Shaahiyoo 3:33 - Kafa Linguistics Project

³³ Doono Yeerichi ufo gonde ashi kexoochiye; tunebaani cadiqoochi kexon diiriye.

Shaahiyoo 3:33 ပူးပေါင်းရင်းမြစ်များ

2 Saameeli 6:11

Doono Yeerichi taabooto Gaati katemee asho Obeed Edoomi kexooch keejje agenoon kotehe. Doono Yeeriyoo Obeed Edoominaa bi kechi asheenaꞌonon diiriye.

Iyoobi 24:18

“Tunebaani ambamboo boonoshin hidi daammemmone; boonoshi hajjiti showoo uppeton tunemmone; boonoshi woyinee goyooch shuunecho koniyoona hamaachemmone.

Iyoobi 31:12

Ebi aroo, michii aalliibeeti qaaqqoon taach tuneshone; ta yaaphoonoo aalliyeshone.

Shoddo 1:3

Aroo, woce aachi gashooch becheeti, bi goori gooroona aafaabeeti, bi waamo shoollaani, mixiyoommone; bi shuuneebeeto bulli biich kaamemmone.

Shoddo 37:22

Doono Yeeri diiritinaꞌo showoon woraashemminaꞌone; tunebaani bi uppitinaꞌo aallemminaꞌone.

Shoddo 91:10

Gonde mooyo ne waan shagaachemmone; naxoo ne kexooch giyaachemmone.

Shaahiyoo 10:6

Diiroo cadiqeenaꞌochi shimboochiye; tunebaani gondeenaꞌochi noonoo boonoshi xuꞌoon aachiye.

Shaahiyoo 14:11

Gonde ashi kexo dihemmone; tunebaani kaame ashi kexo manjemmone.

Shaahiyoo 15:6

Cadiqeenaꞌo kexooch wodde gaanno ceennitone; tunebaani gondeenaꞌo daneebeeti gijjoo boonoshich xuuxoon deebemmone.

Shaahiyoo 21:12

Cadiqe Nuggishoo gondeenaꞌo kexon beeggii beetone; gondeenaꞌonoo aalliihe.

Yibbaatoo 11:28

Tunebaani ufo ittoshi toommooch bi tunemmo, ittoshi Nuggishoo Doono Yeerichi getoon quyo ittoshi qayigaata, hanaach ittoshich ta gettaabeeti getoona hamon qajjiꞌi, ittoshi ariyaani bare nuggisheenaꞌon dabboyich badd ittoshi wottegaatane.

Yibbaatoo 7:26

Ebi tiyaariiti, boonoshi shahalloon ne kexooch deebaahine. Ebin ne tuniigaata, hidaa aallemminaꞌo boonoshi tunoommon newoo hidaa aallemmo neene. Ebi mooyo Doono Yeerina uppeto bi tunetoyich, newoo oogichi shixe; ciigeshoo gete” iye.

Yaasi 6:18

Tunebaani timeeti mooyinaꞌoochee amoonolla ittoshi qellich daamiree, Israꞌeeleenaꞌo toommooch xuuxoonaa aalloonon ittoshi deebaachemmoyich, ittoshi qelloon ariibote!

Yaasi 7:13

“Tibe! Asheenaꞌo yaafeyemmoyich tuniibe. Boonoshichoo ishichibe: ‘Israꞌeelee Nuggishoo Doono Yeeri ishichiye: “Israꞌeeleenaꞌote, timeeti mooyo ittoshi daggooch bi beetoyich, ebin ittoshi wokkiimmi wottoon, ittoshi etteenaꞌona tookki koyoon hakkaachemmo ittoshine” iye. Ebich, yaachich ittoshi qelloon qanniiree yaafeebote.