Shaahiyoo 24:16 - Kafa Linguistics Project

¹⁶ Cadiqe asho shabaatte wottoon dihiye; wochinnoonoo tiyiye; tunebaani gonde asheenaꞌo gondooch dihemminaꞌone.

Shaahiyoo 24:16 ပူးပေါင်းရင်းမြစ်များ

Halloo 19:35

Aroobee xum wotta boonoshi nihoyich mashiibeeti woyinee uyoon uchiyeete. Guucheyoo bi waan giyahan. Aroo bushee gimonaa keyonon ariyaanoone.

Asteeri 7:10

Ebich Mordokiyoosich bi qanniiti giimbooch Hamaanin yooddiyeete. Aroochee taatoochi ippo aqqehe.

Iyoobi 5:19

Shiritte gonde mooyoochee neen wodiyemmone; shabaattoochaa amolla ne achooch shagaachemmone.

Shoddo 34:19

Cadiqoyich iritoo woddoone; tunebaani Doono Yeeri ebi bulliichee biin wodiyemmone.

Shoddo 34:21

Gonde asheenaꞌon boonoshi gondo wuxemmone; cadiqeenaꞌon shixxii beetinaꞌo toommooch nalleyemmone.

Shoddo 37:24

Doono Yeeri bi kishoona bi yechii beetoyich, bi tepheetaanona dihaache.

Shoddo 52:5

Ebich Doono Yeeri bulli yemeenoon neen tiichemmone; ne kexoochee neen shotte kichiree aalliyemmone; kashechinaꞌo beeti hini showoochee neen waaxxemmone.

Shoddo 7:16

Bi maroo bi toommooch wottemmone; bi xuꞌo wochi bi shimbooch kindemmone.

Shoddo 79:12

Ta Doonocho, no giyeenaꞌo neen boonoshi hoxetoyich, shabaatte kishoon boonoshi toommooch wochibe.

Shaahiyoo 13:17

Gibeneyaani wocheyecho iritoon deebiye; tunebaani gibeneeti wocheyecho wodoon deebiye.

Shaahiyoo 13:21

Duꞌo axaaxechinaꞌon dabbiye; tunebaani cadiqeenaꞌo gaawe gatiyoon daneheete.

Shaahiyoo 14:32

Gondeenaꞌo boonoshi gonde shuunoona dihiyeete; tunebaani cadiqeenaꞌo boonoshi gibeneyoona deeboon daneheete.

Shaahiyoo 24:22

Ebi asheenaꞌo toommooch iritoo diqqoona woyemmone; ebi gutteenaꞌo waanee woyemmi aalloon koni ariihe?

Shaahiyoo 6:15

Ebich aallo diqqoona bi toommooch shaggemmone; diqqoonoo tiishemmone; wodoonoo hakkaachemmoone.

Erimiyaasi 18:17

Boonoshi etteenaꞌo aafooch, aabi-keyo waanee yongoochoommon, boonoshin shaccemmo taane; aallo boonoshi toommooch shaggimmi aabooba ta gubboonalli ta aafoon boonoshich bekkiyaachemmo taane” iye.

Erimiyaasi 8:4

“Boonoshich, Doono Yeeri ishichiye, gete! Dihiti asho wochinnoon tiyaanoone? Muriccito wotteyaanoone?

Hiziqeeli 7:5

“Nuggishoo Doono Yeeri ishichiye: Xuuxee toommooch xuuxo woyemmone.

Amootsi 5:2

“Gidiideyoommi Israꞌeeli dihiyane; dihiichaa tiyemmon mawiihane; bi hajjee showoochaa duppahane; biin tiijjemmo aallehe” iyaꞌa shoddaabeeto taane.

Amootsi 8:14

Shamaaree showee nuggishee Ashiimi shigoona wogee beetinaꞌo, ‘Beeyechi Daani nuggishoona’ iꞌi wogee beetinaꞌonaa ‘Beeyechi Beershaabi nuggishoona’ iꞌi wogee beetinaꞌona dihemminaꞌone; boonoshi dihitoochee wochinnoon tiyaachemminaꞌone” itone.

Haddoo 32:23

“Tunebaani ebin tuniyoo ittoshi qayigaata, Doono Yeerin xuqqemmo ittoshine. Ebi ittoshi axaaxoo ittoshin gawukkaachemmo bi tunoon ariibote.

Mishiraachechinaꞌo 12:23

Taatoo Heroodisi “Oogoo Yeerine” iꞌi Yeerich oogoon imo bi qajjitoyich, bekkech Doonochi maraakoo kindiꞌi, biiyoona biin yexxiye; aroo hippereꞌi qitiye.

1 Tasaloonqi 5:3

Asheenaꞌo “Diggoone, wodoone” boonoshi ii beetaa, yeqqefechi maacheen maaxoo mamoommon arooba aallo diqqoona boonoshi toommooch shaggemmone; ciroona muriccii wodoon hakkaachemminaꞌone.

1 Saameeli 26:10

Doono Yeeri beege! Doono Yeeri biin naxemmone; woyee bi aabo shagaa qitemmone; woyee ginoochaa qitemmone.

1 Saameeli 31:4

Saaꞌooli bi quyee naayon “Hini dokireyaaneenaꞌo waaree ta kashoona kaachemminaꞌone; ebiyee ne goraadoon kaaciree, ne taan koye” iye. Tunebaani bi quyee naayo oogichiꞌi bi shattitoyich, ebin tuniyoon qajjiye. Ebich Saaꞌooli bi goraadoon kaacciꞌi aree toommooch taachehe.