Shaahiyoo 24:12 - Kafa Linguistics Project

¹² “Ebin ta ariyaache” ne getigaata, mulloon haattiibeeto ebin shalligaachehe? Ne kashoon ciinniibeeti aroo ariyaachehe? Asho bullich bi shuuni shuunoommon qocaachehe?

Shaahiyoo 24:12 ပူးပေါင်းရင်းမြစ်များ

Iyoobi 34:11

Ashi toommooch bi shuuneebeeto bi shuunetoommoniye; bi toommooch bi tuniibeeto, tun bedooniye.

Shoddo 121:3

Biyoo ne baatoo giinnemmoyich tuniyaache; neen quyeebeeto tokketeyaache.

Shoddo 121:8

Doono Yeeri ne keyonaa ne gimonon andee tiijjiree bulli yemeenooch beddaahaa quyemmone.

Shoddo 17:3

Ta mulloon beeggehine; xumoon ta waan waahine; taanoo phiree beeggehine; ta waanee gondoon daneyaano neene; ta heciyoo muricaanoone.

Shoddo 44:21

mullooch aacheeti mooyon bi arii beetoyich, Yeeri ebin xalla kichi beegaacheshe?

Shoddo 62:12

Ta Doonocho, shoodo neechone; newoo ashich bi shuuni shuunoommon qoccehine.

Shoddo 66:9

Bi, kashoona no beeyemmoyich tuniitone; no baatoonoo giinnii dihoochee quyetone.

Shoddo 7:9

Gaboonaa mulloonon ariyaabeeti cadiqe Nuggishoocho, gonde asheenaꞌon gonde shuunoon shuunoochee baye; tunebaani cadiqeenaꞌo manji neexemmoyich tuniibe.

Shoddo 94:9

Waamon hallito waayeyaachehe? Aafoon hallito ciinaachehe?

Shaahiyoo 12:14

Asho, bi yibbaatoochee tiyitona gaawe mooyon michiye; bi kishee shuunoommonoo bi gatiyoon danehe.

Shaahiyoo 16:2

Ashich bi gommo bulli xalloo shaahii bekkehe; tunebaani Doono Yeeri mulloon maqqiye.

Shaahiyoo 21:2

Ashich bi gommo bulli kaamoo shaahii bekkehe; tunebaani Doono Yeeri mulloon maqqiye.

Shaahiyoo 5:21

Doono Yeeri aafoochaa ashi gommo bulli xalla bekketone; biyoo ashi shaaddo bullin ciinnii beetone.

Shaahiyoo 5:22

Gonde ashoon bi axaaxoo kambe yechemmone; bi axaaxee woderoonoo gaadeyemmone;

Dojjecho 5:8

Ikke showoochaa girecho xukketaa, dayinnetaalloon bi toommooch nalleeꞌi neexaa hajjee bi beetaa ne beegigaata, ebi mooyona worganeyaahine! Iraashoyich biin quyeebeeti, biyee dambee iraashoo beetone; wotta eboshich boonoshin quyeebeeti, boonoshiyee damboo tuneti bare iraashoo beetone.

Erimiyaasi 17:10

Asho bullich bi gommi gommoommona, bi shuuni shuunee aafoommona imoyich, Doono Yeeri ta, gaboon huushii, mulloonoo boshaabeeto taane” iye.

Erimiyaasi 32:19

Gaboona oogoo, shuunoonoo hakkecho neene; asho bullich bi gommoommonaa bi shuunee aafoommonon qocoyich, ne aafo asho bullichi gommon ciinnii beetone.

Shoosho 3:36

ashi nalloo xummegaata, Doono ebiyoommi mooyon beegaachehe?

