21 Kaame asheenaꞌo showee toommooch kotemminaꞌone; xalleenaꞌo arooch beeyemminaꞌone.
Uutsee showooch Iyoobi getteebeeti ikke uro beehe. Biyoo ikke oonaalli kaamoo, Doono Yeerin shattiibeeto, gonde mooyoocheenoo wokkiti uroone.
Doono Yeeriyoo Iyoobichi gubbi beemon aafichoyee beshoon diiriye. Biyoo aaraa awudde hume bagoon, shiritte hume gaaleen, hume kashee gattoonaa hume maache kureenaꞌonon hajjiye.
Boonoshi qelloon giishii beetinaꞌo showoon woraashemminaꞌone; beemi gaawoonaa diggoona beemona emiremminaꞌone.
Doono Yeeri oonaalli asheenaꞌochi yemeenoon ariihe; boonoshi iristo bulli yemeeneechone.
Doono Yeeri diiritinaꞌo showoon woraashemminaꞌone; tunebaani bi uppitinaꞌo aallemminaꞌone.
Cadiqeenaꞌo showoon woraashemminaꞌone; bulli yemeenoon arooch kotemminaꞌone.
Doono Yeerin gibenebe; gaawe mooyonoo tuniibe; showee toommooch diggoona beeyemmo neene.
Gondeenaꞌo aallemminaꞌone; tunebaani Doono Yeerin gibenee beetinaꞌo, showoon woraashemminaꞌone.
No Nuggishoo Doono Yeeri nooch aaboommonaa gaachoommonane; biyoo gaawe aafoona noon ciinnemmone; oogoonoo nooch immemmone. Doono Yeeri, kaamoona hammii beetinaꞌoyich, deꞌe mooyon ciroona muccii ariyaanoone.
Cadiqeenaꞌo ciroona geewaachemminaꞌone; tunebaani gondeenaꞌo showee toommooch beetaachemminaꞌone.
Kaameenaꞌon gonde gommooch yaabiibeeto, bi iijjiti oppooch dihemmone; tunebaani xalleenaꞌo gaawe mooyon woraashemminaꞌone.