Shaahiyoo 23:9 - Kafa Linguistics Project

⁹ Shalligechi ne yibbaatoon kettiyemmo bi tunetoyich, mullaalli ashich amoonolla gettaahine.

Shaahiyoo 23:9 ပူးပေါင်းရင်းမြစ်များ

Shaahiyoo 1:7

Doono Yeerin shato ariyee shiichoone; tunebaani tuusheenaꞌo shalligoonaa sheeroonon hoxeheete.

Shaahiyoo 14:7

Bi waanee ne ariyemmi mooyo aallo bi tunetoyich, mullaalli ashi waanee wohe.

Isiyaasi 36:21

Tunebaani “Biich amoonolla wochiyaahote” iꞌi taatoo Hiziqiyaasi boonoshich gettitoyich, biich ikke qaaroonona wochaanoon cikkii qajjiyeete.

Maatiyoosi 7:6

“Shiixxi wotteree ittoshin boonoshi shacaachemmoyich, yaafeeton kunaaneenaꞌoyich immaahote. Wotta gudininaꞌo boonoshi baatoona boonoshi neexaachemmoyich, ittoshi inqoon boonoshi aafooch duppaahote” iye.

Luqaasi 16:14

Fariseenaꞌo gijja shuneenaꞌo boonoshi tunetoyich, ebi Yesuusi gettito bullin waayeꞌi cooqqiriyeete.

Yowannisi 10:20

Boonoshi daggoochee meetinaꞌo “Yinnechone; geyetone; amoyich bi yibbaatoon waayee beetote?” iyeete.

Yowannisi 8:52

Ayihudeenaꞌo “And ne toommooch yinno beemon xiishaa ariito noone. Abrahami qititone; wotta keemechinaꞌoo qititinaꞌone. Tunetaa ne ‘Ta gettaa beeton ceechiibeeto koniyoona bi beegaata, cir qitaachemmone’ ii beetine.

Yowannisi 9:40

Biinna tookkii arooch beetinaꞌo daggoochee ikkikke Fariseenaꞌo ishin waayeꞌi, “No wotta aaf doogo noone?” iꞌi echeheete.

Mishiraachechinaꞌo 17:18

Arooba Efikiroosinaa Istiikina getteebeeti dojjechinaꞌo dojjiti mooyon dabbii beetinaꞌo daggoochee ikkikkeenaꞌo biinna daneheete. Boonoshi daggoochee ikkikkeenaꞌo “Hini kasheyaani noonecho amoon gettane bi ii beeto?” iyeete. Bareenaꞌo, Phawuloosi Yesuusichon, wotta qititinaꞌochi timichon boonoshich bi gettitoyich, wochiꞌi, “Dallaawe nuggisheenaꞌochi wochoon bechecho shaahiye” iyeete.

Mishiraachechinaꞌo 17:32

Phawuloosi “Qititinaꞌo tiyemminaꞌone” iꞌi bi getaa, waayetinaꞌo daggoochee qatinaꞌo cooneheete; wotta qatinaꞌo “Hini mooyon wochiree ne getaa waayebone” iyeete.