Shaahiyoo 21:6 - Kafa Linguistics Project

⁶ Kootaa daneebeeti gaanno, kaatee aalleebeeti hiinnoommo, wuxiibeeti shaachoommone.

Shaahiyoo 21:6 ပူးပေါင်းရင်းမြစ်များ

Shaahiyoo 10:2

Axaaxoona daneti gaanno gaacaalloone; tunebaani cadiqoo qitoochee wodiihe.

Shaahiyoo 13:11

Woddii aayaanoon daneti gijjoo kaate aallemmone; tunebaani giishii giishii kiceeti gijjoo woddemmone.

Shaahiyoo 20:14

Kemecho “Gondoone, gondoone” iibee qiicoon qalliihe; tunebaani kemee bi daammitoyee gubb worganehe.

Shaahiyoo 20:21

Batti batt afaafinoona daneti gaanno, ciiroochaa abbetaalloone.

Shaahiyoo 22:8

Gondittinoon shookkiibeeto iritoon qeccemmone; bi kaaree gumbo dihemmone.

Shaahiyoo 30:8

Koote mooyonaa koote yibbaatoonon ta waanee wokkiibe; girechon woyee gaannechon taan tuniyaahine; tunebaani taach qaawiibeeti maayoon taach imbe.

Shaahiyoo 8:36

Tunebaani taan mucceto bi qellich gondiihe; taan shixxiibeeto bulli, qitoon shunniye” iyane.

Erimiyaasi 17:11

Tateyaani gommona gaannoon kiciibeeti asho, bi gabexeyaanoon guuppaabeeti akkeyoommone; bi eeni gutte daggaa, ebi gaannoon muccemmone; tuushoo bi tuno ciiroochaa xalla bekkemmone.

Hiziqeeli 18:31

Ittoshi xuꞌoon okk dufote; andire mulloonaa andire ayaanoona ittoshich beebe. Israꞌeelee macceenaꞌote, amoyichiye ittoshi qitemmo?

Titoosi 1:11

Eboshi cikki qajjemmoyich tuniyoo qaawiihee; ebiyoo yeelliibeeti gaboona gaacoon danoyich tuneyaani mooyon ashich dojjiibee kechi asheenaꞌo bullin boonoshi shuurikkii beetoyichiye.

2 Pheexiroosi 2:3

Gijjoon boonoshi hiriggoochee tiyitona boonoshi halliti mooyon getibee ittoshin boggemminaꞌone; wonnee tiijjiꞌi Yeerichi nalloo boonoshi toommooch kindiya qannitone; boonoshi aallo yagaachemmone.