Shaahiyoo 29:25 - Kafa Linguistics Project

²⁵ Ashoon shato shaachooch yechoone; tunebaani Doono Yeerin gibeneebeeto, diggoona beeyemmone.

Shaahiyoo 29:25 ပူးပေါင်းရင်းမြစ်များ

Halloo 20:11

Abrahamiyoo Abimeleekich ishichiye: “ ‘Hiniich Yeerin shattiibeeti asho aalloone; asheenaꞌo ta mecheyicha getiree taan wuxemminaꞌone’ iyaa ta gabitoyichiye.

Halloo 20:2

bi mechee Saarin “Ta maneene” ii beehe. Ebich Geraaree taatoo Abimeleeki wochiiꞌi, Saarin shaagga daammiye.

Halloo 26:7

Arooba are showeexi asheenaꞌo Yisaaqin bi mechechon boonoshi echemmona, “Ta maneene” iye. Bi ishichito, “ ‘Ta mecheene’ ta getigaata, Ribiqi mallet gaawe ure bi tunetoyich, biicha getiree hini showeexi asheenaꞌo taan wuxemminaꞌone” ii bi shattitoyichiye.

1 Taateenaꞌo 19:3

Eliyaasiyoo shattiꞌi bi kasheen wodiyoyich, Yihudee showooch beeti Beershaab tiyii hammiye; bi aafee bushoon arooch echiihe.

1 Kiinoo 5:20

Koyoochaa Yeerin gibeneꞌi, boonoshin bi gaachemmoyich qolleheete. Biyoo boonoshi qolloon waayeꞌi, Hagaareenaꞌonaa boonoshina tookkii ikkottetinaꞌo bullinon boonoshi kishooch beshiiꞌi immiye.

Shoddo 118:8

Ashoon gibenoyee Doono Yeerichi shoobooch gimo gaawiye.

Shoddo 119:117

Ta wodemmoyich taan dege; bulli aaboon ne qociyoon quyemmo taane.

Shoddo 125:1

Doono Yeerin gibenee beetinaꞌo, bulli yemeenoon manjiti, shuuraani Tsiyooni guudoomminaꞌone.

Shoddo 69:29

Tunebaani ta, xuuxoonaa duꞌonoochiye ta beeto; Yeero, ne taan wodiibe; taan quyebe.

Shoddo 91:1

Beshoo Yeeri shoobooch beeto, Beshe Hakkechi Nuggishoochi yiirooch qeyiibeeto,

Shoddo 91:14

Yeeri ishichii beetone: “Taan bi shunnii beetoyich biin wodiyemmo taane; ta shigoon bi arii beetoyich, biin quyemmo taane.

Shaahiyoo 16:20

Ciicoon deqqii beetoyich mooyo kaamehe; Doono Yeerin gibeneebeeto diireetone.

Shaahiyoo 18:10

Doono Yeerichi shigo manje xaqqee dilaaloommone; cadiqeenaꞌo arooch woccii deebeꞌi wodiyeete.

Shaahiyoo 28:25

Hiriggechi asho kaaroon booddiye; tunebaani Doono Yeerin gibeneebeeto gaannemmone.

Shaahiyoo 30:5

Yeerichi qaaro iberoone; biin gibenee beetinaꞌoyich gaachoone.

Dojjecho 7:18

Hininoo ne yesho ohinoo gawukkee ne qayo gaawetone; ebiyoo Yeerin shattii beetoyich kaamemmo bi tunetoyichiye.

Isiyaasi 57:11

“Taan shalligoon, ta mooyonoo gaboon qajjiꞌi ittoshi koottito konin shattii keqqiꞌiniye? Taach shato ittoshi qajjito wodde yemeenoon cikkaa ta qajjetoyich toone?

Daaneeli 3:28

Aroochee taatoo ishichiye: “Bi maraakoon deejjiꞌi, boonoshi Nuggishoyee besh bare nuggishoyich maddoonaa goyinnoonon qajjiti, ta getoon qajjiti, boonoshi kashoon beshiiꞌi immiti, biinoo gibeneti bi guuninaꞌon wodiiti, Sidiraaqi, Misaaqinaa Abidinaginochi Nuggishoo diireebe!

