Shaahiyoo 3:6 - Kafa Linguistics Project

⁶ Ne gommo bullina biin ariibe; biyoo ne gommon neech kaachemmone.

Shaahiyoo 3:6 ပူးပေါင်းရင်းမြစ်များ

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

Iziri 7:27

Yerusaalem beeti Doono Yeerichi kexo ebiyoommon bi gaawemmoyich, ebiyoommi mooyon taatoochi mullooch kotiiti, taatoo aafooch, bi mikkirechinaꞌonaa hakkechi bi naayinaꞌo bullinochi aafoochoo bi ariqqoon taach bekkiiti, no qaabbechinaꞌochi Nuggishoo Doono Yeeri diireebe. Tawoo, ta Nuggishoo Doono Yeeri gaawe aafoona taan bi ciinnitoyich, kuppheho; Israꞌeeleenaꞌo daggoocheenoo yaree ukkireenaꞌo taanna tookki boonoshi hammemmoyich kiciyo.

Nehimi 1:11

Ta Doonocho, ne guuno ta corootoonaa neen oogiyoyich shunniibeeti ne guuninaꞌochi corootoonon elle waayebe; hanaachoo ne guuno taach kaachiree, hini uroo aafooch ne ariqqoon taach bekkiibe” iyo. Arooba tawoo taatoochi xoofecho taane.

Nehimi 2:4

Taatoo “Ta waanee ne qollaabeeto, amooniye?” iye. Tawoo shimaajji Nuggishoo Yeer waan corootiyo.

Nehimi 7:5

Ogoogeenaꞌon, ukkireenaꞌon, echeti asheenaꞌonoo ikkooch ta kicaa boonoshi yari yaree haddoona boonoshi kobereyemmoyich, ta Nuggishoo ta mullooch gabichiye. Shiichiꞌi boonoshi showooch wotteti asheenaꞌochi shiijjeroo kobereeti macaafoon daneho. Aroochee ta daneti, kooreeti mooyo ebine:

Shoddo 32:8

Doono Yeeri ishichiye: “Neen dojjemmo taane; ne hammemmi gommon neech bekkiyemmo taane; neen ciiccemmo taane; neen quyemmo taane.

Shaahiyoo 11:5

Qoonaalli ashich bi cadiqittino bi gommon kaachiye; tunebaani gonde asho bi gondoona dihemmone.

Shaahiyoo 16:3

Ne shuunoon Doono Yeerich beshii imbe; ne gaboo ceennemmone.

Shaahiyoo 16:9

Asho bi mulloona bi gommon gabiye; tunebaani bi gommon kaachemmo Doono Yeerine.

Shaahiyoo 23:17

Ne mullo axaaxechinaꞌon qanaataaye; heeyo bullin Doono Yeerin shatona beebe.

Isiyaasi 26:7

Cadiqeenaꞌochi gommo naqqoone. Kaamoocho, cadiqeenaꞌochi boochoon tachihine.

Isiyaasi 30:21

Gommon muricciꞌi yoocha, qanna ittoshi getigaata, ittoshi gubbaa, “Gommo hinine; ebina hambote” ii beeti qaaroon waayemmo ittoshine.

Isiyaasi 45:13

Cadiqittinee shuunoyich Qiroosin shuurikkito taane; bi gommo bullin tachemmo taane; biyoo ta katemoon shuunemmone; ta asheenaꞌon kecoochee kichemmone; ebin bi tuniyemmo, gatiyoo qochemmoyich, woyee gaaco bi danemmoyich toonoone” iye Beshe Mawe Doono Yeeri.

Isiyaasi 48:17

Ittoshin Biishee Wodiyechi Israꞌeelee Yaafoo, Doono Yeeri ishichiye: “Neech gaaccemmon neech dojjaabeeti, ne hammaabeeti gommooch neen yaabaabeeti, ne Nuggishoo Doono Yeeri taane.

Erimiyaasi 10:23

Doono Yeero, ashi beemo bi gabitoommon tunee bi qayon, bi shaaddoon bi daagga yeepho hakkee bi qayonoo, ariibeeto taane.

Erimiyaasi 42:3

ne Nuggishoo Doono Yeeri no hammemmi gommonaa no shuunemmonon nooch bi bekkiyemmoyich nooch corootibe” iyeete.

Haddoo 9:20

Ikkikkoochaa qubo yaafee duukkaanee toommooch giisheche aaboon yagii beehe. Arooba Doono Yeerichi getoommona are kaambooch yagii beeheete; wotta Doono Yeerichi getoommonoo qaxirii beeheete.

1 Qorontoosi 10:31

Illa ittoshi maataa, ittoshi uchitaa woyee amoonolla ittoshi tuniitaa, ittoshi tuniibeeti mooyo bullin Yeerichi oogoyich tuniibote.

2 Qorontoosi 8:16

Ittoshin gaachoyich no gabaa beetoommon Titoosiyoo wotta ebiyoommon ittoshich bi gabemmoyich tuniiti Yeeri galleteebe.

Filipphisiyoosi 4:6

Mooyo bullich corootibee, maaggebee, galletebeeshoo, Yeeri aafooch ittoshi qolloon arichiibotalli, ikke mooyoyichona xuuxeyaahote.

Qolaasiyaasi 3:17

Nihoo Yeerin Kiristoosina galletebee, ittoshi yibbaateebeeti yibbaatoon woyee ittoshi shuuneebeeti shuunoo bullin Doono Yesuusicha getiree tuniibote.

Qolaasiyaasi 3:23

Ittoshi tuniibeeti mooyo bullin, ashich tuneyaanoon Doonoyich ittoshi tunii beetoommon, mulloochee tiijjiree shuunebote.

Yaaqobi 1:5

Ittoshi daggoochee koniyoona shalligoo biich shappi gaata, qoonaanoon mulloochee tiijjiꞌi bullich immiibeeti Yeerin qollebe; biichoo ichemmone.

1 Saameeli 30:8

Daawitiyoo “Ebi bokkeenaꞌon yoohi dabbibota? Dabbiree boonoshin yechehote?” iꞌi Doono Yeer waan corootiye. Doono Yeeriyoo “Yoohi dabbibe; boonoshin yeshiree keccetinaꞌon wochemmo neene” iye.