Shaahiyoo 30:14 - Kafa Linguistics Project

¹⁴ Girechinaꞌon showee toommoochee, iritechinaꞌonoo ashi daggoochee aalliyoyich, boonoshi gasho goraado, boonoshi gammoo shikkoo tunetinaꞌo, beetinaꞌone.

Shaahiyoo 30:14 ပူးပေါင်းရင်းမြစ်များ

Iyoobi 29:17

Gonde asheenaꞌochi gammon tiichaa beehoye; yechii boonoshi daammiton dichii beehoye.

Iyoobi 41:14

Shattiiti gasho ceenniꞌi beeti, bi gaakkoon gaxxoon hakkemmo konine?

Shoddo 12:5

“Girechinaꞌochi xuuxoyich, iritechinaꞌochi cookoyich and tiyemmo taane; boonoshi qaatiti diggoon boonoshich immemmo taane” iye Doono Yeeri.

Shoddo 124:6

Gashoona noon boonoshi yangixxemmoyich tuniyaanee, Doono Yeeri galleteebe!

Shoddo 14:4

Koshon mamoommon ta asheenaꞌon maabeeti, Doono Yeeri ta waan corootii ariyaani, gondoon shuuneebeeti ebi asheenaꞌoyich, ariyoo aalloone?

Shoddo 3:7

Doono Yeero, tibe; ta Nuggishoocho, taan wodiibe; ta etteenaꞌo gammon yexe; gondeenaꞌo gashoon tiishe.

Shoddo 52:2

Ashoon aalliyoyich gondoon gabihine. Ne heciyoo aci appoommone; dawushoonoo aricheto neene.

Shoddo 57:4

Boonoshi gasho ginoommonaa shangoommona tuneti, boonoshi heciyoo hacheeti goraadoommo tuneti, ashoon maabeeti daahereenaꞌo daggooch dihito taane.

Shoddo 57:5

Yeero, shimaayeenaꞌoyee damba oogebe! Ne oogo showee toommo bulliich bede.

Shoddo 58:6

Yeero, boonoshi gashoon boonoshi kookkoochaa tiishe; Doono Yeero, ebi daahereenaꞌochi gammon holliibe.

Shaahiyoo 12:18

Diqqoona yibbaateeti yibbaatoo, goraadoochoommon mayiihe; tunebaani mullechi ashi yibbaatoo wodiihe.

Shaahiyoo 22:16

Bi gaannooch daakkoyich girechon xuqqiibeeto, woyee gaannechoyich immiibeeto, giremmone.

Shaahiyoo 28:3

Girechon duꞌiibeeti ukkiroo, maayoon aalliibeeti amichi dudoommone.

Shaahiyoo 30:15

“Imbe, imbe” ii cookiibeeti, gutte maache bushiisheenaꞌo haaraatoyich beeteete. Miyaani keejje mooyinaꞌo beeteete; awuddeenaꞌoo beddiye getaaneenaꞌone;

Dojjecho 4:1

Wottoo hini showee toommooch tuneebeeti xuꞌo bullin beeggeho; xukketi asheenaꞌo eeppii beeheete; tunebaani boonoshin goggiyemmo aalloone. Boonoshin xuqqii beetinaꞌo hakkechinaꞌo tunetoyich, boonoshin goggiyemmo aalloone.

Isiyaasi 3:14

Doono Yeeri ogoogeenaꞌonaa asheenaꞌochi iraasheenaꞌona tookki ishichi taggemmone; “Woyinee goyoon aalliito ittoshine; girechinaꞌo waanee ittoshi boggito ittoshi kexooch ceennitone.

Isiyaasi 3:15

Ta asheenaꞌon ittoshi yiikkeebeeto, girechinaꞌo aafoon ittoshi tulliibeeto amoyichiye?” iye Beshe Mawe Nuggishoo Doono Yeeri.

Isiyaasi 32:7

Xumme ashi gaboo gondoone; girechochi cookoo tato bi tunetaanoona koote yibbaatoona girechon aalliyoyich gondoon gabiye.

Hiziqeeli 22:6

“ ‘Ebiyoche, ne daggooch beeti Israꞌeelee iraasheenaꞌo, boono ikkikkoona, damoon ukkoyich boonoshi giidoon gaachee beetinaꞌone.

Hiziqeeli 34:3

Awuyon maahote; huushoochee shuuneeti tahoon tahehote; awujjitonoo guuriyote; tunebaani bageenaꞌon shiimeyaachote.

Amootsi 2:7

Girechinaꞌon buttooch dichiichii boonoshi qellooch qappiyeete; gitteenaꞌonoo gommoochee xuqqii wochiyeete. Bushoonaa nihoona ikke gonneen qeyiyeete; ebich yaafe ta shigo eeꞌehe.

Amootsi 4:1

Bashaani beeti, shiimetaa yecheti miiminaꞌo aangoommon aangiti Shamaari genneenaꞌote, ebin waayebote! Ittoshi, hakka guutoon xuqqiyote; girechonoo giishiihote. Ittoshi keneenaꞌon “Uyoon nooch ittoshi deebaa uyone” iyote.

Amootsi 8:4

Iritechinaꞌon neexxii hajjiibeeti, girechinaꞌonoo showoochee aalliiya qaawii beetinaꞌote, ebin waayebote!

Imbaaqoomi 3:14

Noon shaci aalliiya yubee yongoochoommon waati, girechon aashoochaa qooxxa iꞌi emiriibeeti, ginechinaꞌochi iraashoon bi shangoona kochehine.

Sofoniyaasi 3:3

Iraasheenaꞌo ciddiibeeti daaheroomminaꞌone. Nallechinaꞌoo yaachich getaanoon maa ciichiibeeti, shaaceti okeroomminaꞌone.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

Yaaꞌoo 9:8

Boonoshi qello genni qelloommone; boonoshi gashoo daaheree gashoommone.