Shaahiyoo 29:2 - Kafa Linguistics Project

² Cadiqeenaꞌo ukkirehooba maccoo emiriye; tunebaani gonde asheenaꞌo ukkirehooba maccoo gaashilliye.

Shaahiyoo 29:2 ပူးပေါင်းရင်းမြစ်များ

Asteeri 3:15

Taatoo getaa, wocheyechinaꞌo afaafinoona kechii hammiyeete. Wotta awaajjo inde katemoo Suusaa getteehe. Taatoonaa Hamaanina woyinee uyoon ucha koteheete; tunebaani Suusi katemoo oogichii keqqiye.

Asteeri 8:15

Mordokiyoosi shimaayitoonaa naccoonon tuneti taatee kechi tahoon taheꞌi, muttee tuppoochee shippeti damere iddimoon bi toommooch geddiꞌi, bi shimboochoo oogeti aachee gubbichoon ukeꞌi, taatoo aafoochee kechiye. Suusi katemeexi asheenaꞌo emiroona ililiyeete.

Iyoobi 34:30

Ebiyoo Yeerich qeyaani asho bi taateyaachemmoyich, asheenaꞌonochi aafoochoo olloon bi gedaachemmoyichiye.

Shaahiyoo 11:10

Cadiqeenaꞌoyich mooyo kaamegaata, katemoo emiriye; gondeenaꞌo aallegaata, wotta emiroona ililiye.

Shaahiyoo 28:12

Cadiqeenaꞌo wudoon danehooba oogeti emiroo tunehe; tunebaani gondeenaꞌo ukkirehooba asho aashehe.

Shaahiyoo 28:15

Girechinaꞌon hajjiibeeti maaci manje ukkiroo, gigeebeeti daaheroommo, woyee capphi yecha ii beeti diiboommone.

Shaahiyoo 28:28

Gondeenaꞌo ukkirehooba asheenaꞌo aasheheete; tunebaani ukkirittinoochee boonoshi kindiyooba cadiqeenaꞌo meettiyeete.

Dojjecho 10:5

Hini showee toommoochee gonde mooyon beeggeho; ebiyoo ukkireenaꞌo waanee kechiibeeti muricoone.

Dojjecho 10:6

Gaannechinaꞌo giishee xaaꞌooch kotetaa, mullaalleenaꞌo oogee xaaꞌooch koteheete.

Dojjecho 4:1

Wottoo hini showee toommooch tuneebeeti xuꞌo bullin beeggeho; xukketi asheenaꞌo eeppii beeheete; tunebaani boonoshin goggiyemmo aalloone. Boonoshin xuqqii beetinaꞌo hakkechinaꞌo tunetoyich, boonoshin goggiyemmo aalloone.

Maatiyoosi 2:16

Heroodisi xojjenee hiddechinaꞌo biin dawushoon ariiꞌi oogichii kaarehe; xojjenee hiddechinaꞌon manjii bi echee waayeti aaboon shalligiꞌi, bi ginechinaꞌon daachii Beetilehemi katemoonaa bi katinoonooch shiijjeti gutte natonaa gutte natoyee deshina tuneti gaggere anaami bushiisheenaꞌon wuxiihe.

Maatiyoosi 2:3

Taatoo Heroodisi ishin waayeꞌi keqqiye; wotta Yerusaalem beetinaꞌo bulliyoo keqqiyeete.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.