Shaahiyoo 27:21 - Kafa Linguistics Project

²¹ Aachoonaa birewoonon qaaqqoo haattiye; ashoon biin galleteebeeti ashi noonoo haattiye.

Shaahiyoo 27:21 ပူးပေါင်းရင်းမြစ်များ

2 Saameeli 14:25

Malletee gaawoona Abisoloomina tatemmi asho ciroona Israꞌeelee showooch aalloone. Qelloochee tiijjiꞌi baatee yapherooch beddaahaa, bi achooch ikke bacholla aalloone.

Iyoobi 28:1

“Iberoochaa xure birewoo iiyaa kechiibeeti, aachoo ukkeebeeti xaaꞌoo beetone.

Shoddo 12:6

Doono Yeerichi gibenee qaaro xalloone; qaaqqee gudoochaa ukkeeꞌi, shabaatte wottoon xalleti, birewoommone.

Shoddo 66:10

Yeero, birewoon qaaqqoona wociyoommon, noon wociyaa beeggehine.

Shaahiyoo 17:3

Aachoonaa birewoonon qaaqqoo haattiye; Doono Yeeri ashi mulloon haattiye.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Milikiyaasi 3:3

Biyoo birewoon wociiꞌi xalliibeeti ashichoommon kotemmone. Lewichi yareenaꞌon aachoonaa birewoonochoommon wociiree xalliyemmone. Aroochee boonoshiyoo boonoshi giddiiya bede tate deejjoon Doono Yeerich giddiyemminaꞌone.

Luqaasi 6:26

Asho bulli ittoshin gaawichiꞌi yibbaatetinaꞌote, boonoshi qaabbechinaꞌo ebiyoommon koote keemechinaꞌon gaawichiꞌi yibbaatetinaꞌone. Ebich ittoshich woowo!” iye.

1 Pheexiroosi 1:7

Aallemmi aacholla qaaqqooch bi geddeebeeto, amoommo gaata bi tunoon xiishoyichiye; ebiyoommon wotta aachoyee beshe oogeti aaxxoo tuneti, Kiristoosi toommooch ittoshich beeti mullee tooꞌiyoo xuuxee daggoona bi besheebeeto, iberoo bi tuno xiisheyemmoyichiye. Wotta Yesuus Kiristoosi bekkehooba, galleto, oogee yiiroonaa naadoonon ittoshi danemmoyichiye.

1 Pheexiroosi 4:12

Ta shunechinaꞌote! Kiristoosi toommooch ittoshi mullee tooꞌiyoo iberoo bi tuno xiisheyemmi, qaaqqoommo tuneꞌi ittoshi toommooch shaggiibeeti xuuxoyich “Dallaawe mooyo no toommooch waatone” getiree keqqiyaahote.

1 Saameeli 18:30

Filsixeemee ginee iraasheenaꞌo kechiꞌi wochii wochii koyee beeheete. Tunebaani gino koyeebeeti aabo bullin, Saaꞌoolichi bare ginee iraasheenaꞌoyee beshoon kochii wochoona Daawitich mooyo kaamee beehe. Ebina bi shigo aricheton tunehe.