Shaahiyoo 28:17 - Kafa Linguistics Project

¹⁷ Ashi damee hiishechi asho bi qitimmi wottoon yallyallimi beeyemmone; koniyoona biin gaachaaye.

Shaahiyoo 28:17 ပူးပေါင်းရင်းမြစ်များ

Halloo 4:12

Showoon ne goyaa, ebiyee bekk maayoon neech imaachemmone. Showee toommo bulliich ne kexon waaxi gooyi, yallyallimemmo neene” iye.

Halloo 9:6

“Asho, Yeeri ta malletoona halleetone; ebich ashi damoon ukkimmochi damoon bare asho ukkemmone.

2 Saameeli 13:34

Arooba Abisoloomi kechii maxxehe. Bekkech areegaata, katemee xaqqee uxeree toommooch neexeechii, qayeebeeti ginee naayo kaama ciinniꞌi, Horonayimi gommo waanee meeti asheenaꞌo geppoon kindii beetee beeggiye. Biyoo taatoo waan hammiꞌi, bi beeggiton gettiye.

2 Saameeli 18:15

Yoꞌaabichi quyee naayinaꞌo tuneti aashire gurimaasheenaꞌo Abisoloomin giichiꞌi kochii wuxiyeete.

1 Taateenaꞌo 2:29

Yoꞌaabi Doono Yeerichi danee duukkaanooch wocciꞌi, deejjee gudee gaꞌooch bi tunoon taatoo Solomooni waayehe. Solomooniyoo Yoyaadi bushoo Beenayin “Hamiree biin wuxibe” iꞌi daachiihe.

1 Taateenaꞌo 21:19

Newoo biich ‘Doono Yeeri ishichiye: “Wuxaachaa bi showoon woraashinne?” itone’ gete; wotta daakkiree biich, ‘Doono Yeeri ishichiye: “Kunaaneenaꞌo Nabootichi damoon nappheti xaaꞌoochaa ne damoon ebiyoommon napphemminaꞌone” itone’ gete” iye.

1 Taateenaꞌo 21:23

“Wotta Doono Yeeri Elizabeelichon ishichii beetone: ‘Yezireeli katemee xaqqee uxeree gaꞌoochaa Elizabeelin kunaaneenaꞌo maayemminaꞌone’ itone.

2 Taateenaꞌo 9:26

Ebiyoo ‘Iberoo yiich Nabootinaa bi bushiisheenaꞌochi damoon beeggeto taane. Ebinoo hini goyoochaa ne toommooch wochemmo taane’ itone Doono Yeeri. Ebich Doono Yeeri gettitoommon, daamiree are goyee budooch dufe” iye.

Keyo 21:14

Tunebaani ikke asho gabii kuxxiꞌi bare ashoon bi wuxigaata, ta deejjee gudee xaaꞌooch aasheto bi tunetaanoona, geechi kichi daamaa qitibe.

Shaahiyoo 6:17

geecechi aafo, koottiibeeti heciyoo, xalle damoon ukkiibeeti kishoo,

Erimiyaasi 41:15

Tunebaani Netaani bushoo Ishmaꞌeeli shimitte asheenaꞌona tookkii Yohanaani kishoochee muricciꞌi, Amoonee showooch hammiye.

Mishiraachechinaꞌo 28:4

Arooch beeti asheenaꞌo hini bi kishooch wutireeti xekereen beeggiꞌi, boonoshinaa boonoshina “Hini uro iberoon ashoon wuxitone; baharoocheenolla diggoona bi kechitaa, nallechi nuggishoo bi kashoon maaraanoone” iyeete.

Yibbaatoo 19:11

“Tunebaani ikke asho biinoommi bi manoon shixxiꞌi, aashee quyeebee biin yexxii wuxiichii, ebi katemeenaꞌoochee ikkooch muriccii bi hamigaata,