Shaahiyoo 23:29 - Kafa Linguistics Project

²⁹ Woowo geto konichone? Ayinoo konichone? Kaaro konichone? Cookoo konichone? Naboo aalloon mayo konichone? Aafoon ceello konichone?

Shaahiyoo 23:29 ပူးပေါင်းရင်းမြစ်များ

Halloo 19:33

Aroobee xum boonoshi nihoyich mashiibeeti woyinee uyoon uchiyeete. Aroochee qaabbee bi nihoo waan giyahan. Biyoo ebi bushee gimonaa bi keyonon ariyaanoone.

Halloo 49:12

Woyinee uyoon woddii bi uchii beetoyich, bi aafo ceellemmone; ejjoonoo woddiiꞌi bi uchii beetoyich, bi gasho naccemmone.

2 Saameeli 11:13

Daawiti biin ataallii deebiꞌi, bi aafoochaa bi maayemmonaa bi uchemmonoyich tuniihe; bi mashemmoyichoo tuniihe. Tunebaani Uuriyi showoo xumemmona kechii hammiꞌi bi doonochi kellechinaꞌona tookkii qeenooch qeyiyani, bi kexooch hamaanoone.

2 Saameeli 13:28

Biyoo bi aafee bushiisheenaꞌoyich ishichiye: “Aminooni woyinee uyoon uchii michiꞌi, bi ashittino qeecon manjii ciinote; tawoo ‘Aminoonin wuxibote’ ta getigaata, wuxibote. Ebin ittoshi tuniyemmoyich getteto ta tunetoyich, shattaahote; maac kuxo tunebote; kupphebote” iye.

Shaahiyoo 20:1

Woyinee uyo ashoon cooqqirecho, kashi uyo yexecho tuniihe; eboshina muriccito bulli ariyecho toonoone.

Shaahiyoo 23:20

Wodde woyinee uyoon uchii beetinaꞌona tookki, woyee meenon dakiibeeti maaci shuneenaꞌona tookki, guuphiyaahine!

Shaahiyoo 23:21

Mashoonaa maacee shunona girii beetone; tokketee shunoo butoon tajjii beetone.

Isiyaasi 5:11

Mashiibeeti uyoon uyoyich haree yaaꞌooch tiyii beetinaꞌoyich woowo! Boonoshi kashooch bi qeeccimmi wottoon, uchiibee harii beetinaꞌoyich woowo!

Isiyaasi 5:22

Woyinee uyoon uyoyich beelleenaꞌo, mashiibeeti uyoon baccoyichoo kuppho tunetinaꞌoyich woowo!

Naahoomi 1:10

Biinnaa biinna wutireeti angixonaa maayi tulloonochoommon, qaaqqoo ittoshin michi aalliyemmone.

Efesooni 5:18

Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.