Shaahiyoo 21:1 - Kafa Linguistics Project

¹ Taatoochi mullo Doono Yeerichi kishoochiye; biyoo woce aacochoommon bi daaggito waan wochiye.

Shaahiyoo 21:1 ပူးပေါင်းရင်းမြစ်များ

2 Taateenaꞌo 19:33

Bi waati kaattoona bi hilla wottemmone; katemoochoo giyaachemmone. Ta oogoyicha getiree, ta guuno Daawiticha getiree, hini katemeen deebe wodiyemmo taane’ itone Doono Yeeri” iye.

Iziri 1:1

Qiroosi Faariisee showooch bi taateti, batti batti natooba, Erimiyaasi noonoona getteeti, Doono Yeerichi qaaro bi ceennemmoyich, Doono Yeeri Faariisee taatoo Qiroosi mullo tiyemmoyich tuniihe. Biyoo bi taatee showoo bulliich awaajjoon gettiihe; ebi awaajjoo ishichaa bi kooreyemmoyich tuniihe:

Iziri 1:2

Faariisee taatoo Qiroosi ishichiye: “Shimaajji Nuggishoo Doono Yeeri showee toommooch beeti taatittino bullin taach immitone. Yihudee showooch beeti Yerusaalem yaafee kexon biich ta haggemmoyichoo taach gettitone.

Iziri 6:22

Doono Yeeri boonoshin bi emirikkitoyich, Shittoo Giyaani Kochi Baaroon shabaatte qemon emiroona baariyeete. Ebiyoo Asooree taatoochi mulloon boonoshi waan wochiꞌi, Israꞌeelee Nuggishoochi kechi shuunoon bi gaachemmoyich bi tuniitoyichiye.

Nehimi 1:11

Ta Doonocho, ne guuno ta corootoonaa neen oogiyoyich shunniibeeti ne guuninaꞌochi corootoonon elle waayebe; hanaachoo ne guuno taach kaachiree, hini uroo aafooch ne ariqqoon taach bekkiibe” iyo. Arooba tawoo taatoochi xoofecho taane.

Nehimi 2:4

Taatoo “Ta waanee ne qollaabeeto, amooniye?” iye. Tawoo shimaajji Nuggishoo Yeer waan corootiyo.

Nehimi 2:8

Wotta yaafee kechi gaꞌooch beeti xaqqee uxeree kelleenaꞌoyich, katemee uxeroyich, ta beeyemmi kexoyichoo mixon taach bi immemmoyich, taatoochi shaaroon (kubboon) quyeebeeti Asaafich koorichoo kooreebe” iyo. Ta Nuggishoo gaawe aafoona taan bi ciinnitoyich, taatoo ta qolleton immiye.

Asteeri 2:17

Taatoo bare maache bushiisheenaꞌo bulliyee beshoon Asteerin shunniye. Bare gidiide bushiisheenaꞌoyee beshoon biin shunniye; gaawe aafoonoo biin ciinniye. Ebich taatoo Yekisesi taatee gubbichoon bi shimbooch ukiiꞌi, Ashixiini keroon gennee abeetin tuniihe.

Shoddo 105:25

Bi asheenaꞌon Gibitseenaꞌo shixxemmoyich, bi guuninaꞌon boonoshi maremmoyich tuniihe.

Shoddo 106:46

Boonoshin hajjii beetinaꞌo, boonoshich ariqqemmoyich tuniihe.

Shoddo 114:3

Baharo ebin beeggiꞌi woccii aallehe; Yoordaanoosiyoo gubb kishehe.

Shoddo 114:5

Baharoocho, woccaa ne aalleto amoon beeggaꞌaniye? Yoordaanooso, gubb ne wotteto amoon beeggaꞌaniye?

Shoddo 74:15

Gishiishi aaconaa tunoona xuupphemmoyich tuniihine; ogooge aaco shuuqqemmoyich tuniihine.

Shoddo 93:4

Meeti aacinaꞌochi qaaroyee beshoon, baharee goohoyee beshoon, damba beeti Doono Yeeri hakkechone.

Keyo 7:3

Tunebaani Farooni mulloon muumiyemmo taane. Worganikkiti malleteenaꞌonaa gaakkechi shuuneenaꞌonon Gibitsee showooch woddiyaꞌa ta tuniitaanona,

Shaahiyoo 16:1

Asho ikke mooyon bi mulloona gabiye; tunebaani are gaboo bi ceennemmo Doono Yeerinane.

Shaahiyoo 16:9

Asho bi mulloona bi gommon gabiye; tunebaani bi gommon kaachemmo Doono Yeerine.

Shaahiyoo 20:24

Asho shaaddeebeeto Doono Yeeri itoochiye; ebi tunegaata, asho aabichishiye bi gommon shalligoon bi hakkemmo?

Isiyaasi 43:19

Ebiyoche, andire mooyon tuniyemmo taane; ebiyoo and bekkemmone; ebi ittoshich aricheyaache? Barahee daggoona gommon kichemmo taane; aroochoo aaco xuupphemmoyich tuniyemmo taane.

Isiyaasi 44:27

Aachi gejjeenaꞌon ‘Shuuꞌote; ittoshi aacinaꞌon takkemmo taane’ gettemmo taane.

Erimiyaasi 39:12

“Daamiree gaawichi quyebe; bi qaawiibeeti mooyon biich tuniiballi gonde mooyon tuniyaahine” iye.

Daaneeli 4:35

Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

Mishiraachechinaꞌo 7:10

bi xuuxo bulliichee biin shiwee wodiihe. Gibitsee taatoo Farooni aafooch gidoonaa shalligoonon immiye. Hini are taatoo Yooseefin Gibitsee showoonaa bi kexo bullinooch iraashiihe.

Yaaꞌoo 16:12

Shirittinnee maraakoo bi yechiti xoofoon ooge aaco Efiraaxisi toommooch ukkiye; aabi-keyo waanee woyemmi taateenaꞌoyich gommo qannemmoyich aaco tahiye.

Yaaꞌoo 16:4

Keejjinnee maraakoo bi yechiti xoofoon aacinaꞌonaa aachi xuupheenaꞌonochi toommooch ukkiye; eboshi bulliyoo damoon tuneheete.