Shaahiyoo 27:18 - Kafa Linguistics Project

¹⁸ Balaasee mixin shiimemmo, bi aafoon maayemmone; bi doonon quyemmo oogemmone.

Shaahiyoo 27:18 ပူးပေါင်းရင်းမြစ်များ

2 Taateenaꞌo 18:31

“Hiziqiyaasi gettii beeton waayeyaahote. Ebich Asooree taatoo ishichii beetone: ‘Taanna tookki shunebote; ta waanoo wobote; ittoshi ikkikkoona ittoshi woyinoonaa ittoshi balaasoonoochee mamote; oppeexi ittoshi aacoochee uyote.

2 Taateenaꞌo 3:11

Aroochee Yoshafaaxi, “Doono Yeerin biinna no echemmi, Doono Yeerichi keemecho hiniich aalle?” iꞌi echehe. Israꞌeelee taatoochi ginee iraasheenaꞌoochee ikkoo, “Eliyaasi kishooch aacon hakketi, Shafaaxi bushoo Elisayi hiniich beetone” iꞌi wochiye.

2 Taateenaꞌo 5:25

Tunebaani Giyaazi giyiꞌi, bi doono aafooch neexehe. Elisayiyoo, “Giyaazo, amoocheeniye ne waabeeto?” iye. Biyoo, “Ta, ne guuno amoochona hamaano taane” iye.

2 Taateenaꞌo 5:27

Ebich Naꞌimaanichi qeddee shaddee biiyo neenna yeshemmone. Bulli yemeenoon ne yaraa yarooch beshemmone” iye. Ebina Giyaazi qeddee shaddee biiyoona xooppee kecho naccoommon nacceꞌi, Elisayi aafoochee kechiye.

Asteeri 6:11

Ebich Hamaani taatee tahoonaa hareshoonon deebiye; tahoonoo Mordokiyoosich tajjiye. Hareshoon yebbiiꞌi, katemee daggeexi addibaaboon guudiibee, “Taatoo oogiiya bi qaawiti ashich ebi tunee beetone” ii cookiibee awaajjii beehe.

Shoddo 123:2

Ebiyoche guuno bi doono kishoon ciinoommon, gonnee bi gennee kishoon ciinoommon, nooch ne ariqqemmi wottoon no aafo no Nuggishoo Doono Yeeri ne waan ciinniye.

Keyo 24:13

Ebich Muusi Israꞌeelee ukkireenaꞌoyich ishichiye: “Ittoshi waan wottaa no waammi wottoon hiniich beebote. Harooninaa Huurina ittoshina tookkii beetinaꞌone; ittoshinaa ittoshina daggooch kaaro tiyigaata, boonoshi waan hambote” iye. Muusiyoo biin gaacheebeeti Yaasina tookkii Yeerichi guudi toommooch kecha tiyiye.

Shaahiyoo 17:2

Qocaalli bushoon, mullechi guuno hajjemmone; manaamaneenaꞌona tookkishoo iristoon qoodeyemmone.

Shaahiyoo 22:29

Bi shuunoona qoppechi ashoon beeggetine? Aroo taateenaꞌo aafooch neexemmone; shigaalli asheenaꞌo aafooch neexeyaachemmone.

Shaahiyoo 27:17

Xuuroon xuuroo gayiriye; ebiyoommon wotta, ashoon asho kaachiye.

Shaahiyoo 27:19

Aaco heeraawoochoommon ashi aafoon bi bekkiyoommon, ashi mullo, asho koni bi gaata bekkiihe.

Solomooni 8:12

Ta woyinee goyo, ta hajjoo ta qellichone; Solomoono, neech hume xure birewoo, woyinoon quyee beetinaꞌoyich gutte balle birewoo tunebe.

Isiyaasi 36:16

“Hiziqiyaasi gettii beeton waayeyaahote. Ebich Asooree taatoo ishichii beetone: ‘Taanna tookki shunebote; ta waanoo wobote; ittoshi ikkikkoona ittoshi woyinoonaa ittoshi balaasoonoochee mamote; oppeexi ittoshi aacoochee uyote.

Maatiyoosi 24:25

Illa ittoshich ishichiꞌa getteto taane.

