Shaahiyoo 3:34 - Kafa Linguistics Project

³⁴ Coonechinaꞌon coonemmone; tunebaani boonoshi qelloon giishii beetinaꞌoyich wojjoon immemmone.

Shaahiyoo 3:34 ပူးပေါင်းရင်းမြစ်များ

Shoddo 138:6

Doono Yeeri oogoona beshoo bi tunetaanoona hoxeeton dufaache; tunebaani geecechinaꞌon wohoochaa ariihe.

Shoddo 18:26

Mulli xalleenaꞌoyich gaaweto neene; xummeenaꞌoyich marecho neene.

Shaahiyoo 1:26

tawoo ittoshi xuuxoona miiccemmi taane; keqqoo ittoshin yexiyooboo cooqqiremmi taane.

Shaahiyoo 14:9

Yeexeroo axaaxoona cooqqiriye; tunebaani kaameenaꞌo daggooch deꞌittino beetone.

Shaahiyoo 16:19

Geecechinaꞌona tookkii kecoon qoodeyoyee, girechinaꞌona tookkii qelloon giishiiꞌi beemo gaawiye.

Shaahiyoo 19:29

Cooqqirechinaꞌo toommooch nalloo, yeexereenaꞌo gubboyichoo quddoo, qannitone.

Shaahiyoo 21:24

Geecii cunnenneebeeti asho cooqqirecho getteehe; bi shuunoo bulli geecoo baachiye.

Shaahiyoo 9:12

Mullecho ne tunegaata, bi gaaccemmo neeniye; cooqqirecho ne tunegaata, bi gondemmo neech baachiye.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Yaaqobi 4:6

Yeeri beshiti wojjoon immii beetone; ebich Yaafe Macaafoochaa, “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” getaa kooreetone.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.