Shaahiyoo 29:3 - Kafa Linguistics Project

³ Shalligoon shunniibeeto, bi nihoon emirikkiye; tunebaani yahechin dabbiibeeto, bi gijjoon shacciye.

Shaahiyoo 29:3 ပူးပေါင်းရင်းမြစ်များ

Shaahiyoo 10:1

Solomoonichi shaahiyeenaꞌo: Mullechi bushoo bi nihoon emirikkiye; tunebaani mullaalli bushoo bi indeen ayinikkiye.

Shaahiyoo 15:20

Mullechi bushoo bi nihoon emirikkiye; tunebaani mullaalli bushoo bi indeen qallayiye.

Shaahiyoo 21:17

Bi qelloon emirikkoon shunniibeeto giremmone; woyinee uyoonaa zayitoonon shunnii beetoo, gaanneyaachemmone.

Shaahiyoo 21:20

Aaxxe qiicoonaa aaxxe zayitoona mullecho kexoochiye; tunebaani mullaalli asho ebin shaccii aalliihe.

Shaahiyoo 23:15

Ta bushoocho, mullecho ne tunegaata, ta mullo emiremmone.

Shaahiyoo 27:11

Ta bushoocho, taan naaggii beetoyich wochoon ta hakkemmoyich, mullechon tunebe; ta mulloonoo emirikkibe.

Shaahiyoo 28:19

Bi showoon gochiibeeto koshon michemmone; tunebaani gaacaalli mooyon dabbiibeeto oogichi giremmone.

Shaahiyoo 28:7

Sheeroon quyeebeeto, mullechi bushoone; tunebaani gaacaalleenaꞌona guupheebeeto, bi nihoon yeelliihe.

Shaahiyoo 6:26

Ikke kochi gatiyoona asho yahechi ureen danoon hakkiye; tunebaani ashi mecheen qaawoo kashee gatiyoon qochiihe.

Luqaasi 15:13

“Giisheche qemoyee gubb are guuche bushoo bi gijjoo bullin kicii yechiꞌi wohi showooch hammiye; aroochaanoo bi mullo gabito bulliich bi gijjoon kichiibee shacciꞌi aalliihe.

Luqaasi 15:30

Tunetaa hini ne bushoo ne gijjoon daammii maachee toommoochaa aalliiꞌi wottee bi waammona, awujjiti gubbenoon biich bashihine’ iye.