Shaahiyoo 28:18 - Kafa Linguistics Project

¹⁸ Bi shaaddo kaamoo tuneti asho wodemmone; tunebaani xumme gommecho diqqoona dihemmone.

Shaahiyoo 28:18 ပူးပေါင်းရင်းမြစ်များ

Shoddo 125:5

Tunebaani xumme gommooch wottee beetinaꞌon, gondeenaꞌona tookki Doono Yeeri aalliyemmone. Israꞌeelich diggoo tunebe.

Shoddo 25:21

Neen gibeneto taane; ta deꞌittinoonaa kaamittinoona taan quyebe.

Shoddo 26:11

Tunebaani ta, xallittinoona shaaddeto taane; taan biishebe; taachoo ariqqebe.

Shoddo 84:11

No Nuggishoo Doono Yeeri nooch aaboommonaa gaachoommonane; biyoo gaawe aafoona noon ciinnemmone; oogoonoo nooch immemmone. Doono Yeeri, kaamoona hammii beetinaꞌoyich, deꞌe mooyon ciroona muccii ariyaanoone.

Shaahiyoo 10:25

Yuboo tiyiyooba gonde asho hidee aallemmone; tunebaani cadiqo bulli yemeenoon manjiree beeyemmone.

Shaahiyoo 10:27

Doono Yeerin shato eenon genjiihe; tunebaani gonde ashi eeno qaminnemmone.

Shaahiyoo 10:9

Deꞌe asho keqqaalloon shaꞌehe; tunebaani bi gommon xummiibeeto yecheyemmone.

Shaahiyoo 28:10

Kaameenaꞌon gonde gommooch yaabiibeeto, bi iijjiti oppooch dihemmone; tunebaani xalleenaꞌo gaawe mooyon woraashemminaꞌone.

Shaahiyoo 28:6

Bi gommo xummoo tuneti gaannechoyee, bi gommo xalloo tuneti girecho beshiye.

Haddoo 22:21

Ebich Balaami maaddoona tiyii, bi kureech koroon haxxiꞌi Moꞌabee iraasheenaꞌona tookkii hammiye.

Haddoo 22:32

Doono Yeerichi maraakoo biich ishichiye: “Ne kureen keejje wottoon ne yexxeto, amoyichiye? Ne gommo ta aafooch kaamoo tuno bi qajjitoyich, gommon hici bajja kecheto taane.

Haddoo 22:35

Doono Yeerichi maraakoo biich ishichiye: “Hamon boonoshina tookki hambe. Tunebaani ne gettemmo, ta gettemmi qaaroon baachiye” iye. Ebina Balaami asheenaꞌona tookkii hammiye.

Galaati 2:14

Tunebaani mishiraachee qaaree iberee kaame gommona boonoshi hammi qayon ta ciinnehooba, kittinneenaꞌo bulli aafooch Pheexiroosin “Ne Ayihudee asho tunaachaa, Ayihudoommon tuneyaanoon Aagetoommon beeto neene; illa Aageteenaꞌo Ayihudeenaꞌochi doyoommon boonoshi beeyemmoyich aabichaꞌa xuqqenne?

1 Tasaloonqi 5:3

Asheenaꞌo “Diggoone, wodoone” boonoshi ii beetaa, yeqqefechi maacheen maaxoo mamoommon arooba aallo diqqoona boonoshi toommooch shaggemmone; ciroona muriccii wodoon hakkaachemminaꞌone.

Yaaꞌoo 3:3

Illa waayaa ne ariiti mooyinaꞌon gabibe; ebi are mooyinaꞌonoo quyebe; axaaxee gommoochee Yeer waan wottebe. Qaalloo ne qayigaata, diqqoona ne beetaa gaayo womoommon, neech woyemmo taane; amee saatooch ta woyemmo gaata ariyaano neene.