Shaahiyoo 3:1 - Kafa Linguistics Project

¹ Ta bushoocho, ta dojjaa beeton batteyaahine; ta geteenaꞌon ne mullooch yeshe.

Shaahiyoo 3:1 ပူးပေါင်းရင်းမြစ်များ

Shoddo 119:11

Axaaxoona neen ta xuꞌaachemmoyich, ne qaaroon ta mullooch kotiihoye.

Shoddo 119:153

Ne sheeroon batteyaano ta tunetoyich, ta iritoon beegiree taan wodiibe.

Shoddo 119:16

Ne qociyoo taan emirikkiye; ne qaaroon batteyaachemmo taane.

Shoddo 119:176

Aalleti bagoochoommon yallyallimito taane; ne geteenaꞌon batteyaano ta tunetoyich, ne guuno taan qaawibe.

Shoddo 119:34

Ne sheeroon ta quyemmoyich shalligoon taach imbe; ta ceeni mulloona ne sheeroyich yittemmo taane.

Shoddo 119:61

Gondeenaꞌo taach shaachoon shaachiyeete; tunebaani ta, ne sheeroon batteyaano taane.

Shoddo 119:93

Boonoshina kashoon taach ne immetoyich, ne geteenaꞌon ciroona batteyaache.

Shoddo 91:16

Eeni genjoona biin michiyemmo taane; ta wodiyoonoo biich bekkiyemmo taane” iye.

Keyo 20:6

Tunebaani taan shunnii beetinaꞌonaa ta getoon quyee beetinaꞌonoyich, hume shiijjerooch beddaahaa ta shoodoon bekkiibeeto taane.

Shaahiyoo 1:8

Ta bushoocho, ne nihoochi ciicoon waayebe; ne indee dojjaa beetonoo qajjaahine.

Shaahiyoo 16:31

Bukkoo oogee gubbichoone; bi daneebeeto, cadiqo tunoonane.

Shaahiyoo 2:1

Ta bushoocho, ta qaaroon waayebe; ta getoonoo ne mullooch kotiibe;

Shaahiyoo 23:26

Ta bushoocho, gaawichi ellebe; ne aafeenaꞌo ta gommon ciineete.

Shaahiyoo 31:5

uyiree sheeroon battemminaꞌone; xukketinaꞌoyich dayinnetoon bajjemminaꞌone.

Shaahiyoo 4:2

Gaawe doyoon ittoshich dojjemmo taane; ta dojjaabeeti doyoon qajjaahote.

Shaahiyoo 4:21

Eboshin ne aafoochee wokkiyaahine; ne mulloochoo kotiibe.

Shaahiyoo 4:5

Shalligoonaa ariyoonon danebe; ta qaaroon batteyaahine; aroocheenoo bara wotteyaahine.

Shaahiyoo 8:1

Shalligee ceeggaa beetaachane? Gabeyoo cookaa beetaachane?

Shaahiyoo 9:1

Shalligee shabaatte giimboon xaraa qanniyaꞌa bi kexon haggahan.

Isiyaasi 51:17

Doono Yeerichi kishoochee kaaree xoofoon ucheti, dadeddiibeeti uyoon cangeti, Yerusaaleme, qaallibe; tiyi neexebe.

Erimiyaasi 31:33

“Tunebaani ebi are yemeenoyee gubb Israꞌeelee macceenaꞌona tookki ta giyemmi wogo ebine” iye Doono Yeeri. “Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Hosee'i 4:6

Ta asheenaꞌo ariyee muccoochee tiyitona aalletinaꞌone. Ariyoon qaawoo ittoshi qajjitoyich, tawoo taach qeeshoo ittoshi tuneyaachemmoyich ittoshin qajjoye. Ittoshi Nuggishoo ta sheeroon ittoshi battetoyich tawoo wotta ittoshi bushiisheenaꞌon battemmo taane.

Yibbaatoo 4:23

Ittoshi Nuggishoo Doono Yeeri ittoshina tookkii bi giyiti wogoon ittoshi batteyaachemmoyich, ittoshi goyinne maddaachemmoyich bi bajjiti, amee shaahoonona shuuneebeeti shahalloon ittoshi shuuneyaachemmoyich ittoshi qelloon ariibote!

Yibbaatoo 4:9

“Doono Yeeri ‘Asheenaꞌon ta waan kicibe. Showee toommooch kashoona boonoshi beemmi yemeeno bullin taan shaton boonoshi doyemmoyich, boonoshi bushiishoonoo boonoshi dojjemmoyich, ta qaaroon boonoshich waayiyemmo taane’ iꞌi bi gettiyooba, ittoshi Nuggishoo Doono Yeeri aafooch, Kooreebi guudooch ittoshi neexeti aaboon batteyaahote. Ebi ittoshi aafoona ittoshi beeggiti mooyon ittoshi batteyaachemmoyich, wotta kashoona ittoshi beemmi yemeeno bullin ittoshi mulloochee bi aalleyaachemmoyich, kupphiiree ittoshi qelloon ariibote! Ebi mooyon ittoshi bushiishoonaa bushaa bushiishoonoyichoo dojjibote.

Yibbaatoo 5:16

“ ‘Ne Nuggishoo Doono Yeeri ta, neech gettetoommon, neech ta immaabeeti showooch koteree ne yagemmoyich, mooyo bulli neech bi kaamemmoyichoo, ne nihoonaa ne indeenon oogiibe.

Yibbaatoo 5:33

Kashoona ittoshi beeyemmoyich, ittoshichoo mooyo kaamemmoyich, ittoshi hajjemmi showooch koteree ittoshi yagemmoyichoo, ittoshi Nuggishoo Doono Yeeri ittoshich gettiti boochoona hambote.

Yibbaatoo 8:1

Muusiyoo Israꞌeeleenaꞌoyich ishichiye: “Doono Yeeri ittoshi qaabbechinaꞌoyich imoyich wogeꞌi bi gibenikkiti showooch giyi ittoshi beeyemmonaa ittoshi meettemmonoyich, ittoshi hajjemmoyichoo, hanaach ittoshich ta gettaabeeti getoon manjii waayebote.