Maatiyoosi 24:46

Bi doono waahaa, bi shuunee toommooch beebee danemmi are wochee bushoo diireetone.

Maariqoosi 10:43

Tunetaa ittoshi daggooch ebiyoommon tunaaye; ittoshi daggoochee koniyoona ‘Oogoo tunebona’ ito, ittoshi wochee bushoo tunebe.

Luqaasi 12:37

Boonoshi doono waahaa, tokketeyaanoon quyeebee danemmi wochee bushiisheenaꞌo diireetinaꞌone. Iberoon ittoshich gettoye: Bi shuunee tahoon taheree madooch boonoshin kotiichi qoomeree maanjemmone.

Luqaasi 12:42

Doono Yesuusiyoo ishichiye: “Illa heeyi maayoon boonoshich qaawiimmi saatoona bi immemmoyich, doono bi kechi asheenaꞌo toommooch bi ukkiriiti gibeneeti mullechi wochee bushoo konine?

Luqaasi 19:17

“Doono tiyiꞌi, ‘Gaawiye; hini deꞌe ta wochee bushoocho! Giishechoona ne gibeneetoyich, aashire katemeenaꞌo toommooch neen ukkiriito taane’ iye.

Yowannisi 12:26

Taach maddoon qaawiibeeto, taan dabbibe; ta beetooch hini are ta maddecho wotta beeyemmone; taach maddee beetoyich Nihoo Yeeri oogoon immemmone” iye.

Mishiraachechinaꞌo 10:7

Maraakoo ishin gettiꞌi bi hammiti hillooch, Qorineloosi bi wochee bushiisheenaꞌo daggoochee gutteenaꞌon, bi hajjee ginee naayinaꞌo daggoochee Yeerich qeyiibeeti ikkoon ceeggiꞌi,

1 Qorontoosi 3:8

Yaroon shookkitonaa aacon kittii uchitona ikkeenaꞌone. Yeeri boonoshi qelli qelloona boonoshi shuunetoommon boonoshich wojjemmone.

1 Qorontoosi 9:13

Yaafee kechi maddechinaꞌo aroochee boonoshi maayemmon boonoshi danoon ariyaachote? Wotta yaafee kechi deejjee xaaꞌooch deejjoon giddii beetinaꞌo are deejjee maayoochee boonoshi qoodeyoon ariyaachote?

1 Qorontoosi 9:7

Bi hajjee gijjoon maabee koyeebeeti ginee naayo konine? Woyinoon bechiꞌi bi aafetaa maataani goyecho konine? Miimon qiddeebee, are miinji ejjoochee uyaani qiddoo konine?

Qolaasiyaasi 3:22

Guuninaꞌote, ittoshi dooninaꞌoyich bulli mooyona deꞌa getote. Ashoon emirikkoonaa ashi beꞌenoonoyich tuneyaanoon, kaame mulloona Doono Yeerin shatibee boonoshich hajjeebote.

2 Ximootiyoosi 2:6

Ebiyoommon wotta goyecho aajjiꞌi bi gochiti maayoon shiichiꞌi bi mamo bede mooyone.

1 Pheexiroosi 2:18

Guuninaꞌote! Deꞌeenaꞌonaa ariqqechinaꞌona tuneti ittoshi dooninaꞌon baach tuneyaanoon, xummeenaꞌo tuneti ittoshi dooninaꞌonoo wotta oogiibote; boonoshichoo deꞌa getote.

1 Pheexiroosi 2:21

Yeeri ittoshin bi ceeggito ebichiye. Wotta Kiristoosi bi qelloona ittoshicha ii xuuxoon beeggiꞌi, bi hilloon dabbibee, bi shuunetoommon ittoshi shuunemmoyich ittoshich bekkiitone.

1 Saameeli 2:30

“ ‘Israꞌeelee Nuggishoo Doono Yeeri ta, ne kechi asheenaꞌonaa ne nihoochi kechi asheenaꞌona bulli yemeenoon taach boonoshi maddemmoyich ebiyee aaf gibenikkito taane. Tunebaani and illa ebin tuniyaachemmo taane. Taan oogii beetinaꞌon oogiyemmo taane. Taan qallayii beetinaꞌo giishemminaꞌone.