Shaahiyoo 24:13 - Kafa Linguistics Project

¹³ Ta bushoocho, gaaweto bi tunetoyich eeyon mame; bi woolloo ne kookkooch shaawone.

Shaahiyoo 24:13 ပူးပေါင်းရင်းမြစ်များ

Shoddo 119:103

Ne qaaro am shaahoon taach shaawiye! Eeyoyee beshoon ta kookkooch noocciye.

Shoddo 19:10

Aachoyee, xalle aachoyee beshoon aaxxoone; eeyoyee, eechi woolloyee beshoon shaawone.

Shaahiyoo 16:24

Shaawi yibbaatoo, kookkooch noocciibeeti, ashittinoonoo wodiibeeti, eechi woolloommone.

Shaahiyoo 25:16

Beshiree neen bi wuuqqittiyaachemmoyich, eeyon ne danehooba neech beddimmi wottoon baach mame!

Shaahiyoo 25:27

Wodde eeyon mamo gaaweyaache; ebiyoommon wotta oogee qaawoo oogiyaache.

Shaahiyoo 27:7

Michiti ashich eeyo shaawaache; tunebaani shaaceti ashich caame mooyolla shaawiye.

Solomooni 4:11

Ta woꞌeene, ne noonoochee eechi woolloo toollii beetone; ne heciyee dechiich ejjoonaa eeyona beetone; ne tahee cinno Libanoosi cinnoommone.

Solomooni 5:1

Ta manee ta woꞌeene, ta budooch waato taane; ta hareboonaa ta qimaamoonon macito taane; ta eeyon bi neechoona maato taane; ta woyinee uyoonaa ejjoonon ucheto taane. Nuucheenaꞌote, maa uyote; shunechinaꞌote, ittoshi michimmi wottoon uyote.

Isiyaasi 7:15

Gondoon shixo, deꞌoon shuno bi hakkiyooba ejjoonaa eeyonon maayemmone.

Maatiyoosi 3:4

Yowannisi gaalechi eexoochee shippeti tahoon tahee beehe; wotta gooqqoochee shuuneeti shachoon cuyee beehe; bi maayoo gechoonaa bobbiyee eeyonane.

Woraaferasheenaꞌo 14:9

Ebi eeyon kishoona qoopphii kichiꞌi maabee gommona hammiye. Bi nihoonaa bi indeena beetooch hammii shaggiꞌi, aroochee boonoshich bi imaa maaheete. Tunebaani ebi eeyon bi daneto, daaheree meeshoochee bi tunoon boonoshich getaanoone.

1 Saameeli 14:27

Tunebaani bi nihoo asheenaꞌon wogiyoon Yonaataani waayeyaanoone. Ebich bi kishooch beeti gumbee cilloon are eechi neechooch bechiꞌi eeyon napphehe. Aroochee bi aafo birehe.