Shaahiyoo 28:13 - Kafa Linguistics Project

¹³ Bi axaaxoon aachiibeeto aafeyaachemmone; tunebaani bi axaaxoon aanniꞌi, axaaxee shuunoon qajjiibeeto maareyemmone.

Shaahiyoo 28:13 ပူးပေါင်းရင်းမြစ်များ

Halloo 4:9

Aroochee Doono Yeeri Qayeelich “Ne manoo Abeeli beeto aabiichiye?” iye. Qayeeliyoo “Ta ariyaache. Ta, ta manoon quyecho taane?” iye.

2 Saameeli 12:13

Daawitiyoo Naataanich, “Doono Yeerin xuqqeto taane” iye. Naataaniyoo Daawitich ishichiye: “Doono Yeeri neen maaritone; ne, qitaachemmo neene.

2 Saameeli 14:32

Abisoloomiyoo Yoꞌaabich ishichiye: “Ne waan ta wochetaa, waataache iyaꞌa ne qajjetoyichiye. Taatoo waan hamiree, ‘Geshuuree aakkiyane ta waato? Arooch ta beemmo gaata, taach gaawiye’ itone getiree ne gettemmoyich, neen wocheya qaawiyoye. Andoo tunetaa, hamiree taatoo aafoon beegona; gondo taach beegaata, bi taan wuxibe” iye.

2 Taateenaꞌo 20:15

Aroochee Isiyaasi, “Taatee kexoochee boonoshi beeggito amooniye?” iye. Hiziqiyaasiyoo “Bulli mooyon beeggitinaꞌone; ginjabeetooch beeti qiicoochee boonoshich ta bekkiyaani mooyo amolla aalloone” iye.

2 Kiinoo 6:26

“Ne asheenaꞌo axaaxoon shuuneꞌi neen boonoshi xuqqitoyich, shimaayoon hiccaꞌa amiyo dihaachemmoyich ne tuniitaa, hini xaaꞌoo waan wotteechii boonoshi corootigaata, ne shigoon boonoshi ceegigaata, boonoshin ne xuuxiitoyich boonoshi xuꞌoochee boonoshi wottegaatoo,

Iziri 10:11

Andoo ittoshi qaabbechinaꞌochi Nuggishoo Doono Yeerich aannibote; bi daaggoon ceechibote. Showee toommeexi aageteenaꞌonaa dallaawe maacheenaꞌonoyee baribote” iye.

Iziri 10:2

Elaamichi yaroo tuneti Yehiꞌeeli bushoo Shekaniyi Izirich ishichiye: “No guudoona beeti aageteenaꞌochi maacheenaꞌon shaagona no Nuggishoon xuqqeto noone; tunebaani andoo ebi mooyoyich gibeno Israꞌeeleenaꞌoyich beetone.

Nehimi 9:2

Israꞌeelee yareenaꞌo dallaawe asheenaꞌo waanee boonoshi qelloon bariiheete; neexeꞌi boonoshinaa boonoshi qaabbechinaꞌonochi axaaxoon aanniyeete.

Iyoobi 31:33

Ta gondoon aachaano taane; asho koniyoona tunii beetoommon, ta xuꞌoon aachaano taane.

Iyoobi 33:27

Biyoo shoddebee asho bullich ishichemmone: ‘Ta, axaaxoon shuunaa, kaame mooyonoo xummiito taane; tunebaani taach tun bedoommon, Yeeri taan sheeraanoone.

Iyoobi 34:31

“Asho Yeerich, ‘Gondeto taane; illa ebiyee damba gondeyaache.

Shoddo 51:10

Yeero, xalle mulloon taach hallibe; andiroonaa kaamoona tuneti ayaanoon taach imbe.

Shaahiyoo 10:12

Shixo kaaroon tiijjiye; tunebaani shunoo xuꞌo bullin qeriye.

Shaahiyoo 17:9

Xuqqiton maariibeeti asho shunoon qaawiye; tunebaani wochii wochii qoonniibeeto, bi shunechon muccehe.

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Erimiyaasi 2:35

‘Ta, xallee taane; iberoochaa bi kaaro ta waanee wottetone’ iti neene; ‘Axaaxoon shuuneyaane taane’ ne itoyich, ne toommooch nallemmo taane.

Daaneeli 4:27

Illa ebich taatoocho, ta ciicoon waayebe: Axaaxee shuunoon qayiree kaamoo tuneti mooyon tuniibe; gondee shuunoon qayiree xukketinaꞌoyich ariqqebe. Ebin ne tuniitaa, diggoona ne beeyemmi yemeeno diqqich neech daakkeyemmone” iye.

Leweenaꞌo 5:5

“ ‘Ikke asho ebiyoommi mooyon shuunoona xuꞌecho bi tunegaata, ebi bi shuuneti axaaxoon aannibe.

Yoonaasi 3:10

Yeeriyoo ebi boonoshi tuniiti mooyon beeggiye; boonoshi gonde qocoochee boonoshi wottoon beeggiye; biyoo boonoshich ariqqehe. Ebich boonoshin wuxi aalliiya bi gabiti gaboon qajjiye.

Mishiraachechinaꞌo 26:20

Shiichaꞌa Damaasiqa beetinaꞌoyich, gubb wotta Yerusaaleminaa Yihudee showoo bullinooch beetinaꞌoyich, wotta Aageteenaꞌoyich axaaxee gommoochee Yeer waan boonoshi wottemmonaa boonoshi wottoon bekkiibeeti shuunoon boonoshi shuunemmonoyich gettoye.

Woraaferasheenaꞌo 10:15

Tunebaani Israꞌeeleenaꞌo Doono Yeerin “No, axaaxoon shuuneto noone; no toommooch ne shunnemmon shuunebe; hiniichee baach noon wodiibe” iyeete.

1 Saameeli 15:13

Saameeliyoo hammiꞌi Saaꞌoolina danehe. Saaꞌooliyoo biin “Doono Yeeri neen diiribe; Doono Yeerichi getoon ceechito taane” iye.

1 Saameeli 15:24

Saaꞌooliyoo Saameelich “Axaaxoon shuuneto taane. Doono Yeerichi getoonaa ne qaaroonon shaaddeto taane. Asheenaꞌon ta shattetoyich, boonoshi getoon ceechito taane.

1 Saameeli 15:30

Saaꞌooliyoo wochiꞌi, “Axaaxoon shuuneto taane. Tunebaani ta asheenaꞌochi ukkireenaꞌonaa Israꞌeeleenaꞌo bullinochi aafooch taan oogiibe; ne Nuggishoo Doono Yeerich ta goyinnemmoyich taanna tookki wottebe” iye.