Daaneeli 6:23

Arooba taatoo oogeton emiriꞌi, Daaneelin oppoochee boonoshi kichemmoyich gettiye. Daaneelin oppoochee kichiyeete. Bi Nuggishoon bi gibenetoyich, bi achooch amee mooyolla shagaanoone.

Maatiyoosi 10:28

Meenon wuxoyee damba kashoon wuxoo hakkaaneenaꞌon shattaahote. Tunetaa meenonaa kashoonon shiweree qaaqqoona aalliyoon hakkii beeton shatote.

Maatiyoosi 15:12

Arooba bi dabbeenaꞌo Yesuus waan giddeꞌi, “Fariseenaꞌoyich hini boonoshi waayeti qaaro xugo bi tunoon ariitine?” iyeete.

Luqaasi 12:4

“Ta shunechinaꞌote, ittoshich gettoye: Meenon wuxii beetinaꞌon shattaahote. Boonoshi wuxitoyee gubb boonoshi hallemmi bare mooyo amolla aalloone.

Yowannisi 3:2

Biyoo xumoona Yesuus waan waaꞌi, “Dojjechocho, Yeeri biinna tookkii tunetoyee damba, ne tuniibeeti hini worganikkiti malleteenaꞌon tuniyoon koniyoona hakkaache. Ebich dojjecho tunaꞌa Yeer waanee ne womon ariibeeto noone” iye.

Yowannisi 9:22

Biin shiyitinaꞌo ishichito, Ayihudee ukkireenaꞌon boonoshi shattitoyichiye. Ebiyoo Ayihudee ukkireenaꞌo “Yesuusi aroo Kiristoosine” iꞌi miixemmo bi danegaata, aroon Ayihudeenaꞌo kiceebeeti kexoochee boonoshi yookkemmoyich echee boonoshi itoyichiye.

Yibbaatoo 1:17

Dabiiree nalliyaahote. Gaannechonaa girechonon tachi ciinote. Dayinneto Yeericho bi tunetoyich, ashi aafoon ciini shattaahote. Ittoshich maggemmi mooyon taach ittoshi deebaa, ta aroon nallemmo taane’ iyaꞌa gettoye.

Woraaferasheenaꞌo 16:11

Samsooniyoo “Ebiyee aaf shuunee toommooch heeyaani andire woderoona taan boonoshi cuyigaata, giidoon qacheree bare ashoommon tunemmo taane” iye.

1 Saameeli 15:24

Saaꞌooliyoo Saameelich “Axaaxoon shuuneto taane. Doono Yeerichi getoonaa ne qaaroonon shaaddeto taane. Asheenaꞌon ta shattetoyich, boonoshi getoon ceechito taane.

1 Saameeli 21:13

Ebich Daawiti boonoshi aafoochaa bi halloon shaddiye. Biin boonoshi yechimmona, geyechochoommon katemee uxeroon qoopphiibee bi illaaccoo bi ishaanoona toollemmoyich tuniihe.

1 Saameeli 27:1

Tunebaani Daawiti bi mulloona “Ikke areddoon Saaꞌooli taan wuxoon qayaachemmone. Ebich muricciꞌi Filsixeemeenaꞌo showooch hamoyee besh, taach bare gaawe mooyo aalloone. Aroochee Saaꞌooli Israꞌeelee showoo bulliich taan qaawoon qajjemmone. Tawoo bi kishoochee muriccemmo taane” iꞌi gabiye.

1 Saameeli 27:11

Daawiti woroon Gaat hamiree boonoshi getaachemmoyich, anaamo tuneba maache, koninolla kashoona echiyaanoon wuxii ciichiye. Ebiyoo “Daawiti ebin tuniitone getiree asheenaꞌo gettemminaꞌone” iꞌi bi gabitoyichiye. Filsixeemee showooch bi beemmi yemeeno bullin ebi bi doyoone.