Shaahiyoo 3:7 - Kafa Linguistics Project

⁷ Mullechon tuniiree neen wochi ciinnaahine; Doono Yeerin shate; gondoocheenoo wohe.

Shaahiyoo 3:7 ပူးပေါင်းရင်းမြစ်များ

2 Saameeli 12:20

Aroochee Daawiti godoochee tiyiye; bi achoon machehe; zayitoon huutehe; bi tahoonoo shaddiye. Doono Yeerichi kexooch hammiꞌi aroochaa goyinnehe. Bi kexoochoo wottehe. Maayoon bi echetaa giddiiheete; biyoo maahe.

Nehimi 5:15

Tunebaani tayee aaf beeti showee iraasheenaꞌo asheenaꞌo toommooch mooyon maggiitinaꞌone; maayoonaa woyinee uyoonoyee daakkiꞌi aabbe sheqeelee birewoon deqqii beeheete; boonoshi naayinaꞌoo asheenaꞌo toommooch doonjee beeheete. Tunebaani ta, Yeerin ta shattetoyich, ebiyoommon tuniyaano taane.

Iyoobi 1:1

Uutsee showooch Iyoobi getteebeeti ikke uro beehe. Biyoo ikke oonaalli kaamoo, Doono Yeerin shattiibeeto, gonde mooyoocheenoo wokkiti uroone.

Iyoobi 28:28

Biyoo ashich, ‘Illa ebiyoche, shalligoo geto, Doono Yeerin shatone; gonde mooyoochee wohoo, ariyoone’ itone” iye.

Keyo 20:20

Muusiyoo “Shattaahote; Yeeri ebiyoommi gommona ittoshi waan bi waato, ittoshi mooyon beegoyichiye; biichoo shatiree, axaaxoon shuunoochee wohiree ittoshi beeyemmoyichiye” iye.

Shaahiyoo 14:16

Mullechi asho shattiye; gondoocheenoo wottehe; tunebaani mullaallo amoonolla aaxxiyaani afaafinechone.

Shaahiyoo 14:27

Doono Yeerin shato kashee tunoone; asho qitee shaachoochee bi muriccemmoyich tuniihe.

Shaahiyoo 16:6

Shunoonaa gibenoona axaaxoo qereehe; Doono Yeerin shatona asho axaaxoochee wokkiye.

Shaahiyoo 23:4

Gaannecho tunoyich aajjaahine; ebi gaboon qayoyich mullechon tunebe.

Shaahiyoo 26:12

“Mullecho taane” iꞌi gabiibeeti ashoon beeggaa beetine? Biyee tuushoyich beshe gibeno beete.

Shaahiyoo 26:5

“Mullecho taane” geti bi gabaachemmoyich, mullaalloyich bi tuushittinoommona wochibe!

Shaahiyoo 28:11

Gaannechi asho bi qelloon mullecho tuniiꞌi ciinniye; tunebaani gabechi girecho ebi bi qocoon xalla kichiye.

Shaahiyoo 28:26

Bi qelloon gibeneebeeti asho mullaalloone; tunebaani shalligoona shaaddeebeeto wodemmone.

Shaahiyoo 8:13

Doono Yeerin shato gonde mooyon shixone; ta, geecoonaa coodonon shunaache; gonde gommonaa xumme yibbaatoonon shixxehoye.

Dojjecho 12:13

Ebiyoche bulli mooyon waayeto neene; bulli moochi taco ebine: Yeerin shate; bi geteenaꞌonoo ceechibe; asho koniyoona tuniiya bede mooyo ebine.

Isiyaasi 5:21

Boonoshi qelloona boonoshin ariyechonaa yiitoonon tuniiꞌi ciinnii beetinaꞌoyich woowo!

Roomi 11:25

Ta maneenaꞌote! Ebi maacee mooyon ittoshi tuushemmon shunaache. “Mullecho noone” getiree naadeyahote. Yeer waan wottemmi Aageteenaꞌo bulli Yeerichi taatittineech boonoshi giyimmi wottoon ikkikke Israꞌeeleenaꞌo mullo muumetone.

Roomi 12:16

Ittoshinaa ittoshina ikke mulloona ikkottebote; qellee oogiyee mooyon gabiyaahote; tunebaani qallayeetinaꞌona tookki ikkittinoona beebote. “Mullecho taane” getiree naadeyaahote.