Shaahiyoo 23:20 - Kafa Linguistics Project

²⁰ Wodde woyinee uyoon uchii beetinaꞌona tookki, woyee meenon dakiibeeti maaci shuneenaꞌona tookki, guuphiyaahine!

Shaahiyoo 23:20 ပူးပေါင်းရင်းမြစ်များ

Shaahiyoo 20:1

Woyinee uyo ashoon cooqqirecho, kashi uyo yexecho tuniihe; eboshina muriccito bulli ariyecho toonoone.

Shaahiyoo 21:17

Bi qelloon emirikkoon shunniibeeto giremmone; woyinee uyoonaa zayitoonon shunnii beetoo, gaanneyaachemmone.

Shaahiyoo 23:2

Gaawe qettecho ne tunegaatoona, ne qettoon yeshe.

Shaahiyoo 28:7

Sheeroon quyeebeeto, mullechi bushoone; tunebaani gaacaalleenaꞌona guupheebeeto, bi nihoon yeelliihe.

Isiyaasi 22:13

Tunebaani emiroo, wucwuco, maaꞌoon guuroo, bagoon bashoo, meenon mamonaa woyinee uyoon uyona tunehe; “Yaach qitemmo no tunetoyich maa uyone” iyote.

Isiyaasi 5:11

Mashiibeeti uyoon uyoyich haree yaaꞌooch tiyii beetinaꞌoyich woowo! Boonoshi kashooch bi qeeccimmi wottoon, uchiibee harii beetinaꞌoyich woowo!

Isiyaasi 5:22

Woyinee uyoon uyoyich beelleenaꞌo, mashiibeeti uyoon baccoyichoo kuppho tunetinaꞌoyich woowo!

Maatiyoosi 24:49

biinoommi wochee bushiisheenaꞌon yexooch, mashechinaꞌona tookkii uchii mamooch bi giyigaata,

Luqaasi 15:13

“Giisheche qemoyee gubb are guuche bushoo bi gijjoo bullin kicii yechiꞌi wohi showooch hammiye; aroochaanoo bi mullo gabito bulliich bi gijjoon kichiibee shacciꞌi aalliihe.

Luqaasi 16:19

Yesuusi daakkiꞌi ishichiye: “Damere iddimoonaa muttee tuppoochee cicii yokketaa shippeti tahoonon taheebeeti ikke gaannechi uro beehe. Are uro beemo biich mashaamitoyich, qemi qemona bi gaawe beemona emiriibee beehe.

Luqaasi 21:34

“Tunebaani ittoshi mullo miyona, mashoonaa mashaamiti beemi qaatoona dingiraate bi beetaa, Ashi Bushoochi aabo diqqoona shaachoochoommon ittoshin bi yeshaachemmoyich, ittoshi qelloon quyebote.

Roomi 13:13

Areddee bekkoona shaꞌeebeeti asheenaꞌochoommon gaawe qocoona beebone; qelloon battiibeeti duubonaa mashoona tunaaye; shunee mamonaa yeelliibeeti kaayona tunaaye; kaaroonaa qanaatoona tunaaye.

Efesooni 5:18

Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.

Yibbaatoo 21:20

Boonoshiyoo geeneenaꞌoyich, ‘Hini no bushoo babberoonaa getaa giyaanoonane. No getoon waayeyaache itone. Biyoo gijjoon shaccechonaa mashechonane’ geteete.