10 Shalligoo ne mullooch giyemmone; ariyoo ne kashoon emirikkemmone.
Bi getoochee keyaano taane; bi geto bullin ta mullooch kotiyaꞌa quyeto taane.
Doono Yeerina ta emiroommon biyoo ta gaboona emiribe.
Ne qaaro am shaahoon taach shaawiye! Eeyoyee beshoon ta kookkooch noocciye.
Ne qociyoo bulli yemeenoon ta hajjoone; ta mulloo ebina emiriye.
Wodde kecoon daneꞌi emiriibeeti ashichoommon, ne qaaro taan emirikkiye.
Ne getoon am shaahoon shunnehote; heeyo bullin kichaa kindiyaa gabiyoye.
Aachoyee, xalle aachoyee beshoon aaxxoone; eeyoyee, eechi woolloyee beshoon shaawone.
Ariyaaneenaꞌon accechinaꞌo, gurimaasheenaꞌon ariyechinaꞌonaa mullechinaꞌonon tuniiheete.
Shalligoo gabechi ashi mullooch kotehe; tunebaani mullaalleenaꞌochi mullooch aricheyaanoone.
Eboshi ne mullooch boonoshi danegaata, ne noonoochoo boonoshi beegaata, emiremmo neene.
Shalligoon duppaahine; neen deggemmone; biin shune; neen quyemmone.
Beshe Mawe Nuggishoo Doono Yeero, ne shigoona ceekketo taane; ne qaaro danetone; tawoo maato taane; ne qaaroo taach emiroonaa mulleechi ooge emiroonon tunehe.
Kiristoosichi qaaro ceenoona ittoshi mullooch beebe; ariyoo bullina ikkoo ikkoon dojjibee, ittoshinaa ittoshina ciiceebote. Shoddoonaa naadoona, Ayaanee shoddoona galletoonoo ittoshi mulloona Yeerich shoddebote.