Shaahiyoo 20:1 - Kafa Linguistics Project

¹ Woyinee uyo ashoon cooqqirecho, kashi uyo yexecho tuniihe; eboshina muriccito bulli ariyecho toonoone.

Shaahiyoo 20:1 ပူးပေါင်းရင်းမြစ်များ

2 Saameeli 11:13

Daawiti biin ataallii deebiꞌi, bi aafoochaa bi maayemmonaa bi uchemmonoyich tuniihe; bi mashemmoyichoo tuniihe. Tunebaani Uuriyi showoo xumemmona kechii hammiꞌi bi doonochi kellechinaꞌona tookkii qeenooch qeyiyani, bi kexooch hamaanoone.

2 Saameeli 13:28

Biyoo bi aafee bushiisheenaꞌoyich ishichiye: “Aminooni woyinee uyoon uchii michiꞌi, bi ashittino qeecon manjii ciinote; tawoo ‘Aminoonin wuxibote’ ta getigaata, wuxibote. Ebin ittoshi tuniyemmoyich getteto ta tunetoyich, shattaahote; maac kuxo tunebote; kupphebote” iye.

Shaahiyoo 23:20

Wodde woyinee uyoon uchii beetinaꞌona tookki, woyee meenon dakiibeeti maaci shuneenaꞌona tookki, guuphiyaahine!

Shaahiyoo 31:4

“Lemuꞌeelo, woyinee uyoon uyo taateenaꞌoyich qaawiyaanoone; ebi taateenaꞌoyich qaawiyaanoone; mashiibeeti uyoon dakoo iraasheenaꞌoyich qaawiyaanoone;

Isiyaasi 28:7

Qeesheenaꞌonaa keemechinaꞌona mashiibeeti uyoona dadeddeheete; woyinee uyoonoo mullo baalleeheete; mashiibeeti uyoonoo tattelleheete; yaaꞌee beegona muricciyeete; nallee nalloochaa tepheeheete.

Isiyaasi 5:11

Mashiibeeti uyoon uyoyich haree yaaꞌooch tiyii beetinaꞌoyich woowo! Boonoshi kashooch bi qeeccimmi wottoon, uchiibee harii beetinaꞌoyich woowo!

Isiyaasi 5:22

Woyinee uyoon uyoyich beelleenaꞌo, mashiibeeti uyoon baccoyichoo kuppho tunetinaꞌoyich woowo!

Isiyaasi 56:12

Boonoshiyoo, “Ittoshi waataa woyinee uyoon qaawi uyone; kashi uyoonoo uyi miyone; yaachoo hanaachiyoommon tunemmone; halla beshoonoo tunemmone” iyeete.

Hosee'i 4:11

Doono Yeeri ishichiye: “Yahoo, yagiti woyinee uyoonaa andire woyinee uyoona shalligoon keccii beetone.

Hosee'i 7:5

No taatoochi baaree aabooba ukkireenaꞌo woyinee uyoona gaamee biiyeheete. Biyoo bedaani asheenaꞌona tookkii bi kishoon yaggiye.

Leweenaꞌo 10:9

“Ittoshi qitaachemmoyich, neennaa ne anaami bushiishoona danee duukkaanooch ittoshi giyii beegaata, woyinee uyoon woyee mashiibeeti uyoon uchaahote. Ebiyoo gubbi ittoshi shiijjeroo bulliich beddaahaa, bulli yemeenee qociyoo tunebe.

Imbaaqoomi 2:5

Gaanno ashoon dawushii beetone. Woddelleenaꞌo geecechinaꞌonaa kotee kasheyaaneenaꞌonane. Boonoshiyoo maashoommi woddelleenaꞌone; qitoochoommon beddiye geton ariyaaneenaꞌone. Aagetee asheenaꞌo bullin boonoshi waan kiciyeete; asheenaꞌo bullinoo keccii daammiyeete.

1 Qorontoosi 6:10

gaayeenaꞌo, hiriggechinaꞌo, mashechinaꞌo, naagechinaꞌo, boggechinaꞌo, eboshi daggoochee ikkolla Yeerichi taatittineen woraashaachemmone.

Galaati 5:21

ashi wodoon shixo, masho, qelloon battiibeeti duubo, eboshinoo shaahiibeeti mooyone. Shiichaꞌa ittoshich ta gettetoommon, ebiyoommi mooyon tunii beetinaꞌo Yeerichi shimaajji taatittineen woraashaachemminaꞌone.

Efesooni 5:18

Yaafe Ayaano ittoshi kashooch ceenalli, woyinee uyoona masheyaahote; masho bechiibeeto cooneyoochiye.