5 Ne ceeni mulloona Doono Yeerin gibenebe; ne qelli gaboona degeyaahine.
Ebi mooyoyich coomaꞌa no Nuggishoon qollehon; biyoo no qolloon waayehe.
Yeeri bi qaawigaata taan wuxibe; illa echesho amoone; tunebaani ta mooyon bi aafoochaa taggemmo taane.
Doono Yeerin gibenee beetinaꞌo, bulli yemeenoon manjiti, shuuraani Tsiyooni guudoomminaꞌone.
Doono Yeerin gibenebe; gaawe mooyonoo tuniibe; showee toommooch diggoona beeyemmo neene.
Ne gommon Doono Yeerich beshii imbe; biin gibenebe; biyoo neen gaachemmone.
Doono Yeeri aafooch cikkiree beebe; haaꞌiyoona biin quyebe. Gondoon gabiibeeti ashich, mooyo kaamoona ippeyaahine.
Asheenaꞌote, bulli aaboon biin gibenebote; Yeeri nooch deebo bi tunetoyich, ittoshi mullee gaboo bullin biich getote.
Ne gibeno Doono Yeeri bi tunemmoyich, eboshin hanaach neech arichiiho.
Gaannecho tunoyich aajjaahine; ebi gaboon qayoyich mullechon tunebe.
Bi qelloon gibeneebeeti asho mullaalloone; tunebaani shalligoona shaaddeebeeto wodemmone.
Mullechon tuniiree neen wochi ciinnaahine; Doono Yeerin shate; gondoocheenoo wohe.
Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.
Doono Yeero, ashi beemo bi gabitoommon tunee bi qayon, bi shaaddoon bi daagga yeepho hakkee bi qayonoo, ariibeeto taane.
Doono Yeeri ishichiye: “Ariyecho bi ariyoona yebenaaye; hakkecho bi hakkoona yebenaaye; gaannecho bi gaannoona yebenaaye;
Ikkikkoochaa qubo yaafee duukkaanee toommooch giisheche aaboon yagii beehe. Arooba Doono Yeerichi getoommona are kaambooch yagii beeheete; wotta Doono Yeerichi getoommonoo qaxirii beeheete.
Qubo gutte qemon tuneba ikke agenoon, woyee ikke naton duukkaanee toommooch bi yagigaata, Israꞌeeleenaꞌo qaxiraanoon boonoshi kaambooch kotee beeheete; tunebaani bi tiyiyooba, qaxirii beeheete.
Ittoshinaa ittoshina ikke mulloona ikkottebote; qellee oogiyee mooyon gabiyaahote; tunebaani qallayeetinaꞌona tookki ikkittinoona beebote. “Mullecho taane” getiree naadeyaahote.
Ebin bi tuniito, Kiristoosin gibenoona shiichoo tuneti noonna bi oogee yiiroyich bi galleteyemmoyichiye.