Shaahiyoo 21:21 - Kafa Linguistics Project

²¹ Cadiqoonaa deꞌittinoonon qaawiibeeti asho, kashoon, cadiqoonaa oogoonon danemmone.

Shaahiyoo 21:21 ပူးပေါင်းရင်းမြစ်များ

Shoddo 112:4

Deꞌo, ariqqechonaa cadiqoona bi tunetoyich, kaame ashich manderoochaa bekko koojjemmone.

Shaahiyoo 10:16

Cadiqoochi shuunee aafo kasho waan biin yaabiye; tunebaani gonde asho daneebeeti gijjoo axaaxooch biin yaabiye.

Shaahiyoo 11:19

Cadiqittinoona manjimmo kashoona beeyemmone; tunebaani gondoon dabbimmo qitemmone.

Shaahiyoo 15:9

Gonde ashi gommo Doono Yeeri aafoochaa ciigeetone; tunebaani cadiqee gommona hammii beeton shunniye.

Shaahiyoo 22:4

Qellee giishiyoonaa Doono Yeerin shatona, gaannoon, oogoonaa kashoonon daniihe.

Shaahiyoo 3:22

Eboshiyoo neech kashoon immemminaꞌone; qetteexi aachoonoo tunemminaꞌone.

Isiyaasi 51:1

Doono Yeeri ishichiye: “Cadiqoon dabbii beetinaꞌote, Doono Yeeri taan qaawii beetinaꞌote, ta waanee waayebote: Aroochee kuxaa ittoshi kechiti xaqqoon, aroochee iiyaa ittoshi kechiti oppoon ciinote.

Hosee'i 6:3

Biin ariibone; biin no ariyemmoyichoo Doono Yeerin dabbibone. Iberoochaa maaddee aaboochoommon bekkemmone. Showoon shuxiibeeti naawee amiyochoommon no waan woyemmone” iyeete.

Maatiyoosi 5:6

Yeeri aafooch cadiqoon tunoyich, oogichii qaatii beetinaꞌo diireetinaꞌone; Yeeri boonoshi qaatiton ceechemmone.

Roomi 14:19

Illa ebi tunegaata, diggoo halleyemmi mooyon, noonnaa noonnonoo eenniyemmi mooyon dabbibone.

1 Qorontoosi 15:58

Illa ta shunnaabeeti ta maneenaꞌote! Manjiree neexebote, shuuriyaahote; Doono Yesuus Kiristoosich ittoshi aajjiibeeti aayo duubo bi tunee qayon ariito ittoshine. Ebich bulli aaboon Doono Yesuus Kiristoosichi shuunoyich ittoshi qelloon guudiiree imbote.

Filipphisiyoosi 3:12

“And yecheto taane” woyee “And shappaalli asho taane” getaache; tunebaani Kiristoos Yesuusi taan bi yeshiyooba bi gabiti gaboon aroon wotta “Ceechemmo taane” iyaꞌa woccaabeeto taane.

1 Tasaloonqi 5:21

Bulli mooyon phire boshebote; gaaweto tuneton yeshote.

1 Ximootiyoosi 6:11

Tunebaani haano Yeerichi ashoocho, ebi mooyo bulliichee wohe. Cadiqoon, Yeerin oogiibeeti beemon, Kiristoosi toommooch mullee tooꞌiyoona manjoon, maneenaꞌon shunon, haaꞌiyoon, shiimecho tunoonoo dabbiree yeshe.

2 Ximootiyoosi 2:22

Ebich gonde gurimaashittinee qaatoochee wohe; xalle mulloona Doono Yeerin qollee beetinaꞌona tookkiree cadiqoon, Kiristoosi toommooch mullee tooꞌiyoon, maneenaꞌon shunon, asho bullina tookkii diggoona beemonoo kupphiiree dabbibe.

Hibireena'o 12:14

Asho bullina tookki diggoona beemon qaawibote; yaafeyaanoon Doono Yeerin beegon hakkemmo aalloone; ebich yaafittinoona beemoyich qaawibote.

1 Pheexiroosi 1:7

Aallemmi aacholla qaaqqooch bi geddeebeeto, amoommo gaata bi tunoon xiishoyichiye; ebiyoommon wotta aachoyee beshe oogeti aaxxoo tuneti, Kiristoosi toommooch ittoshich beeti mullee tooꞌiyoo xuuxee daggoona bi besheebeeto, iberoo bi tuno xiisheyemmoyichiye. Wotta Yesuus Kiristoosi bekkehooba, galleto, oogee yiiroonaa naadoonon ittoshi danemmoyichiye.