Shaahiyoo 19:7 - Kafa Linguistics Project

⁷ Girechon bi maneenaꞌo bulli shixxiyeete; ishigaata, bi nuucheenaꞌo am shaahoon biyee wokkeheete! Boonoshin dabbii bi ceeggitaanolla, nuuchoon daneyaache.

Shaahiyoo 19:7 ပူးပေါင်းရင်းမြစ်များ

Shoddo 38:11

Ta biiyoochee tiyitona, ta shunechinaꞌonaa ta nuucheenaꞌona taan qajjiyeete; ta xibeenaꞌoo tayee wokkiyeete.

Shoddo 38:12

Taan wuxoyich qaawii beetinaꞌo taach dabboon dabbeheete; gonde mooyo ta toommooch shagon qaawii beetinaꞌo, taan aalliiya yibbaateheete; heeyo bullin ta toommooch koceeheete.

Shoddo 88:18

Ta xiboonaa ta nuuchoonon tayee wokkiihine; manderoo baach taach nuuchoo tunehe.

Shoddo 88:8

Ta nuucheenaꞌo ta waanee wokkemmoyich tuniihine; boonoshina tiyaareeton taan tuniihine; giicheto taane; muricon hakkaache.

Shaahiyoo 10:15

Gaannechoyich bi gaanno mishigechi katemoommone; girechon bi giroo aalliyemmone.

Shaahiyoo 14:20

Girecho bi giyoonolla shichetone; tunebaani gaannechoyich meeti shunecho beetone.

Shaahiyoo 18:23

Girecho maanjiibee yibbaatehe; tunebaani gaannecho noggoona wochiye.

Shaahiyoo 19:4

Gaanno meeti shunechon deebiye; tunebaani girechochi shunecho biyee wokkiye.

Shaahiyoo 21:13

Girechochi cookoon waayeyaache ii beeto, bi cookaa, waayemmon muccemmone.

Shaahiyoo 27:10

Ne shunechonaa ne nihoochi shunechonon qajjaahine; ne iritee aabooba ne manoo kexooch giyaahine. Wohooch beeti manoyee, katinooch beeti giyoo gaawiye.

Yaaqobi 2:6

Tunebaani ittoshi girechinaꞌon coonehote. Ittoshin xuqqii beetinaꞌo gaannechinaꞌo tooneenaꞌone? Nallee gabberee aafooch ittoshin geechii beetinaꞌo boonoshi tooneenaꞌone?