Shaahiyoo 28:4 - Kafa Linguistics Project

⁴ Sheeroon qajjiibeeti asheenaꞌo gondeenaꞌon naadiyeete; tunebaani sheeroon quyee beetinaꞌo gondeenaꞌon shixxiyeete.

Shaahiyoo 28:4 ပူးပေါင်းရင်းမြစ်များ

1 Taateenaꞌo 18:18

Eliyaasi wochiꞌi, “Israꞌeeleenaꞌon duꞌiyaabeeto, neennaa ne nihoochi kechi asheenaꞌonani, ta toono taane. Doono Yeerichi getoon qajjiyote; Baꞌaaleenaꞌonoo dabbiyote.

1 Taateenaꞌo 18:21

Eliyaasi asheenaꞌo aafooch waaꞌi, “Mulloon guttiyoona shaami ittoshi beeyemmo, aati wottooniye? Nuggishoo, Doono Yeeri gaata, Doono Yeerich goyinne maddebote. Baꞌaalo gaata, Baꞌaaloyich goyinne maddebote” iye. Tunebaani asheenaꞌo ikke qaaroonona biich wochaaneenaꞌone.

Nehimi 13:15

Ebiyooba Yihudee showooch shambetee aaboon oppoochaa woyinoon hiiccii beetinaꞌonaa maayoon, woyinee uyoon, woyinee yuunjoon, balaasoonaa baribare qiicoonon kurooch xaaniꞌi, Yerusaalem deebii beetinaꞌonon beeggeho. Tawoo “Shambetee aaboon maayoon kemmaahote; ittoshi qelloon ariibote” iyo.

Nehimi 13:28

Qeeshee guudo Eliyashibi bushoo Yoyaadi yaroochee ikkoo, Horoonee asho Sanbalaxichi maache busheen shaaggitone. Tawoo ta waanee biin yookkeho.

Shoddo 10:3

Gonde asho bi mullee qaatoona cooddiye; hiriggechi asho Doono Yeerin shixxii uppiye.

Shoddo 49:18

Bi kashee yemeenooch emiroona bi beetaa, mooyo biich kaametoyich bi galleteetaa,

Erimiyaasi 5:30

Keqqichiti wone mooyo showee toommooch tunetone:

Maatiyoosi 3:15

Yesuusiyoo wochiꞌi, “And qajje gettaaye; ebin tuniyoona Yeeri aafooch kaamoo tuneto bullin shuuno nooch qaawiihe” iye. Arooba Yowannisi tunebe iye.

Maatiyoosi 3:7

Tunebaani Fariseenaꞌonaa Saduuqeenaꞌonochi daggoochee meeti asheenaꞌo aacona afaalleyoyich bi waan boonoshi womon Yowannisi beeggiꞌi, boonoshich ishichiye: “Hini xekerechi bushiisheenaꞌote! Yeer waanee kindemmi kaaree shiixxoochee ittoshi wokkemmoyich, konine ittoshich gettito?

Mishiraachechinaꞌo 12:22

Hini are asheenaꞌo waayeꞌi, “Hini nuggishoochi qaaroani ashi qaaro toonoone” iibee cookeeheete.

Mishiraachechinaꞌo 15:2

Ebich Phawuloosinaa Barnabaasina hini asheenaꞌona tookkii kaaree shaceꞌi, meeti gommona taggeheete. Ebich Phawuloosinaa Barnabaasinon, wotta boonoshina tookkii beetinaꞌo daggoochee ikkikkeenaꞌon kaacciꞌi, “Yerusaalem beeti mishiraachechinaꞌonaa geeneenaꞌona waan hamiree hini mooyon echeebote” iyeete.

Mishiraachechinaꞌo 19:9

Tunebaani ikkikkeenaꞌo “Phawuloosi yibbaatoyich deꞌa getaachone” iꞌi dofee ashi aafooch Doono Yesuusichi gommon naageheete. Ebich Phawuloosi boonoshi waanee wokkiꞌi, kittinneenaꞌon ikke badd kichiꞌi, Xiraanoosi goddemmoochaa, qemi qemona yibbaatee beehe.

Roomi 1:32

“Ebiyoommi shuunoon shuunee beetinaꞌoyich qitoo tunibede mooyone” ii beeti Yeerichi sheeroon ariibee gonde mooyon shuuneheete; shuuno baach tuneyaanoon, ebi gonde mooyon shuunee beetinaꞌon “Ittoshi shuuneebeeto tatoone” iꞌi tookkii emiriyeete.

Efesooni 5:11

Aafaalli manderee shuunoona tookki ikkotteyaahote; beshoonoo ebi shuunoon bekkooch kichibote.

1 Tasaloonqi 2:2

Ittoshi waan no womoyee shiichaꞌa Filipphisiyoosaa wodde xuuxoon no beegonaa no naakkeyoonon ariibeeto ittoshine; kupphe qiicco no toommooch bi shaggitaanona, Yeeri immiti mishiraachoon ittoshich no gettemmoyich no Nuggishoo no waanee shaton bi wokkiitaa aafoon kuppheto noone.

1 Yowannisi 4:5

Boonoshiyoo hini alemeexinaꞌone; ebich alemeexon gettii beetinaꞌone; wotta boonoshi getaa hini alemeexinaꞌo waayee beetinaꞌone.

Yihudi 1:3

Ta shunechinaꞌote! No qoodeebeeti wodeechon ittoshich kooroyich oogeti gabee toommooch beechaa, Yeeri yaafeenaꞌoyich ikke wottoon bi immiti, shaddeyaani gibenoyich ittoshi qiiccemmoyich, ittoshin ciicciibee kooroo taach qaawiibeeto tuneꞌi bekkehe.