Shaahiyoo 30:4 - Kafa Linguistics Project

⁴ Shimaayooch kechii kindito konine? Yongoon bi kishooch uppii yechito konine? Aacon bi tahooch qulleto konine? Showee tuggeenaꞌo bullin manjiito konine? Bi shigoonaa bi bushoochi shigoona konine? Eke ne ariyaabeeto gaata gete.

Shaahiyoo 30:4 ပူးပေါင်းရင်းမြစ်များ

Halloo 32:29

Yaaqobi “Ne shigoon taach gete” ii qollehe. Uroo “Ta shigoon ariyoyich aakkiya qaawinne?” iye. Are xaaꞌoochaa Yaaqobin diiriye.

Iyoobi 11:7

“Yeerichi maacee mooyon maqqiꞌi ariyoon hakkenne? Beshe Hakkechi Yeerichi moochi ciiroon ariyoon hakkenne?

Iyoobi 11:8

Shimaayoyee beshe wohone; illa amoon halloo hakkenne? Dechi bi ducho, Siꞌooloyee wohone; ne amoon ariinne?

Iyoobi 26:8

qubo amiyon kaafi bi yechemmoyich tuniihe; amiyo quboon keexxii besheyaanoone.

Shoddo 135:7

Showee tuggoochee quboon qubiihe; amiyoo dihiyooba xeeyoon xeejjiihe; yongoon bi gotoochee kichiye.

Shoddo 2:7

Doono Yeerichi getoon awaajjemmo taane; biyoo taach ishichitone: “Ne, ta bushoo neene; hanaach neen shiyeto taane.

Shoddo 22:27

Showee tuggooch beddaahaa beeti asheenaꞌo bulli Doono Yeerin gabemminaꞌone; bi waanoo wottemminaꞌone; aageteenaꞌochi shiijjereenaꞌo bulli bi aafooch goyinnemminaꞌone.

Shoddo 24:2

Showoon baharee toommooch heccito aachi toommoochoo manjiito biine.

Shoddo 68:18

Damba ne keyiyooba, neenna tookkii kecoon daammehine; hukkechinaꞌo waaneenolla echiyaanoon asheenaꞌo waanee wojjoon deqqehine; Nuggishoo Doono Yeeri ne, arooch beeyemmo neene.

Keyo 15:10

Tunebaani Doono Yeero, ne yongoon yongiito neene; baharoo boonoshin guuppitone; xuuroochoommon giidechi baharee maac qoochetinaꞌone.

Keyo 6:3

Beshe Hakkechi Nuggishoo ta tunoon arichiyoona, Abrahamich, Yisaaqich, Yaaqobichoo bekketo taane. Tunebaani Doono Yeeri ii beeti ta shigoona boonoshich bekkeyaano taane.

Isiyaasi 45:18

Shimaayeenaꞌon halliti Doono Yeeri, showoon halliti, shuuneti, manjiiti, beeyi xaaꞌoon bi tunemmoyichani, shokkoon bi tunemmoyich hallaani Yeeri ishichiye: “Ta, Doono Yeeri taane; tayee bare nuggishoo aalloone.

Isiyaasi 53:8

Dayinnetaalloon bi toommooch nalliꞌi daammiyeete; ta asheenaꞌochi axaaxee qoodoyich yexxeꞌi, kashechinaꞌo beeti showoochee bi aalloon, shiijjeree daggoochee konine ariito?

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 23:6

Bi taatee yemeenooch Yihudee asheenaꞌo wodemminaꞌone; Israꞌeeleenaꞌo keqqaalloon beeyemminaꞌone. Bi ceeggeyemmoo ‘No Cadiqoo Doono Yeeri’ getenane.

Maatiyoosi 11:27

Wotta Yesuusi asheenaꞌoyich, “Ta Nihoo bulli mooyon taach immitone. Nihoo Yeeriyee damba Yeerichi Bushoo taan ariibeeto aalloone; Yeerichi Bushoo tayee besh, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeerin ariibeeto aalloone.

Luqaasi 10:22

Aree hillooch “Ta Nihoo bulli mooyon taach immitone; Nihoo Yeeriyee damba Yeerichi Bushoo taan koni ta gaata ariibeeto aalloone. Yeerichi Bushoo tayee beshetaa, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeeri koni bi gaata biin ariibeeto aalloone” iye.

Yowannisi 3:13

Shimaayoochee kinditoyee damba shimaayooch kechito koniyoona aalloone; ebiyoo Ashi Bushoone.

Roomi 10:6

Tunebaani Yeeri toommooch mullee tooꞌiyoona daneebeeti cadiqeechon Yaafe Macaafo ishichiye: “Ne mulloona ‘Koni shimaayooch kechehe?’ gettaahine” iye; ebiyoo Kiristoosin kindiiyane;

Yibbaatoo 28:58

Muusi Israꞌeeleenaꞌoyich ishichiye: “Hini macaafooch kooreeti ebi sheeree qaareenaꞌon manjiiꞌa quyo ne qayigaata, wotta oogee yiirechonaa shattiitona tuneti, ne Nuggishoo Doono Yeerichi shigoon shaton ne qayigaata,

Yibbaatoo 30:12

‘Waayeree no ceechemmoyich konine shimaayooch keyiree nooch deebemmo?’ ne getaachemmoyich, bi beeto shimaayooch toonoone.

Yaaꞌoo 19:12

Bi aafo qaaqqee aaxxoommone; bi shimboochoo meeti gubbichoon uketone; bi ikkeeto baachalli koniyoona ariyaani kooreeti shigo biich beetone.

Woraaferasheenaꞌo 13:18

Maraakoo wochiꞌi, “Ta shigo worganikkito bi tunetoyich, amoyichiye ne echaabeeto?” iye.