Shaahiyoo 23:26 - Kafa Linguistics Project

²⁶ Ta bushoocho, gaawichi ellebe; ne aafeenaꞌo ta gommon ciineete.

Shaahiyoo 23:26 ပူးပေါင်းရင်းမြစ်များ

Shoddo 1:2

Ebin tuniibeeti asho, Doono Yeerichi sheeroona emiriye; ebi sheeroonoo xumoonaa areddoonon yexiihe.

Shoddo 107:43

Ariyecho tuneto bulli ebi mooyon gabibe; Doono Yeerichi shoodoon shalligibe.

Shoddo 119:2

Bi geteenaꞌon quyee beetinaꞌo, boonoshi ceeni mulloona biin qaawii beetinaꞌo, diireetinaꞌone.

Shoddo 119:24

Ne geteenaꞌo taan emirikkiyeete; boonoshiyoo taan ciicciyeete.

Shaahiyoo 3:1

Ta bushoocho, ta dojjaa beeton batteyaahine; ta geteenaꞌon ne mullooch yeshe.

Shaahiyoo 4:23

Kashee tunoo bi tunetoyich, bulli mooyoyee beshiiree ne mulloon quyebe.

Shaahiyoo 4:4

ta nihoo ishichiꞌi taan dojjiye: “Ne mullo ta qaaroon yeshe; ta getoonoo quyebe; kashoona beeyemmo neene.

Hosee'i 14:9

Ariyechi asho ebi mooyinaꞌon shalligibe. Shalligechoo ebi mooyinaꞌon ariibe. Doono Yeerichi gommo kaamoone; cadiqeenaꞌo aroona hammemminaꞌone; tunebaani axaaxechinaꞌo tepheeree dihemminaꞌone.

Luqaasi 14:26

“Ta waan woyemmo koniyoona bi beegaata, bi nihoonaa bi indeenoyee, bi mecheenaa bi bushiisheenaꞌonoyee, bi anaami maneenaꞌonaa bi maache maneenaꞌonoyee, bi hajjee kashoyeenolla beshiiꞌi taan shuno bi qayigaata, taan dabboon hakkaache.

2 Qorontoosi 8:5

No gabitoyee beshooniye boonoshi tuniito; bulliyee shiichiꞌi boonoshi qelloon Doono Yesuus Kiristoosich beshii immiyeete; daakkiꞌi wotta Yeerichi daaggoommon boonoshi qelloon beshiiꞌi nooch immitinaꞌone.

Yibbaatoo 6:5

Newoo ne Nuggishoo Doono Yeerin ceeni ne mulloona, ceeni ne kashoona, ceeni ne giidoona shune.

2 Pheexiroosi 1:19

Ebich keemechinaꞌo keemmiti qaaroon beshoon xiishaꞌa iberiibeeto noone; showoo harimmi wottoon haree xojjeno aaxxoommon Kiristoosichi bekko ittoshi mullooch bi aaxxemmi wottoon, asho mandere xaaꞌooch aaxxeebeeti ceechoon bi yeshoommon hini keemee qaaroon ittoshi yeshigaata, ittoshich gaaweto tunemmone.