Daaneeli 5:23

Ne qelloon shimaajji Nuggishoyee damba tuniyaꞌa, bi yaafee kechi uyee qiiceenaꞌo woyemmoyich tuniihine. Ne, ne iraasheenaꞌo, ne mecheenaꞌonaa ne naamacheenaꞌona aroona woyinee uyoon uchiyote. Uchiibee birewoochee, aachoochee, gooshoochee, xuuroochee, mixonaa xaqqoonoochee shuuneeti, ciinon, waayoonaa ariyoonon hakkaani, nuggisheenaꞌochi misiloon galletehote. Tunebaani ne kashoon, ne shaaddo bullinoo bi kishooch yechiti Nuggishoon oogiyaano neene.

Maatiyoosi 16:27

Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

Mishiraachechinaꞌo 17:28

‘Biinna kashecho tunaꞌa shuuraabeeto noone; beemonoo beeto noone’ getteetone. Wotta ittoshi daggooch beeti tochee ariyechinaꞌo daggoochee ikkikkeenaꞌo ‘No wotta bi bushiishoo noone’ iꞌi boonoshi gettiti mooyo iberoone.

Roomi 2:16

Ebiyoo tunemmo, mishiraachoona ta arichiitoommon Yeeri Kiristoos Yesuus waanaa ashi mullooch aacheeti gabee toommooch bi nallemmi aaboobane.

Roomi 2:6

Biyoo asho bi ikkikkoyich bi shuuni shuunoommon qoccemmone.

1 Qorontoosi 4:5

Ebich Doono Yesuusi waataan beetaa, aabaalli nalloon koni toommoochona nalliyaahote. Doono Yesuusi bi waahooba, and manderooch aacheeton xallooch kichemmone; ashi mullooch beeti gaboon gaxxemmone. Arooba Yeeri asho bullin bi shuuni shuunoommona bi qelli qelloona galletemmone.

2 Qorontoosi 5:10

Asho bi ikkikkoona meenona beebee, gonde mooyon tuneba deꞌe mooyon bi tuniiti shuunoommona qocheeya, no bulli Kiristoosichi nallee gabberee aafooch neexo echeyaani mooyone.

Yaaꞌoo 1:18

Beeyecho taane; qitito taane, tunebaani ebiyoche and bulli yemeenoon beeyecho taane; qitoonaa Siꞌooloonon qechiibeeti qulfo taach beetone.

Yaaꞌoo 2:18

“Tiyaxirooni kittinnee guuphi maraakoyich ishichi kooribe: Qaaqqee aaxxoon shaahiibeeti aafecho, qaaqqoona wociitaa shuuneeti gooshoochoommon wacciibeeti baatecho, Yeerichi Bushoo ishichiye:

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.

Yaaꞌoo 22:12

Yesuusiyoo ishichiye: “Ebiyoche, kaateree woyemmo taane; ta woyemmo, asho bi ikkikkoyich ta qoccemmi bi shuuni shuunee gatiyoon yeshireeshiye.

1 Saameeli 16:7

Tunebaani Doono Yeeri Saameelin “Bi malletee gaawoon woyee bi neexee genjoon ciinnaahine; ta biin qallayito taane. Doono Yeeri ta, asho ciinnii beetoommon toonoone ta ciinnaabeeto. Asho ashi aafooch ciinniye; tunebaani Doono Yeeri ta, ashi mullooch ciinnehoye” iye.

1 Saameeli 2:3

Doono Yeeri bullin ariibeeti Nuggishoone; asho shuuneebeeti shuunoon machoona qoccii beetone. Ebich coodona yibbaatoon qayote. Geecee yibbaatoo ittoshi noonoochee kechaaye.

1 Saameeli 2:6

Doono Yeeri wuxiye; wodiinoo iye. Siꞌoolooch daachiihe; aroocheenoo kichiye.

1 Saameeli 25:29

Asho koniyoona neen wuxiya yookkii bi dabbigaata, asho aaxxe bi qiicoon quyoommon ne Nuggishoo Doono Yeeri neen quye wodiyemmone. Tunebaani ne etteenaꞌochi kasheen, asho xaqqoon xeppelloona awuroommon awuremmone.