Shaahiyoo 30:5 - Kafa Linguistics Project

⁵ Yeerichi qaaro iberoone; biin gibenee beetinaꞌoyich gaachoone.

Shaahiyoo 30:5 ပူးပေါင်းရင်းမြစ်များ

Halloo 15:1

Ebi mooyoyee gubb, Doono Yeeri yaaꞌoona Abraamich ishichiye: “Abraamo, shattaahine. Ta neen gaachoochoommon quyemmo taane; neech ta immemmi wojjoo oogeti woddoone” iye.

2 Saameeli 22:31

Yeerichi gommo muricaalloone; Doono Yeeri gettiti mooyo gibeneetone; bi shoobooch giyitinaꞌon gaachoochoommon qerii beetone.

Shoddo 119:140

Ne gibenikkiti qaaro oogeton phireeꞌi beshetone; ne guuno tawoo ebin shunnehoye.

Shoddo 12:6

Doono Yeerichi gibenee qaaro xalloone; qaaqqee gudoochaa ukkeeꞌi, shabaatte wottoon xalleti, birewoommone.

Shoddo 144:2

Taach shoodecho, ta mishigo, ta deeboonaa taan wodiyechonane. Ta gaachoo, shoobbii taan wodiyecho, macceenaꞌon taach hajjiibeetoo biine.

Shoddo 18:2

Doono Yeeri ta deebe xaqqo, ta mishigo, taan wodiyecho, ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone.

Shoddo 18:30

Yeerichi gommo muricaalloone; Doono Yeeri gettiti mooyo gibeneetone; bi shoobooch giyitinaꞌon gaachoochoommon qerii beetone.

Shoddo 18:31

Doono Yeeriyee besh, Nuggishoo konine? No Nuggishoyee besh, Xaqqee Inderoo konine?

Shoddo 19:8

Doono Yeerichi doyoo kaamoone; mulloon emirikkiye; Doono Yeerichi geto xalloone; ashi aafoyich bekkoon immiye.

Shoddo 3:3

Tunebaani Doono Yeero, gaachoochoommon taan deebaabeeto neene; taach oogoon immaabeeto, ta qettimixon qaalliyaabeeto neene.

Shoddo 84:11

No Nuggishoo Doono Yeeri nooch aaboommonaa gaachoommonane; biyoo gaawe aafoona noon ciinnemmone; oogoonoo nooch immemmone. Doono Yeeri, kaamoona hammii beetinaꞌoyich, deꞌe mooyon ciroona muccii ariyaanoone.

Shoddo 91:2

Doono Yeerin “Taach deeboonaa mishigoona neene; neen ta gibenaabeeti ta Nuggishoo neene” gettemmone.

Shaahiyoo 2:7

Biyoo kaameenaꞌoyich gaawe shalligoon immiye; oonneyaani beemon beetinaꞌon gaachoo qeroommon qerii wodiihe.

Shaahiyoo 29:25

Ashoon shato shaachooch yechoone; tunebaani Doono Yeerin gibeneebeeto, diggoona beeyemmone.

Roomi 7:12

Ebich Yeerichi sheeroo yaafoone; sheeroo gettiibeeti mooyoo yaafoone; kaamoonaa gaawetonane.

Yaaqobi 3:17

Tunebaani damba Yeer waanee waabeeti shalligee shiichaꞌa xalleene; daakkaꞌa diggoon qaawii beetine; shiimechine; deꞌa ii beetine; maaroonaa deꞌe shuunoo bullina ceennetine; heppoonaa mulloon xalloo shaahiyoona bi waan aalloone.