona tuneyaanoon, Yeerichi Ayaanoona tuneebeeti mullee dokireyoone ibere dokireyoo. Ebiyoommi asho galletoon bi danemmo ashi waanee tuneyaanoon, Yeer waaneeniye.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

Yaaqobi 1:11

Aabeyoo oogeti gaamoona keyiree mocoon shoolliyemmine; mocee bungoo oojjemmone; bi malletee gaawoo aallemmone; ebiyoommon gaannecho shuunee toommooch beebee aallemmone.

1 Pheexiroosi 1:24

Yaafe Macaafooch bi kooreetoommon, “Meeno taheti asho bulli mocoommone; bi oogee yiiroo bulliyoo mocee bungoommone; mocoo shoolliye; mocee bungoo oojjiye.

1 Pheexiroosi 1:7

Aallemmi aacholla qaaqqooch bi geddeebeeto, amoommo gaata bi tunoon xiishoyichiye; ebiyoommon wotta aachoyee beshe oogeti aaxxoo tuneti, Kiristoosi toommooch ittoshich beeti mullee tooꞌiyoo xuuxee daggoona bi besheebeeto, iberoo bi tuno xiisheyemmoyichiye. Wotta Yesuus Kiristoosi bekkehooba, galleto, oogee yiiroonaa naadoonon ittoshi danemmoyichiye.