Shaahiyoo 25:5 - Kafa Linguistics Project

⁵ Taatoo aafoochee gondoon boyee beetinaꞌon wokkiibe; bi taatee qeeno cadiqoona manjemmone.

Shaahiyoo 25:5 ပူးပေါင်းရင်းမြစ်များ

1 Taateenaꞌo 2:33

Boonoshi damee hiishoo Yoꞌaabinaa bi yareenaꞌonochi toommooch bulli yemeenoon tunebe. Tunebaani Daawitinaa bi yaroonoyich, bi kexonaa bi taatee qeenonoyich bulli yemeenoon Doono Yeerichi diggoo tunebe” iye.

1 Taateenaꞌo 2:45

tunebaani taan diiremmone; Daawitichi taatee qeenonoo bi aafooch bulli yemeenoon manjiyemmone” iye.

1 Taateenaꞌo 2:46

Aroochee taatoo, Yoyaadi bushoo Beenayich getaa, biyoo hammiꞌi, Shimeꞌin wuxiye. Ebina taatittino Solomoonichi kishooch manjiye.

Asteeri 7:10

Ebich Mordokiyoosich bi qanniiti giimbooch Hamaanin yooddiyeete. Aroochee taatoochi ippo aqqehe.

Shaahiyoo 16:12

Gonde mooyon shuuno taateenaꞌo waanaa ciigeetone; ebiyoo taatee qeeno manjiibeeto, cadiqoona bi tunetoyichiye.

Shaahiyoo 20:28

Shoodoonaa gibeneyoona taatoon quyeheete; bi taatee qeenoo shoodoona manjiye.

Shaahiyoo 20:8

Nallee gabberooch koteti taatoo, gonde mooyo bullin bi aafoona ciinnii barbariihe.

Shaahiyoo 25:6

Taatoo aafoochaa bekkeya bekkeya gettaahine; ogoogeenaꞌochi xaaꞌoochoo neexeyaahine.

Shaahiyoo 29:14

Girechoyich kaachii nalliibeeti taatoo, bi taatee qeeno bulli yemeenoon manjiree beeyemmone.

Isiyaasi 16:5

aroochee taatee qeeno shoodoona manjemmone; are qeenooch Daawiti yaroochee iberittinoon qaawiibeeti, dayinnetoon tuniyoyich afaafineebeeti, gibeneeti taatoo kotemmone.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.